ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 35 : PALI ROMAN Ja.A.1 ekanipat (1)

                       9 Nandajatakam
     manne sovannayo rasiti idam sattha jetavane viharanto
sariputtattherassa saddhiviharikam arabbha kathesi.
     So kira bhikkhu suvaco ahosi vacanakkhamo therassa mahantena
ussahena upakaram karoti. Athekam samayam thero sattharam apucchitva
carikam pakkanto dakkhinagirijanapadam agamasi. So bhikkhu tattha
Gatakale manatthaddho hutva therassa vacanam na karoti. Avuso
idam nama karohiti vutte pana therassa patipakkho ahosi. Thero
tassa ajjhasayam na janati. So tattha carikam caritva puna
jetavanam agato. So bhikkhu therassa jetavanaviharam agatakalato
patthaya puna tadisova jato. Thero tathagatassa arocesi bhante
mayham eko saddhivihariko ekasmim thane satena kitadaso viya
ahosi ekasmim thane manatthaddho hutva idannama karohiti vutte
patipakkho hotiti. Sattha nayam sariputta bhikkhu idaneva evamsilo
pubbepesa ekam thanam gato satena kitadaso viya hoti ekam thanam
gato patipakkho patisattu hotiti vatva therena yacito atitam ahari.
     Atite baranasiyam brahmadatte rajjam karente bodhisatto
ekasmim kutumbikakule patisandhim ganhi. Tasseko sahayako kutumbiko
sayam mahallako. Bhariya panassa taruni. Sa tam nissaya puttam
patilabhi. So cintesi ayam itthi tarunattava mama accayena
kancideva purisam gahetva imam mama dhanam vinaseyya puttassa me na
dadeyya yannunaham imam dhanam pathavigatam kareyyanti. Ghare nandam
nama dasam gahetva arannam gantva ekasmim thane tam dhanam nidahitva
tassa acikkhitva tata nanda imam dhanam mama accayena mayham puttassa
acikkheyyasi ma dhanam pariccajiti ovaditva kalamakasi.
Puttopissa anukkamena vayappatto jato. Atha nam mata aha tata
tava pita nandadasam gahetva dhanam nidhesi tam aharapetva kutumbam
Santhapehiti. So ekadivasam nandam aha matula atthi kinci
mayham pitara dhanam nidahitanti. Ama samiti. Kaham nidahitanti.
Aranne samiti. Tenahi gacchamati kuddalapitakam adaya nidhitthanam
gantva kaham matula dhananti aha. Nando aruyha dhanamatthake
thatva dhanam nissaya manam uppadetva are dasiputtacetaka kuto
te imasmim thane dhananti kumaram akkosati. Kumaro tassa
pharusavacanam asunanto viya tenahi gacchamati tam gahetva patinivattitva
puna dve tayo divase atikkamitva agamasi. Nando tatheva
akkosati. Kumaro tena saddhim pharusavacanam avatva ayam
daso ito patthaya dhanam acikkhissamiti gacchati gantva pana
akkosati tattha karanam na janami atthi nu kho pana me pitu
sahayo kutumbiko tam patipucchitva janissamiti bodhisattassa santikam
gantva sabbam tam pavuttim arocetva kinnu kho tata karananti
pucchi. Bodhisatto yasmim te tata thane thito nando akkosati
tattheva pitu santakam dhanam tasma yada te nando akkosati
tada nam ehi are dasaka akkosasiti akaddhitva kuddalam
gahetva tanthanam bhinditva kulasantakam dhanam niharitva dasam
ukkhipapetva dhanam aharati vatva imam gathamaha
       manne sovannayo rasi      sovannamala ca nandako
       yattha daso amajato      thito thullani gajjatiti.
     Tattha manneti evam aham janami. Sovannayoti sundaro
Vanno etesanti suvannani. Kani tani. Rajatamanikancanapavaladini
ratanani. Imasmim hi thane sabbanetani suvannaniti adhippetani.
Tesam rasi sovannayo rasi. Sovannamala cati tuyham pitu santaka
suvannamalapi ca etthevati mannami. Nandako yattha dasoti
yasmim thane thito nandako daso. Amajatoti ama aham vo
dasiti evam dasabyam upagataya amadasisankhataya dasiya
putto. Thito thullani gajjatiti so yasmim thane thito
thullani pharusavacanani vadati tattheva te kuladhanam evamahantam
mannamiti bodhisatto kumarassa dhanagahanupayam acikkhi.
     Kumaro bodhisattam vanditva gharam gantva nandam adaya
nidhitthanam gantva yathanusittham patipajjitva tam dhanam aharitva
kutumbam santhapetva bodhisattassa ovade thatva danadini
punnani katva jivitapariyosane yathakammam gato.
      Sattha pubbepeso evamsiloyevati vatva imam dhammadesanam
aharitva anusandhim ghatetva jatakam samodhanesi tada nando
sariputtassa saddhivihariko ahosi kutumbikaputto sariputto
panditakutumbiko pana ahamevati.
                     Nandajatakam navamam.
                      ----------



             The Pali Atthakatha in Roman Book 35 page 334-337. http://84000.org/tipitaka/atthapali/read_rm.php?B=35&A=6891&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=6891&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=39              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=257              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=253              The Pali Tipitaka in Roman Character :- http://84000.org/tipitaka/read/roman_read.php?B=27&A=253              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]