บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5 Titthajatakam annamannehi titthehiti idam sattha jetavane viharanto dhammasenapatissa saddhiviharikam ekam suvannakarapubbakam bhikkhum arabbha kathesi. Asayanusayanananhi buddhananneva hoti na annesam tasma dhammasenapati attano asayanusayananassa natthitaya saddhiviharikassa asayanusayam ajananto asubhakammatthanameva kathesi. Tassa tam na sappayamahosi. Kasma. So kira patipatiya panca jatisatani suvannakarageheyeva patisandhim ganhi. Athassa digharattam parisuddhasuvannadassanasseva paricitatta asubham na sappayamahosi. So tattha nimittamattampi uppadetum asakkonto cattaro mase khepesi. Dhammasenapati attano saddhiviharikassa arahattam datum asakkonto addha ayam buddhaveneyyo bhavissati tathagatassa santikam nessamiti cintetva patova tam adaya sayam satthu santikam agamasi. Sattha kim nu kho sariputta ekam bhikkhum adaya agatositi pucchi. Aham bhante imassa kammatthanam adasim ayampana catuhi masehi nimittamattampi na uppadesi svaham buddhaveneyyo esa bhavissatiti cintetva tumhakam santikam adaya agatoti. Sariputta kataram pana te kammatthanam saddhiviharikassa dinnanti. Asubhakammatthanam Bhagavati. Sariputta natthi tava sattanam asayanusayananam gaccha tvam sayanhasamaye agantva tava saddhiviharikam adaya gaccheyyasiti. Evam sattha theram uyyojetva tassa bhikkhuno manapam nivasananca civaranca dapetva tam adaya gamam pindaya pavisitva panitam khadaniyam bhojaniyam dapetva mahabhikkhusanghaparivuto puna viharam agantva gandhakutiyam divasabhagam khepetva sayanhasamaye tam bhikkhum gahetva viharacarikam caramano ambavane ekam pokkharanim mapetva tattha mahantam paduminigaccham tatrapi ca mahantam ekam padumapuppham mapetva bhikkhu imam padumam olokento nisidahiti nisidapetva gandhakutim pavisi. So bhikkhu tam puppham punappunam oloketi. Bhagava tam puppham jaram papesi. Tam tassa passantasseva jaram patva vivannam ahosi. Athassa ca pariyantato patthaya pattani patantani muhuttena sabbani patimsu. Tato kinjakkham pati kannika avasissati. So bhikkhu tam passanto cintesi idam padumapuppham idaneva abhirupam ahosi dassaniyam athassa vanno parinato pattani ca kinjakkhanca pati kannikamattameva thitam evarupassa nama padumassa jara patta mayham sarirassa kim na papunissati sabbe sankhara aniccati vipassanam patthapesi. Sattha tassa cittam vipassanam arulhanti natva gandhakutiyam nisinnova obhasam pharitva imam gathamaha Ucchinda sinehamattano kumudam saradikamva panina santimaggameva bruhaya nibbanam sugatena desitanti. So bhikkhu gathapariyosane arahattam patva mutto vatamhi sabbabhavehiti cintetva so vutthavaso paripunnamanaso khinasavo antimadehadhari visuddhasilo susamahitindriyo cando yatha rahumukha pamutto tamokatam mohamahandhakaram vinodayim sabbamalam asesam alokapajjotakaro pabhankaro sahassaramsi viya bhanuma nabheti adihi gathahi udanam udanesi udanetva ca pana gantva bhagavantam vandi. Theropi agantva sattharam vanditva attano saddhiviharikam gahetva agamasi. Ayam pavutti bhikkhunam antare pakata jata. Bhikkhu dhammasabhayam dasabalassa gunam vannayamana nisidimsu avuso sariputtatthero asayanusayananassa abhavena attano saddhiviharikassa asayam na janati sattha pana natva ekadivaseneva tassa saha patisambhidahi arahattam adasi aho buddha nama mahanubhavati. Sattha agantva pannattasane nisiditva kaya nuttha bhikkhave etarahi kathaya sannisinnati pucchitva na Bhagava annaya kathaya tumhakanneva pana dhammasenapatino saddhiviharikassa asayanusayananakathayati. Sattha na bhikkhave etam acchariyam svaham etarahi buddho hutva tassa asayam janami pubbepaham tassa asayam janamiyevati vatva atitam ahari. Atite baranasiyam brahmadatte rajjam karente tada bodhisatto tam rajanam atthe ca dhamme ca anusasati. Tada ranno mangalassassa nhanatitthe annataram pathamam valavam khalunkassam nhapesum. Mangalasso valavena nhanatittham otariyamano jigucchitva otaritum na icchi. Assagopako gantva ranno arocesi deva mangalasso tittham otaritum na icchatiti. Raja bodhisattam pesesi gaccha pandita janahi kena karanena asso tittham otariyamano na otaratiti. Bodhisatto sadhu devati naditiram gantva assam oloketva nirogabhavamassa natva kena nu kho karanena ayam imam tittham na otaratiti upadharento pathamataram ettha anno nhapito bhavissati tena samjigucchamano tittham na otarati manneti cintetva assagopake pucchi ambho imasmim titthe kam pathamam nhayitthati. Annataram valavassam samiti. Bodhisatto esa attano singarataya jigucchanto ettha nhayitum na icchati imam annasmim titthe nhapetum vattatiti tassa ajjhasayam natva bho assagopaka sappimadhuphanitabhisankhatam payasampi tava punappunam bhunjantassa titti hoti ayam asso bahuvare idha titthe nhato Annampi tava nam tittham otaretva nhapetha ca payetha cati vatva imam gathamaha annamannehi titthehi assam payehi sarathi accasanassa puriso payasassapi tappatiti. Tattha annamannehiti annehi annehi. Payehiti desanasisametam. Nhapehi ca payehi cati attho. Accasanassati karanatthe samivacanam. Atiasanena atibhuttenati attho. Payasassapi tappatiti sappiadiabhisankhatena madhupayasenapi tappati titto hoti dhato suhito na puna bhunjitukamatam apajjati tasma ayampi asso imasmim titthe nivaddham nhapanena pariyattim apanno bhavissati annattha na nhapethati. Te tassa vacanam sutva assam annam tittham otaretva payimsu ceva nhapesum ca. Bodhisatto assassa paniyam pivitva nhatakale ranno santikam agamasi. Raja kim tata asso nhato ca pivito cati pucchi. Ama devati. Pathamam kimkaranena na icchatiti. Iminapi nama deva karanenati sabbam acikkhi. Raja evarupassa tiracchanassapi nama asayam janati aho panditoti bodhisattassa mahantam yasam datva jivitapariyosane yathakammangato. Bodhisattopi yathakammameva gato. Sattha na bhikkhave aham etassa idaneva ajjhasayam janami pubbepi janamiyevati imam dhammadesanam aharitva anusandhim ghatetva Jatakam samodhanesi tada mangalasso ayam bhikkhu ahosi raja anando panditaamacco pana ahameva ahositi. Titthajatakam pancamam. ---------The Pali Atthakatha in Roman Book 35 page 274-279. http://84000.org/tipitaka/atthapali/read_rm.php?B=35&A=5657&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=5657&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=25 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=167 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=165 The Pali Tipitaka in Roman Character :- http://84000.org/tipitaka/read/roman_read.php?B=27&A=165 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]