AtthaPali Vol.35

8 Matakabhattajatakam evance satta janeyyunti idam sattha jetavane viharanto matakabhattam arabbha kathesi. Tasmim hi kale manussa bahu ajelakadayo maretva kalakate natake uddissa matakabhattam nama denti. Bhikkhu te manusse tatha karonte disva sattharam pucchimsu etarahi bhante manussa bahu pane jivitakkhayam papetva matakabhattam nama denti atthi nu kho ettha vuddhiti. Sattha na bhikkhave matakabhattam dassamati katepi panatipate kaci vuddhi nama atthi pubbepi pandita akase nisajja dhammam desetva ettha adinavam kathetva sakala- jambudipavasike etam kammam jahapesum idani pana bhavasankhepagatatta puna patubhutanti vatva atitam ahari. Atite baranasiyam brahmadatte rajjam karente eko tinnam vedanam paragu disapamokkho acariyo brahmano matakabhattam dassamiti ekam elakam gahapetva antevasike aha tata idam elakam nadim netva nhapetva kanthe malam parikkhipitva Pancangulikam datva mandetva anethati. Te sadhuti patissunitva tam adaya nadim gantva nhapetva mandetva naditire thapesum. So elako attano pubbakammam disva evarupa nama dukkha ajja muccissamiti somanassajato mattikaghatam bhindanto viya mahahasitam hasitva puna ayam brahmano mam ghatetva maya laddham dukkham labhissatiti brahmane karunnam uppadetva mahantena saddena parodi. Atha nam te manavaka pucchimsu samma elaka tvam mahasaddena hasi ceva rodi ca kena nu kho karanena hasi kena karanena roditi. Tumhe mam idam karanam attano acariyassa santike puccheyyathati. Te tam adaya gantva idam karanam acariyassa arocesum. Acariyo tesam vacanam sutva elakam pucchi kasma tvam elaka hasi kasma roditi. Elako attana katakammam jatissarananena anussaritva brahmanassa kathesi aham brahmana pubbe tadisova mantajjhayakabrahmano hutva matakabhattam dassamiti ekam elakam maretva adasim svaham ekassa elakassa ghatitatta ekenunesu pancasu attabhavasatesu sisacchedam papunim ayam me kotiyam thito pancasatimo attabhavo svaham ajja evarupa dukkha muccissamiti somanassajato imina karanena hasim rodanto pana aham tava ekam elakam maretva panca jatisatani sisacchedanadukkham patva ajja tamha dukkha muccissami ayampana brahmano mam maretva aham viya panca jatisatani sisacchedanadukkham labhissatiti Tayi karunnena rodinti. Elaka ma bhayi naham tam maressamiti. Brahmana kim vadesi tayi marentepi amarentepi na sakka ajja maya marana muccitunti. Elaka ma bhayi ahante arakkham gahetva taya saddhimyeva vicarissamiti. Brahmana appamattako tava arakkho maya pakatam papam pana mahantam balavanti. Brahmano elakam mocetva idam elakam kassacipi maretum na dassamiti antevasike adaya elakeneva saddhim vicari. Elako vissatthamattova ekam pasanapitthim nissaya jate gumbe givam ukkhipitva pannani khaditum araddho. Tam khananneva tasmim pasanapitthe asani patita. Eka pasanasakalika chijjitva elakassa pasaritagivayam patitva sisam chindi. Mahajano sannipati. Tada bodhisatto tasmim thane rukkhadevata hutva nibbatto. So passantasseva mahajanassa devatanubhavena akase pallankena nisiditva ime satta evam papassa phalam janamana appeva nama panatipatam na kareyyunti madhurena sarena dhammam desento idam gathamaha evance satta janeyyum dukkhayam jatisambhavo na pano paninam hanne panaghati hi socatiti. Tattha evance satta janeyyunti ime satta evam janeyyum. Katham. Dukkhayam jatisambhavoti ayam tattha tattha jati ca jatassa anukkamena vuddhisankhato sambhavo ca jarabyadhimaranaappiyasampayogapiya- vippayogahatthapadacchedadinam dukkhanam vatthubhutatta dukkhoti yadi Janeyyum. Na pano paninam hanneti param vaddhento jatisambhave vaddhim labhati pilento pilam labhatiti jatisambhavassa dukkhavatthutaya dukkhabhavam jananto koci pano annam paninam na hanne satto sattam na haneyyati attho. Kimkarana. Panaghati hi socatiti yasma sahatthikadisu chasu payogesu yenakenaci payogena parassa jivitindriyupacchedanena panaghati puggalo atthasu mahanirayesu solasasu ussadanirayesu nanappakaraya tiracchanayoniya pettivisaye asurakayeti imesu catusu apayesu mahadukkham anubhavamano digharattam antonijjhayanalakkhanena sokena socati. Yatha vayam elako maranabhayena soci evampi digharattam socatiti natva na pano paninam hanne koci panatipatakammam nama na kareyya mohena pana mulho avijjaya andhikataya idam adinavam apassanto panatipatam karotiti. Evam mahasatto nirayabhayena tajjetva dhammam desesi. Manussa tam dhammadesanam sutva nirayabhayena bhita panatipata viramimsu. Bodhisattopi dhammam desetva mahajanam pancasilesu patitthapetva yathakammangato. Mahajanopi bodhisattassa ovade thatva danadini punnani katva devanagaram puresi. Sattha idam dhammadesanam aharitva anusandhim ghatetva jatakam samodhanesi bhikkhave ahantena samayena rukkhadevata ahosinti. Matakabhattajatakam atthamam. -------------

The Pali Atthakatha in Roman Book 35 page 251-254. http://84000.org/tipitaka/atthapali/read_rm.php?B=35&A=5210&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=5210&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=18 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=117 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=116 The Pali Tipitaka in Roman Character :- http://84000.org/tipitaka/read/roman_read.php?B=27&A=116 Contents of The Tipitaka Volume 27 http://84000.org/tipitaka/read/?index_27