AtthaPali Vol.35

8 Gamanijatakam api ataramanananti idam sattha jetavane viharanto ossatthaviriyam bhikkhum arabbha kathesi. Imasmim pana jatake paccuppannavatthunca atitavatthunca ekadasanipate samvarajatake avibhavissati. Vatthum hi tasminca imasmim ca ekasadisameva gatha pana nana. Gamanikumaro bodhisattassa ovade thatva bhatikasatassa kanitthopi hutva bhatikasataparivarito setacchattassa hettha varapallanke nisinno attano yasasampattim oloketva ayam mayham yasasampatti amhakam acariyassa santakati tuttho idam udanam udanesi api ataramananam phalasava samijjhati vipakkabrahmacariyosmi evam janahi gamaniti. Tattha apiti nipatamattam. Ataramanananti panditanam ovade thatva aturitva avegayitva upayena kammam karontanam. Phalasava samijjhatiti yathapatthite phale asa tassa phalassa nipphattiya samijjhatiyeva. Athava. Phalasati asaya phalam yathapatthitam phalam samijjhatiyevati attho. Vipakkabrahmacariyosmiti ettha cattari sangahavatthuni setthacariyatta brahmacariyam nama. Tanca tammulikaya yasasampattiya patiladdhatta vipakkam namayeva. So tassa yaso nipphanno sopi setthatthena brahmacariyam nama. Tenaha vipakkabrahmacariyosmiti. Evam janahi gamaniti katthaci gamikapurisopi gamajetthakopi gamani idha pana sabbajanajetthakam attanam sandhayaha ambho gamani tvam etam karanam evam janahi acariyam nissaya bhatikasatam atikkamitva idam maharajjam pattosmiti udanam udanesi. Tasmim pana rajjam sampatte sattatthadivasaccayena sabbe bhataro attano vasanatthanam gata. Gamaniraja dhammena rajjam karetva yathakammangato. Bodhisattopi punnani katva yathakammangato. Sattha idam dhammadesanam aharitva dassetva saccani pakasesi. Saccapariyosane ossatthaviriyo bhikkhu arahatte patitthitoti. Sattha dve vatthuni kathetva anusandhim ghatetva jatakam samodhanesi tada gamaniraja anando acariyo pana ahamevati. Gamanijatakam atthamam. -------------------

The Pali Atthakatha in Roman Book 35 page 208-209. http://84000.org/tipitaka/atthapali/read_rm.php?B=35&A=4342&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=4342&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=8 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=46 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=49 The Pali Tipitaka in Roman Character :- http://84000.org/tipitaka/read/roman_read.php?B=27&A=49 Contents of The Tipitaka Volume 27 http://84000.org/tipitaka/read/?index_27