|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7 Katthaharijatakam
putto tyaham maharajati idam sattha jetavane viharanto
vasabhakhattiyam arabbha kathesi.
Vasabhakhattiyaya vatthu dvadasanipate bhaddasalajatake
avibhavissati. Sa kira mahanamassa sakkassa dhita nagamandaya
nama dasiya kucchismim jata kosalarajassa aggamahesi ahosi.
Sa ranno puttam vijayi. Raja panassa paccha dasibhavam natva
thana parihapesi puttassa vidudabhassapi thana parihapesiyeva
ubhopi attano nivesaneyeva vasanti. Sattha tam karanam natva
pubbanhasamaye pancasatabhikkhuparivuto ranno nivesanam gantva
pannattasane nisiditva maharaja kaham vasabhakhattiyati aha.
Raja tam karanam arocesi. Maharaja vasabhakhattiya kassa
dhitati. Mahanamassa bhanteti. Agacchamana kassa agatati.
Mayham bhanteti. Maharaja esa ranno dhita ranno ca agata
---------------------------------------------------------------------------------------------
page205.
Rajananneva paticca puttam labhi so putto kimkarana pitu
santakassa rajjassa samiko na hoti pubbe rajano muhuttikaya
katthaharikaya kucchismim puttam labhitva puttassa rajjam adamsuti.
Raja tassatthassavibhavatthaya bhagavantam yaci. Bhagava bhavantarena
paticchannam karanam pakatam akasi.
Atite baranasiyam brahmadatto raja mahantena yasena
uyyanam gantva tattha pupphaphalalobhena vicaranto uyyanavanasande
gayitva daruni uddharamanam ekam itthim disva patibaddhacitto
samvasam kappesi. Tam khananneva bodhisatto tassa kucchiyam patisandhim
ganhi. Tavadeva tassa vajirapurita viya garuka kucchi ahosi.
Sa gabbhassa patitthitabhavam natva gabbho me deva patitthitoti
aha. Raja angulimuddikam datva sace dhita hoti idam
vissajjetva poseyyasi sace putto hoti muddikaya saddhim
mama santikam aneyyasiti vatva pakkami. Sapi paripakkagabbha
bodhisattam vijayi. Tassa adhavitva paridhavitva vicaranakale
kilamandale kilantassa evam vattaro honti nippitikenamha
pahatati. Tam sutva bodhisatto matu santikam gantva amma ko
mayham pitati pucchi. Tata tvam baranasiranno puttoti. Amma
atthi pana koci sakkhiti. Tata raja idam muddikam datva sace
dhita hoti vissajjetva poseyyasi sace putto hoti imaya
muddikaya saddhim aneyyasiti vatva gatoti. Amma evam sante
---------------------------------------------------------------------------------------------
page206.
Kasma mam pitu santikam na nesiti. Sa puttassa ajjhasayam natva
rajadvaram gantva ranno arocapesi ranna ca pakkosapita
pavisitva rajanam vanditva ayam te deva puttoti aha. Raja
janantopi parisamajjhe lajjaya na mayham puttoti aha. Ayante
deva muddika idam sanjanasiti. Ayampi mayham muddika na hotiti.
Deva idani thapetva saccakiriyam anno mama sakkhi natthi sacayam
darako tumhe paticca jato khitto akase titthatu no ce
bhumiyam patitva maratuti bodhisattassa pade gahetva akase
khipi. Bodhisatto akase pallankam abhujitva nisinno
madhurassarena pitu dhammam kathento idam gathamaha
putto tyaham maharaja tvam mam posa janadhipa
annepi devo poseti kinca devo sakam pajanti.
Tattha putto tyahanti putto te aham. Putto ca namesa
atrajo khetrajo antevasiko dinnakoti catubbidho. Tattha attanam
paticca jato atrajo nama. Sayanapitthe pallanke ureti
evamadisu nibbatto khetrajo nama. Santike sippugganhanako
antevasiko nama. Posavanatthaya dinno dinnako nama.
Idha pana atrajam sandhaya puttoti vuttam. Catuhi sangahavatthuhi janam
ranjetiti raja. Mahanto raja maharaja. Tam amantento
aha maharajati. Tvam mam posa janadhipati mahajanajetthaka
---------------------------------------------------------------------------------------------
page207.
Tvam mam posa bharassu vasehiti. Annepi devo posetiti anne
hatthibandhadayo manusse hatthiassadayo tiracchanagate ca bahujane
devo poseti. Kinca devo sakam pajanti ettha pana kincati
garahatthe ca anuggahatthe ca nipato. Sakam pajam attano puttam
mam devo na posetiti ovadanto garahati nama. Anne bahu
jane posetiti vadanto anugganhati nama. Iti bodhisatto
garahantopi kinca devo sakam pajanti aha.
Raja bodhisattassa akase nisiditva evam dhammam desentassa
sutva ehi tata tam ahameva posessamiti hattham pasaresi.
Hatthasahassam pasarayittha. Bodhisatto annassa hatthe anotaritva
rannova hatthe otaritva anke nisidi. Raja tassa uparajjam
datva mataram aggamahesim akasi. So pitu accayena katthabahanaraja
nama hutva dhammena rajjam karetva yathakammangato.
Sattha kosalaranno idam dhammadesanam aharitva dve vatthuni
dassetva anusandhim ghatetva jatakam samodhanesi tada mata
mahamayadevi ahosi pita suddhodanamaharaja katthabahanaraja
pana ahameva ahositi.
Katthaharijatakam sattamam.
-----------------------
The Pali Atthakatha in Roman Book 35 page 204-207.
http://84000.org/tipitaka/atthapali/read_rm.php?B=35&A=4268&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=35&A=4268&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=7
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=40
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=44
The Pali Tipitaka in Roman Character :-
http://84000.org/tipitaka/read/roman_read.php?B=27&A=44
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]