บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
424. 5. Cittatherigathavannana kincapi khomhi kisikatiadika cittaya theriya gatha. Ayampi purimabuddhesu katadhikara tattha tattha bhave vivattupanissayam kusalam upacinanti ito catunavutikappe candabhagaya nadiya tire kinnarayoniyam nibbatti, sa ekadivasam ekam paccekasambuddham rukkhamule nisinnam disva pasannamanasa nalapupphehi pujam katva vanditva anjalim paggahetva padakkhinam katva pakkami. Sa tena punnakammena devamanussesu samsaranti imasmim buddhuppade rajagahe gahapatimahasala- kule nibbattitva vinnutam patva satthu rajagahappavesane patiladdhasaddha paccha @Footnote: 1 ka. voharatiti 2 Ma.,i. iti 3 cha.Ma. hi vuttam 4 Si....adina sadattham katheti Mahapajapatigotamiya santike pabbajitva mahallikakale gijjhakutam pabbatam abhiruhitva samanadhammam karonti vipassanam vaddhetva saha patisambhidahi arahattam papuni. Tena vuttam apadane 1-:- "candabhaganaditire ahosim kinnari tada addasam virajam buddham sayambhum aparajitam. Pasannacitta sumana vedajata katanjali nalamalam gahetvana sayambhum abhipujayim. Tena kammena sukatena cetanapanidhihi ca jahitva kinnarideham agacchim tidasam ganam. 2- Chattimsadevarajunam mahesittamakarayim dasannam cakkavattinam mahesittamakarayim. 3- Samvejetvana me cittam 3- pabbajim anagariyam kilesa jhapita mayham bhava sabbe samuhata. Sabbasavaparikkhina natthi dani punabbhavo catunnavutito kappe yam pupphamabhipujayim. Duggatim nabhijanami buddhapujayidam 4- phalam kilesa jhapita mayham .pe. Katam buddhassa sasanan"ti. Sa pana arahattam patva attano patipattim paccavekkhitva:- [27] "kincapi khomhi kisika gilana balhadubbala dandamolubbha gacchami pabbatam abhiruhiya. @Footnote: 1 khu.apa. 33/37/286 2 cha.Ma. gatim 3-3 vedayitvana kusalam (sya) @4 cha.Ma. pupphapujayidam [28] Sanghatim nikkhipitvana pattakanca nikujjiya sele khambhesim attanam tamokkhandham padaliya"ti ima dve gatha abhasi. Tattha kincapi khomhi kisikati yadipi aham jara jinna appamamsalohitabhavena kisasarira amhi. Gilana balhadubbalati dhatvadivikarena 1- gilana, teneva gelannena ativiya dubbala. Dandamolubbha gacchamiti yattha katthaci gacchanti kattarayatthim alambitvava 2- gacchami. Pabbatam abhiruhiyati evam bhutapi vivekakamataya gijjhakutam pabbatam abhiruhitva. Sanghatim nikkhipitvanati santaruttara eva hutva yatha samhatam amse thapitam sanghatim hatthapase thapetva. Pattakanca nikujjiyati mayham valanjanamattikapattam adhomukham katva ekamante thapetva. Sele khambhesim attanam, tamokkhandham padaliyati pabbate nisinna imina dighena addhuna apadalitapubbam mohakkhandham padaletva, teneva ca mohakkhandhapadalanena attanam attabhavam khambhesim, mama santanam ayatim anupattidhammatapadanena vikhambhesinti attho. Cittatherigathavannana nitthita. ------------------The Pali Atthakatha in Roman Book 34 page 41-43. http://84000.org/tipitaka/atthapali/read_rm.php?B=34&A=885&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=885&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=424 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9006 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9067 The Pali Tipitaka in Roman Character :- http://84000.org/tipitaka/read/roman_read.php?B=26&A=9067 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]