|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7. Vanarindajatakam
yassete caturo dhammati idam sattha veluvane viharanto
devadattassa vadhaya parisakkanam arabbha kathesi.
Tasmim samaye sattha devadatto vadhaya parisakkatiti sutva
na bhikkhave idaneva devadatto mayham vadhaya parisakkati pubbepi
parisakkiyeva tasamattampi katum nasakkhiti vatva atitam ahari.
Atite baranasiyam brahmadatte rajjam karente bodhisatto
kapiyoniyam nibbattitva vuddhimanvaya assapotappamano
thamasampanno ekacaro hutva naditire vigarati. Tassa pana nadiya
vemajjhe eko dipako nanappakarehi amba panasadihi phalarukkhehi
sampanno. Bodhisatto nagabalo thamasampanno nadiya orimatirato
uppatitva dipakassa orato nadimajjhe eko pitthipasano
atthi tasmim patati tato uppatitva tasmim dipake patati tattha
nanappakarani phalani khaditva sayam teneva upayena paccagantva
attano vasanatthane vasitva punadivasepi tatheva karoti imina
niyameneva tattha vasam kappesi. Tasmim pana kale eko
kumbhilo sapajapatiko tassa nadiya vasati. Tassa bhariya
bodhisattam aparaparam gacchantam disva bodhisattassa hadayamamse dohalam
uppadetva kumbhilam aha mayham kho ayya imassa vanarindassa
Hadayamamse dohalo uppannoti. Kumbhilo sadhu bhadde lacchasiti
vatva ajja tam sayam dipakato agacchantameva ganhissamiti
gantva pitthipasane nipajji. Bodhisatto divasam caritva
sayanhasamaye dipake thitova pasanam oloketva ayam pasano
idani uccataro khayati kinnu kho karananti cintesi. Tassa
kira udakappamananca pasanappamananca suvavatthapitameva hoti.
Tenassa etadahosi ajja imissa nadiya udakam neva hayati na
vaddhati atha ca panayam pasano maha hutva pannayati
kacci nu kho ettha mayham gahanatthaya kumbhilo nipannoti. So
vimamsissami tava nanti tattheva thatva pasanena saddhim kathento viya
bho pasanati vatva pativacanam alabhanto yavatatiyam pasanati
aha. Pasano kim pativacanam dassati. Punapi nam vanaro kim
bho pasana ajja mayham pativacanam na desiti aha. Kumbhilo
sutva addha annesu divasesu ayam pasano vanarindassa
pativacanam adasi dassamidanissa vacananti cintetva kim bho
vanarindati aha. Kosi tvanti. Aham kumbhiloti. Kimattham
ettha nipannositi. Tava hadayamamsam patthayamanoti. Bodhisatto
cintesi anno me gamanamaggo natthi ajja maya esa
kumbhilo vancetabboti. Atha nam evamaha samma kumbhila aham
attanam tuyham pariccajissami tvam mukham vivaritva mam tava santikam
agatakale ganhahiti. Kumbhilananhi mukhe vivate akkhini
Nimmilanti. So tam karanam asallakkhetva mukham vivari. Athassa
akkhini pithiyimsu. So mukham vivaritva akkhini nimmiletva nipajji.
Bodhisatto tathabhavam natva dipaka uppatito gantva kumbhilassa
matthakam akkamitva tato uppatito vijjulata viya vijjotamano
paratire atthasi. Kumbhilo tam acchariyam disva imina vanarindena
atiaccherakam katanti cintetva bho vanarinda imasmim loke catuhi
dhammehi samannagato puggalo paccamitte abhibhavati te sabbepi
tuyham abbhantare atthi manneti vatva imam gathamaha
yassete caturo dhamma vanarinda yatha tava
saccam dhammo dhiti cago dittham so ativattatiti.
Tattha yassati yassa kassaci puggalassa. Eteti idani
vattabbe paccakkhato niddisati. Caturo dhammati cattaro
guna. Saccanti vacisaccam mama santikam agamissamiti vatva
musavadam akatva agatoyevati etante vacisaccam. Dhammoti
vicaranapanna evam kate idam nama bhavissati esa te
vicaranapanna. Dhititi abbocchinnaviriyam vuccati etampi te
atthi. Cagoti attapariccago tvam attanam pariccajitva mama santikam
agato yam panaham ganhitum nasakkhim mayhameveso doso.
Ditthanti paccamittam. So ativattatiti yassa puggalassa yatha tava
evam ete cattaro dhamma atthi so yatha mam ajja tvam
atikkanto tatheva attano paccamittam atikkamati abhibhavatiti.
Evam kumbhilo bodhisattam pasamsitva attano vasanatthanam gato.
Satthapi na bhikkhave devadatto idaneva mayham vadhaya
parisakkati pubbepi parisakkiyevati imam dhammadesanam aharitva
anusandhim ghatetva jatakam samodhanesi tada kumbhilo devadatto
ahosi bhariyapissa cincamanavika vanarindo pana ahamevati.
Vanarindajatakam sattamam.
--------------
The Pali Atthakatha in Roman Book 36 page 65-68.
http://84000.org/tipitaka/atthapali/read_rm.php?B=36&A=1286&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=36&A=1286&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=57
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=375
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=369
The Pali Tipitaka in Roman Character :-
http://84000.org/tipitaka/read/roman_read.php?B=27&A=369
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]