AtthaPali Vol.34

422. 3. Sumangalamatutherigathavannana sumuttikatiadika sumangalamataya theriya gatha. Ayampi purimabuddhesu katadhikara tattha tattha bhave kusalam upacinitva imasmim buddhuppade savatthiyam daliddakule nibbattitva vayappatta annatarassa nalakarassa dinna pathamagabbheyeva pacchimabhavikam puttam labhi, tassa sumangaloti namam ahosi. Tato patthaya sa sumangalamatati pannayittha. Yasma pana tassa namagottam na pakatam, tasma "annatara theri bhikkhuni apannata"ti paliyam vuttam. Sopissa putto vinnutam patto pabbajitva saha patisambhidahi arahattam patva sumangalattheroti pakato ahosi. Tassa mata bhikkhunisu pabbajitva vipassanaya kammam karonti ekadivasam gihikale attana laddhadukkham ^1- paccavekkhitva samvegajata vipassanam vaddhetva saha patisambhidahi arahattam patva udanenti:- [23] "sumuttika sumuttike sadhu muttikamhi musalassa ahiriko me chattakam vapi ukkhalika me deddubham vati. [24] Raganca aham dosanca cicciti ciccatiti vihanami sa rukkhamulamupagamma `aho sukhan'ti sukhato jhayami"ti ima dve gatha abhasi. Tattha sumuttikati sumutta. Kakaro pana puranamattam, sutthu mutta vatati attho. Sa sasane attana patiladdhasampattim disva pasadavasena, tassa va pasamsavasena amantetva vuttam "sumuttika sumuttika"ti. Yam pana gihikale visesato jigucchati, tato vimuttim dassenti "sadhu muttikamhi"tiadimaha. Tattha sadhu muttikamhiti sammadeva mutta vata amhi. Musalassati musalato. Ayam kira daliddabhavena @Footnote: ¹ Si.,Ma. pattadukkham Gihikale sayameva musalakammam karoti, tasma evamaha. Ahiriko meti mama samiko ahiriko nillajjo, so mama na ruccatiti vacanaseso. Pakatiyava kamesu virattacittataya kamadhimuttanam pavattim jigucchanti vadati. Chattakam vapiti jivitahetukena kariyamanam chattakampi me na ruccatiti attho. Vasaddo avuttasamuccayattho, tena pelacankotakadim sanganhati. Veludandadini gahetva divase divase chattadinam karanavasena dukkhajivitam jigucchanti vadati. "ahitako me vato vati"ti keci vatva ahitako jaravaho gihikale mama sarire vato vayatiti attham vadanti. Apare pana "ahitako paresam duggandhataro ca mama sarirato vato vayati"ti attham vadanti. Ukkhalika me deddubham vatiti me mama bhattapacanabhajanam ciraparivasikabhavena aparisuddhataya udakasappagandham vayati, tato aham sadhumuttikamhiti yojana. Raganca aham dosanca, cicciti ciccititi vihanamiti aham kilesajetthakam raganca dosanca cicciti ciccititi imina saddena saddhim vihanami vinasemi, pajahamiti ^1- attho. Sa kira attano samikam jigucchanti tena divase divase piliyamananam sukkhanam veludandadinam saddam garahanti tassa pahanam ragadosappahanena samam katva avoca. Sa rukkhamulamupagammati sa aham sumangalamata vivittam rukkhamulam upasankamitva. Sukhato jhayamiti sukhanti jhayami, kalena kalam samapajjanti phalasukhanca nibbanasukhanca patisamvediyamana phalajjhanena jhayamiti attho. Aho sukhanti idam panassa samapattito paccha pavattamanasikaravasena vuttam, pubbabhoga- vasenatipi yujjateva. Sumangalamatutherigathavannana nitthita. ----------------------- @Footnote: ¹ cha.Ma. vijahamiti

The Pali Atthakatha in Roman Book 34 page 36-37. http://84000.org/tipitaka/atthapali/read_rm.php?B=34&A=763&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=763&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=422 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=8993 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9056 The Pali Tipitaka in Roman Character :- http://84000.org/tipitaka/read/roman_read.php?B=26&A=9056 Contents of The Tipitaka Volume 26 http://84000.org/tipitaka/read/?index_26