AtthaPali Vol.35

4 Ajannajatakam yada yadati idam sattha jetavane viharanto ossatthaviriyameva bhikkhum arabbha kathesi. Tam pana bhikkhum sattha amantetva bhikkhu pubbe pandita anayatanepi laddhappaharapi hutva viriyam akamsuti vatva atitam ahari. Atite baranasiyam brahmadatte rajjam karente purimanayeneva satta rajano nagaram parivarayimsu. Atheko rathikayodho dve bhatikasindhave rathe yojetva nagara nikkhamma cha balakotthake bhinditva cha rajano aggahesi. Tasmim khane jetthakaasso paharam labhi. Sarathiko ratham pesento rajadvaram agantva jetthakabhatikam ratha mocetva sannaham sithilam katva ekena passena nipajjapetva annam assam sannayhitum araddho. Bodhisatto tam disva purimanayeneva cintetva sarathikam pakkosapetva nipannakova imam gathamaha yada yada yattha yada yattha yattha yada yada ajanno kurute vegam hayanti tattha valavati. Tattha yada yadati pubbanhadisu yasmim yasmim kale. Yatthati yasmim thane magge va sangamasise va. Yadati yasmim khane. Yattha yatthati sattannam balakotthakanam vasena bahusu yuddhamandalesu. Yada yadati yasmim yasmim kale paharam laddhakale va aladdhakale va. Ajanno kurute veganti sarathissa cittarucitam karanam ajananasabhavo ajanno varasindhavo vegam karoti vayamati viriyam arabhati. Hayanti tattha valavati tasmim vege kariyamane itare valavasankhata khalunkassa hayanti parihayanti tasma imasmim rathe manneva yojehiti aha. Sarathi bodhisattam utthapetva yojetva sattamam balakotthakam bhinditva sattamam rajanam adaya ratham pajento rajadvaram agantva sindhavam mocesi. Bodhisatto ekena passena nipanno purimanayeneva ranno ovadam datva nirujjhi. Raja tassa sarirakiccam karetva rathikassa sammanam katva dhammena samena rajjam karetva yathakammangato. Sattha imam dhammadesanam aharitva saccani pakasesi. Saccapariyosane so bhikkhu arahatte patitthasi. Sattha jatakam samodhanesi tada raja anandatthero ahosi sarathi sariputto asso pana ahameva sammasambuddhoti. Ajannajatakam catuttham. ----------

The Pali Atthakatha in Roman Book 35 page 272-273. http://84000.org/tipitaka/atthapali/read_rm.php?B=35&A=5623&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=5623&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=24 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=162 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=159 The Pali Tipitaka in Roman Character :- http://84000.org/tipitaka/read/roman_read.php?B=27&A=159 Contents of The Tipitaka Volume 27 http://84000.org/tipitaka/read/?index_27