AtthaPali Vol.35

5 Kharadiyajatakam atthakhuram kharadiyeti idam sattha jetavane viharanto annataram dubbacabhikkhum arabbha kathesi. So kira bhikkhu dubbaco ovadam na ganhati. Atha nam sattha pucchi saccam kira tvam bhikkhu dubbaco ovadam na ganhasiti. Saccam bhagavati. Sattha pubbepi tvam dubbacataya panditanam ovadam Agahetva pasena bandho jivitakkhayam pattoti vatva atitam ahari. Atite baranasiyam brahmadatte rajjam karente bodhisatto migo hutva migaganaparivuto aranne vasati. Athassa bhagini migi puttakam dassetva bhatika ayante bhagineyyo ekam migamayam ugganhapehiti paticchapesi. So tam bhagineyyam asukavelaya nama agantva ugganhahiti aha. So vuttavelaya na gacchati. Yathapekadivasam evam sattadivase atikkante so migamayam anugganhitva vicaranto pase bajjhi. Matapissa bhataram upasankamitva kinte bhatika bhagineyyo migamayam ugganhapitoti pucchi. Bodhisatto ca tassa anovadakassa ma cintayi na te puttena migamaya ugganhitati vatva idani tam anovaditukamova hutva idam gathamaha atthakhuram kharadiye migam vankativankinam sattakalehatikkantam na nam ovaditussaheti. Tattha atthakhuranti ekekasmim pade dvinnam dvinnam khuranam vasena atthakhuram. Kharadiyeti tam namena alapati. Miganti sabbasangahikavacanam. Vankativankinanti mule vankani agge ativankaniti vankativankani. Tadisani singani assa atthiti vankativankam. Tam vankativankinam. Sattakalehatikkantanti sattahi ovadakalehi ovadam atikkantam. Na nam ovaditussaheti etam dubbacamigam aham ovaditum na ussahami etassa me ovadatthaya cittampi na uppajjatiti dasseti. Atha nam dubbacamigam pasena bandham luddo maretva mamsam adaya pakkami. Satthapi na tvam bhikkhu idaneva dubbaco pubbepi dubbacoyevati idam dhammadesanam aharitva anusandhim ghatetva jatakam samodhanesi tada bhagineyyamigo dubbacabhikkhu ahosi bhagini uppalavanna ovadakamigo pana ahameva ahositi. Kharadiyajatakam pancamam. ------------

The Pali Atthakatha in Roman Book 35 page 241-243. http://84000.org/tipitaka/atthapali/read_rm.php?B=35&A=5014&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=5014&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=15 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=98 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=98 The Pali Tipitaka in Roman Character :- http://84000.org/tipitaka/read/roman_read.php?B=27&A=98 Contents of The Tipitaka Volume 27 http://84000.org/tipitaka/read/?index_27