ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 35 : PALI ROMAN Ja.A.1 ekanipat (1)

                      4 Vatamigajatakam
     na kiratthi rasehi papiyohi idam sattha jetavane viharanto
culapindapatikatissattheram arabbha kathesi.
     Satthari kira rajagaham upanissaya veluvane viharante tissakumaro
nama mahavibhavassa setthikulassa putto ekadivasam veluvanam gantva
satthu dhammadesanam sutva pabbajitukamo pabbajjam yacitva matapituhi
ananunnatatta patikkhitto sattaham bhattacchedam katva ratthapalatthero
viya matapitaro anujanapetva satthu santike pabbaji. Sattha
tam pabbajetva addhamasamattam veluvane viharitva jetavanam agamasi.
Tatrayam kulaputto terasa dhutangani samadaya savatthiyam sapadanam
pindaya caranto kalam vitinamesi culapindapatikatissatthero
namati vutto gaganatale punnacando viya buddhasasane pakato
pannato ahosi.
     Tasmim kale rajagahe nakkhattakilaya vattamanaya therassa
matapitaro yam tassa gihikale ahosi abharanabhandakam tam rajatacankotake
nikkhipitva ure thapetva annasu nakkhattakilasu amhakam putto
imina alankarena alankato nakkhattam kilati tam no ekaputtakam
gahetva samano gotamo savatthinagaram gato kaham nu kho so
etarahi nisinno kaham thitoti vatva rodanti. Atheka vannadasi
tam kulam gantva setthibhariyam rodantim disava pucchi kim ayye rodasiti.
Sa tamattham arocesi. Kim pana ayye ayyaputto piyayatiti.
Asukanca asukancati. Sace tumhe imasmim gehe sabbam issariyam
mayham detha ahante puttam anessamiti. Setthibhariya sadhuti
sampaticchitva paribbayam datva mahantena parivarena tam uyyojesi gaccha
attano vasena mama puttam anehiti. Sa paticchannayane nisinna
savatthim gantva therassa bhikkhacaravithiyam nivasam gahetva setthikula
agatamanusse therassa adassetva attano parivareneva parivuta
therassa pindaya pavitthassa aditova ulunkayagunca rasakabhikkhanca
datva rasatanhaya bandhitva anukkamena gehe nisidapetva bhikkham
dadamana therassa attano vasam upagatabhavam natva gilanalayam
dassetva antogabbhe nipajji. Theropi bhikkhacaravelaya sapadanam
caranto gehadvaram agamasi. Parijano therassa pattam gahetva
theram ghare nisidapesi. Thero nisiditva kaham upasikati pucchi.
Gilana bhante tumhakam dassanam icchatiti. So rasatanhaya bandho
attano vattasamadanam bhinditva tassa nipannatthanam pavisi. Sa
attano agatakaranam kathetva tam palobhetva rasatanhaya bandhitva
uppabbajetva attano vase thapetva yane nisidapetva mahantena
parivarena rajagahameva agamasi. Sa pavutti pakata jata.
     Bhikkhu dhammasabhayam sannisinna culapindapatikatissattheram kira eka
vannadasi rasatanhaya bandhitva adaya gatati katham samutthapesum.
Sattha dhammasabham upagantva alankatasane nisiditva
Kaya nuttha bhikkhave etarahi kathaya sannisinnati aha. Te tam pavuttim
kathayimsu. Na bhikkhave idaneva eso bhikkhu rasatanhaya bajjhitva
tassa vasangato pubbepi tassa vasangatoyevati vatva atitam
ahari.
     Atite baranasiyam ranno brahmadattassa sanjayo nama
uyyanapalo ahosi. Atheko vatamigo tam uyyanam agantva
sanjayam disva palayati. Sanjayopi na tam tajjetva niharati. So
punappunam agantva uyyaneyeva carati. Uyyanapalo patova
uyyanato nanappakarani pupphaphalani gahetva divase divase ranno
abhiharati. Atha nam ekadivasam raja pucchi samma uyyanapala uyyane
kinci acchariyam passasiti. Deva annam na passami eko pana
vatamigo agantva uyyane carati etam passamiti. Sakkhissasi
pana tam gahetunti. Thokam madhum labhanto imam antorajanivesanampi
anetum sakkhissamiti. Raja tassa madhum dapesi. So
tam gahetva uyyanam gantva vatamigassa caranatthane tinani
madhuna makkhetva niliyi. Migo agantva madhumakkhitani tinani
khaditva rasatanhaya bandho annattha agantva uyyanameva
agacchati. Uyyanapalo tassa madhumakkhitatinesu paluddhabhavam natva
anukkamena attanam dassesi. So tam disva katipaham palayitva
punappunam passanto vissasam apajjitva anukkamena uyyanapalassa
hatthe thitatinani khaditum arabhi. So tassa vissasam apannabhavam
Natva yava rajanivesana vithim kilanjehi parikkhipitva tahim tahim
sakhabhangam patetva madhulabukam amse laggetva tinakalapam
upakacchake thapetva madhumakkhitani tinani migassa purato vikiranto
antorajanivesanamyeva agamasi. Mige anto pavitthe dvaram pidahimsu.
Migo manusse disva kampamano maranabhayabhito antonivesanangane
adhavati paridhavati. Raja pasada oruyha tam kampamanam disva
migo nama manussanam ditthatthanam sattaham na gacchati tajjitatthanam
yavajivam na gacchati so evarupo gahananissito vatamigo rasatanhaya
bandho idani evarupam thanam agato natthi vata bho loke
rasatanhaya papakatarannamati imaya gathaya dhammadesanam patthapesi
               na kiratthi rasehi papiyo
               avasehi va santhavehi va
               vatamigam gahananissitam
               vasamanesi rasehi sanjayoti.
     Tattha kirati anussavanatthe nipato. Rasehiti jivhavinneyyehi
madhurambiladihi. Papiyoti papataro. Avasehi va santhavehi
vati nibaddhavasanatthanasankhatesu avasesupi mittasanthavesupi
chandarago papakova etehi pana sacchandaragaparibhogehi avasehi
va mittasanthavehi va satagunena sahassagunena ca dhuvapatisevanatthena
aharam vina jivitindriyapalanaya abhavena ca sacchandaragaparibhogarasava
papatarati bodhisatto pana anusvagatam migam viya imamattham katva
Na kiratthi rasehi papiyo avasehi va santhavehi vati aha. Idani
nesam papiyabhavam dassento vatamiganti adimaha. Tattha gahananissitanti
gahanatthananissitam. Idam vuttam hoti passatha rasanam papiyabhavam idam
nama arannayatane gahananissitam vatamigam sanjayo uyyanapalo
madhurasehi attano vasam anesi sabbathapi sachandaragaparibhogehi
rasehi nama annam papataram lamakataram natthiti rasatanhaya adinavam
kathesi kathetva ca pana tam migam arannameva pesesi.
     Sattha na bhikkhave sa vannadasi idaneva etam rasatanhaya
bandhitva attano vase karoti pubbepi akasiyevati idam dhammadesanam
aharitva anusandhim ghatetva jatakam samodhanesi tada sanjayo
ayam vannadasi ahosi vatamigo culapindapatiko baranasiraja
pana ahameva ahositi.
                   Vatamigajatakam catuttham.
                      ----------



             The Pali Atthakatha in Roman Book 35 page 237-241. http://84000.org/tipitaka/atthapali/read_rm.php?B=35&A=4917&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=4917&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=14              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=91              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=91              The Pali Tipitaka in Roman Character :- http://84000.org/tipitaka/read/roman_read.php?B=27&A=91              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]