บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2 Silavaggavannana -------- 1 lakkhanajatakam hoti silavatam atthoti idam sattha rajagaham upanissaya veluvane viharanto devadattam arabbha kathesi. Devadattassa vatthu yava abhimarapayojana kandahalajatake avibhavissati yava dhanapalaka- vissajjana pana cullahamsajatake avibhavissati yava pathavippavesana barasanipate samuddabanijajatake avibhavissati. Ekasmim samaye devadatto panca vatthuni yacitva alabhanto sangham bhinditva panca bhikkhusatani adaya gayasise viharati. Atha tesam bhikkhunam nanam paripakam agamasi. Tam natva sattha dve aggasavake amantesi sariputta tumhakam nissitaka pancasata bhikkhu devadattassa laddhim rocetva tena saddhim gata idani pana tesam nanam paripakam gatam tumhe bahuhi bhikkhuhi saddhim tattha gantva tesam dhammam desetva te bhikkhu maggaphalehi pabodhetva gahetva agacchathati. Te tattheva gantva tesam dhammam desetva maggaphalehi pabodhetva punadivase arunuggamanavelaya te bhikkhu adaya veluvanameva agamimsu. Agantva ca pana sariputtattherassa bhagavantam Vanditva thitakale bhikkhu theram pasamsitva bhagavantam ahamsu bhante amhakam jetthakabhatiko dhammasenapati pancahi bhikkhusatehi parivuto agacchanto ativiya sobhati devadatto pana parihinaparivaro jatoti. Na bhikkhave sariputto idaneva natisanghaparivuto agacchanto sobhati pubbepi sobhatiyeva devadattopi na idaneva ganato parihino pubbepi parihinoyevati. Bhikkhu tassatthassavibhavatthaya bhagavantam yacimsu. Bhagava bhavantarena paticchannam karanam pakatam akasi. Atite magadharatthe rajagahanagare eko magadharaja rajjam karesi. Tada bodhisatto migayoniyam patisandhim gahetva vuddhim patto migasahassaparivaro aranne vasati. Tassa lakkhano ca kalo cati dve putta ahesum. So attano mahallakakale tata aham idani mahallako tumhe idam ganam pariharathati panca panca migasatani ekekam puttam paticchapesi. Tato patthaya dvepi jana migaganam pariharanti. Magadharatthasminca sassasamaye kitthasambadhe aranne miganam paripantho hoti. Manussa sassakhadakanam miganam maranatthaya tattha opatam khananti sulani ropenti pasanayantani sajjanti kutapasadayo pase odenti. Bahu miga vinasam apajjanti. Bodhisatto kitthasambadhasamayam natva putte pakkosapetva aha tata ayam kitthasambadhasamayo bahu miga vinasam papunanti mayam mahallaka yena tenupayena ekasmim thane vitinamessama tumhe tumhakam migagane gahetva aranne pabbatapadam pavisitva Sassanam uddhatakale agaccheyyathati. Te sadhuti pitu vacanam patissunitva saparivara nikkhamimsu. Tesam pana gamanagamanamagge manussa jananti imasmim kale miga pabbatam arohanti imasmim kale orohantiti. Te tattha tattha paticchannatthane nisinna bahu mige vijjhitva marenti. Kalamigopi attano dandhataya imaya nama velaya gantabbanti ajananto migaganam adaya pubbanhepi sayanhepi padosepi paccusepi gamadvarena gacchati. Manussa tattha tattha pakatiyava thita ca nisinna ca bahu mige vinasam gamenti. Evam so attano dandhataya bahu mige vinasam papetva appakeheva migehi aranne pavisi. Lakkhanamigo pana pandito byatto upayakusalo imaya velaya gantabbam imaya velaya na gantabbanti janati. So gamadvarena na gacchati divapi na gacchati padosepi paccusepi na gacchati migaganam adaya addharattikasamayeneva gacchati tasma ekampi migam avinasetva arannam pavisi. Te tattha cattaro mase vasitva sassesu uddhatesu pabbata otarimsu. Kalo paccha gacchantopi purimanayeneva avasesamigepi vinasam papento ekakova agami. Lakkhano pana ekam migampi avinasetva pancahi migasatehi parivuto matapitunam santikam agami. Bodhisattopi dve putte agacchante disva migiya saddhim mantento idam gatham samutthapesi. Hoti silavatam attho patisantharavuttinam lakkhanam passa ayantam natisanghapurakkhitam atha passasimam kalam suvihinamva natibhiti. Tattha silavatanti sukhasilataya silavantanam acarasampannanam. Atthoti vuddhi. Patisantharavuttinanti dhammapatisantharo ca amisapatisantharo ca etesu vuttinoti patisantharavuttino. Tesam patisantharavuttinam. Ettha ca papanivarana ovadanusasanadivasena dhammapatisantharo gocaralabhapanagilanupatthanadhammikarakkhavasena amisapatisantharo veditabbo. Idam vuttam hoti imesu dvisu patisantharesu thitanam acarasampannanam panditanam vuddhi nama hoti. Idani tam vuddhim dassetum migamataram alapanto lakkhanam passati adimaha. Tatrayam sankhepattho acarapatisantharasampannam attano puttam ekam migampi avinasetva natisanghena purakkhitam parivaritam agacchantam passa taya pana acarapatisantharasampadaya vihinam dandhapannam atha passasimam kalam ekampi natim avasesetva suvihinameva natihi ekakam agacchantanti. Evam puttam abhinanditva pana bodhisatto yavatayukam thatva yathakammangato. Sattha na bhikkhave sariputto idaneva natisanghaparivuto sobhati pubbepi sobhatiyeva na devadatto etarahiyeva ganamha parihino pubbepi parihinoyevati idam dhammadesanam aharitva dassetva Dve vatthuni kathetva anusandhim ghatetva jatakam samodhanesi tada kalo devadatto ahosi parisapissa devadattaparisa lakkhano sariputto parisapissa buddhaparisa mata rahulamata ahosi pita pana ahameva ahositi. Lakkhanajatakam pathamam. ----------------The Pali Atthakatha in Roman Book 35 page 217-221. http://84000.org/tipitaka/atthapali/read_rm.php?B=35&A=4512&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=4512&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=11 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=71 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=71 The Pali Tipitaka in Roman Character :- http://84000.org/tipitaka/read/roman_read.php?B=27&A=71 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]