บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10 Sukhaviharijatakam yanca anne na rakkhantiti idam sattha anupiyanagaram nissaya anupiyaambavane viharanto sukhaviharim bhaddiyattheram arabbha kathesi. Sukhavihari bhaddiyatthero chakhattiyasamagame upalisattamo pabbajito. Tesu bhaddiyatthero ca kimbilatthero ca bhagutthero ca upalitthero ca arahattam patta anandatthero sotapanno jato anuruddhatthero dibbacakkhuko devadatto jhanalabhi jato. Channam pana khattiyanam vatthu yava anupiyanagara kandahalajatake avibhavissati. Ayasma pana bhaddiyo rajakale attanam rakkhanto rakkhasamvidhanadevatava bahuhi rakkhahi rakkhiyamanassa upari pasadatale mahasayane parivattamanassapi attano bhayuppattinca disva idani arahattam patva Arannadisu yatthakatthaci viharantopi attano vigatabhayattanca samanupassanto aho sukham aho sukhanti udanam udanesi. Tam sutva bhikkhu ayasma bhaddiyo annam byakarotiti bhagavato arocesum. Bhagava na bhikkhave bhaddiyo idaneva sukhavihariyeva pubbepi sukhavihariyevati aha. Bhikkhu tassatthassavibhavatthaya bhagavantam yacimsu. Bhagava bhavantarena paticchannam karanam pakatam akasi. Atite baranasiyam brahmadatte rajjam karayamane bodhisatto udiccabrahmanamahasalo hutva kamesu adinavam nekkhamme canisamsam disva kame pahaya himavantam pavisitva isipabbajjam pabbajitva attha samapattiyo nibbattesi. Parivaropissa maha ahosi panca tapasasatani. So vassakale himavantato nikkhamitva tapasaganaparivuto gamanigamadisu carikancaranto baranasim patva rajanam nissaya rajuyyane vasam kappesi. Tattha vassike cattaro mase vasitva rajanam apucchi. Atha nam raja bhante tumhe mahallaka kim vo himavantena antevasike himavantam pesetva idheva vasathati yaci. Bodhisatto jetthantevasikam panca tapasasatani sampaticchapetva gaccha tvam imehi saddhim himavante vasa ahampana idheva vasissamiti te uyyojetva sayam tattheva vasam kappesi. So panassa jetthantevasiko rajapabbajito mahantam rajjam pahaya pabbajitva kasinaparikammam katva atthasamapattilabhi ahosi. So tapasehi saddhim himavante vasamano ekadivasam acariyam datthukamo Hutva te tapase amantetva tumhe anukkanthamana idheva vasatha aham acariyam disva agacchissamiti acariyassa santikam gantva vanditva patisantharam katva ekam tattikam attharitva acariyassa santikeyeva nipajji. Tasmim ca samaye raja tapasam passissamiti uyyanam gantva vanditva ekamantam nisidi. Antevasikatapaso rajanam disvapi neva utthasi nipannakoyeva pana aho sukham aho sukhanti udanam udanesi. Raja ayam tapaso mam disvapi na utthitoti anattamano bodhisattam aha bhante ayam tapaso yathicchakam bhutto bhavissati udanam udanento sukhaseyyameva kappetiti. Maharaja ayam tapaso pubbe tumhadisova eko raja ahosi svayam aham pubbe gihikale rajjasirim anubhavanto avudhahatthehi bahuhi rakkhiyamanopi evarupam sukham nama nalatthanti attano pabbajjasukham jhanasukham arabbha idam udanam udanesiti evanca pana vatva bodhisatto ranno dhammakatham kathetum idam gathamaha yanca anne na rakkhanti yo ca anne na rakkhati sa ve raja sukham seti kamesu anapekkhavati. Tattha yanca anne na rakkhantiti yam puggalam anne bahu puggala na rakkhanti. Yo ca anne na rakkhatiti yopi ekako aham rajjam karemiti anne bahu na rakkhanti. Sa ve raja sukham setiti maharaja so puggalo eko adutiyo pavivitto kayikacetasika- sukhasamangi hutva sukham seti. Idanca desanasisameva na kevalameva Sukham setiyeva evarupo pana puggalo sukham gacchati titthati nisidati sayati sabbiriyapathesu sukhappattova hoti. Kamesu anapekkhavati vatthukamakilesakamesu apekkhavirahito vigatacchandarago nittanho evarupo puggalo sabbiriyapathesu sukham viharati maharajati. Raja dhammadesanam sutva tutthamanaso vanditva nivesanameva gato. Antevasikopi acariyam vanditva himavantameva gato. Bodhisatto pana tattheva viharanto aparihinajjhano kalam katva brahmaloke nibbatti. Sattha idam dhammadesanam aharitva dassetva dve vatthuni kathetva anusandhim ghatetva jatakam samodhanesi tada antevasiko bhaddiyatthero ahosi ganasattha pana ahamevati. Sukhaviharijatakam dasamam. Apannakavaggo pathamo. ---------------------The Pali Atthakatha in Roman Book 35 page 213-216. http://84000.org/tipitaka/atthapali/read_rm.php?B=35&A=4445&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=4445&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=10 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=56 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=59 The Pali Tipitaka in Roman Character :- http://84000.org/tipitaka/read/roman_read.php?B=27&A=59 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]