บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3 Bhojajaniyajatakam api passena semanoti idam sattha jetavane viharanto ekam ossatthaviriyam bhikkhum arabbha kathesi. Tasmim hi samaye sattha tam bhikkhum amantetva bhikkhu pubbepi pandita anayatanepi viriyam akamsu paharam laddhapi neva viriyam ossajjimsuti vatva atitam ahari. Atite baranasiyam brahmadatte rajjam karente bodhisatto Bhojajaniyasindhavakule nibbatto sabbakarasampanno baranasiranno mangalaasso ahosi. So satasahassagghanikaya suvannapatiyamyeva nanaggarasasampannam tivassikagandhasalibhojanam bhunjati catujatiyagandha- vilittayameva bhumiyam titthati. Tam thanam rattakambalasaniparikkhittam upari suvannatarakavicittacelavitanam samosaritagandhadamamaladamam avijahitagandhatelappadipam ahosi. Baranasirajjam pana apatthenta rajano nama natthi. Ekam samayam satta rajano baranasim parikkhipitva amhakam rajjam va detu yuddham vati baranasiranno pannam pesayimsu. Raja amacce sannipatapetva tam pavuttim acikkhitva idani kim karoma tatati pucchi. Deva tumhehi tava aditova yuddhatthaya na gantabbam asukam nama assaroham pesetva yuddham karetha tasmim asakkonte paccha janissamati. Raja tam pakkosapetva sakkhissasi tata sattahi rajuhi saddhim yuddham katunti aha. Deva sace bhojajaniyasindhavam labhami titthantu satta rajano sakalajambudiparajuhipi saddhim yujjhitum sakkhissamiti. Tata bhojajaniyasindhavo va hotu anno va yam icchasi tam gahetva yuddham karohiti. So sadhu devati rajanam vanditva pasada oruyha bhojajaniyasindhavam aharapetva attanapi sabbasannahasannaddho khaggam bandhitva sindhavapitthivaragato nagara nikkhamma vijjulata viya caramano pathamam balakotthakam bhinditva ekam rajanam jivaggahameva gahetva agantva nagare balassa Niyyadetva puna gantva dutiyam balakotthakam bhinditva tatha tatiyanti evam panca rajano jivaggaham gahetva chattham balakotthakam bhinditva chatthassa ranno gahitakale bhojajaniyo paharam labhati lohitam paggharati vedana balavatiyo vattanti. Assaroho tassa pahatabhavam natva bhojajaniyasindhavam rajadvare nipajjapetva sannaham sithilam katva annam assam sannayhitum araddho. Bodhisatto mahaphasukapassena nipannova akkhini ummiletva assaroham disva ayam annam assam sannayhati ayanca asso sattamam balakotthakam bhinditva sattamam rajanam ganhitum na sakkhissati maya katam kammanca nassissati appatisamo assarohopi nassissati rajapi parahattham gamissati thapetva mam anno asso sattamam balakotthakam bhinditva sattamam rajanam ganhitum samattho nama natthiti nipannakova assaroham pakkosapetva samma assaroha sattamam balakotthakam bhinditva sattamam rajanam ganhitum samattho thapetva mam anno asso nama natthi naham maya katakammam nasessami mamanneva utthapetva sannayhati vatva imam gathamaha api passena semano sallebhi sallalikato seyyova valava bhojjho yunja manneva sarathiti. Tattha api passena semanoti ekena passena sayamanopi. Sallebhi sallalikatoti sallehi viddhopi samano. Seyyova valava bhojjhoti valavoti sindhavakle ajato khalunkasso. Bhojjhoti Bhojajaniyasindhavo. Iti etasma valava sallehi viddhopi bhojajaniyasindhavova seyyo varo uttamo. Yunja manneva sarathiti yasma evam gatopi ahameva seyyo tasma manneva yojehi ma annepiti vadati. Assaroho bodhisattam utthapetva vanam bandhitva susannaddham sannayhitva tassa pitthiyam nisiditva sattamam balakotthakam bhinditva sattamam rajanam jiviggaham gahetva rajabalassa niyyadeti. Bodhisattampi rajadvaram anayimsu. Raja tassa dassanatthaya nikkhami. Mahasatto rajanam aha maharaja satta rajano ma ghatayittha sapatham karetva vissajjetha mayhanca assarohassa ca databbam yasam assarohasseva detha satta rajano gahetva dinnam yodhannama nasetum na vattati tumhepi danam detha silam rakkhatha dhammena rajjam karethati. Evam bodhisattena ranno ovade dinne bodhisattassa sannaham mocayimsu. So sannahe muttamatteyeva nirujjhi. Raja tassa sarirakiccam karetva assarohassa mahantam yasam datva satta rajano puna attano adubbhaya sapatham karetva sakatthanani pesetva dhammena samena rajjam karetva jivitapariyosane yathakammam gato. Sattha evam bhikkhave pubbe pandita anayatanepi viriyam akamsu evarupam paharam laddhapi na ossajjimsu tvam pana evarupe niyyanikasasane pabbajitva kasma viriyam ossajjasiti vatva cattari saccani pakasesi. Saccapariyosane ossatthaviriyo bhikkhu arahattaphale Patitthasi. Satthapi imam dhammadesanam aharitva anusandhim ghatetva jatakam samodhanesi tada raja anando ahosi assaroho sariputto bhojajaniyasindhavo pana ahameva ahositi. Bhojajaniyajatakam tatiyam. --------------The Pali Atthakatha in Roman Book 35 page 268-272. http://84000.org/tipitaka/atthapali/read_rm.php?B=35&A=5548&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=5548&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=23 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=156 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=154 The Pali Tipitaka in Roman Character :- http://84000.org/tipitaka/read/roman_read.php?B=27&A=154 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]