บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7. Itthivaggavannana -------- 1. Asatamantajatakam asa lokitthiyo namati idam sattha jetavane viharanto ukkanthitam bhikkhum arabbha kathesi. Tassa vatthu ummadayantijatake avibhavissati. Tam pana sattha bhikkhu itthiyo nama asata asatiyo lamika pacchimika tvam evarupam lamikam itthim nissaya kasma ukkanthitoti vatva atitam ahari. Atite baranasiyam brahmadatte rajjam karente bodhisatto gandhararatthe takkasilayam brahmanakule nibbattitva vinnutam patto tisu vedesu sabbasippesu ca nipphattim patto disapamokkho acariyo ahosi. Tada baranasiyam ekasmim brahmanakule puttassa jatadivaseyeva aggim gahetva anibbayantam thapayimsu. Atha tam brahmanakumaram solasavassakale matapitaro ahamsu puttaka mayam tava jatadivase aggim gahetva thapayimha sace brahmalokaparayano bhavitukamo tam aggim adaya arannam pavisitva aggim bhagavantam namassanto brahmalokaparayano hohi sace agaram ajjhavasitukamo takkasilam gantva disapamokkhassa acariyassa santike sippam ugganhitva Kutumbam santhapehiti. Manavo naham sakkhissami aranne aggim paricaritum kutumbameva santhapessamiti matapitaro vanditva acariyabhagam sahassam gahetva takkasilam gantva sippam ugganhitva paccagami. Matapitaro panassa anatthika gharavasena aranne aggim paricarapetukama honti. Atha nam mata itthinam dosam dassetva arannam pesetukama so acariyo pandito byatto sakkhissati me puttassa itthinam dosam kathetunti cintetva aha uggahitante tata sippanti. Ama ammati. Asatamantapi te uggahitati. Na uggahita ammati. Tata yadi te asatamanta na uggahita na nama te sippam uggahitam gaccha ugganhitva ehiti. So sadhuti puna takkasilabhimukho payasi. Tassapi acariyassa mata mahallika visavassasatika. So tam sahattha nhapento bhojento payento patijaggati. Anne manussa nam tathakarontam jigucchanti. So cintesi yannunaham arannam pavisitva tattha mataram patijagganto vihareyyanti. Athekasmim vivitte aranne udakaphasukatthane pannasalam karetva sappi tanduladini aharapetva mataram ukkhipitva tattha gantva mataram patijagganto vasam kappesi. Sopi kho manavo takkasilam gantva acariyam apassanto kaham acariyoti pucchitva tam pavuttim sutva tattha gantva vanditva atthasi. Atha nam acariyo kim nu kho tata atisigham agatositi. Nanu aham tumhehi asatamanto nama ugganhapitoti. Ko pana Te asatamante ugganhitabbe katva kathesiti. Mayham mata acariyati. Bodhisatto cintesi asatamanta nama keci natthi imassa pana mata imam itthidosam janapetukama bhavissatiti. Atha nam sadhu tata dassami te asatamante tvam ajjadim katva mama thane thatva mama mataram sahattha nhapento bhojento payento patijaggahi hatthapadasisapitthisambahanadini cassa karonto ayye jaram pattakalepi tava te evarupam sariram daharakale kidisam ahositi parikammakaranakale hattha padadinam vannam katheyyasi yanca te mama mata katheti tam alajjanto aniguhanto mayham arocesi evam karonto asatamante lacchasi akaronto na lacchasiti. So sadhu acariyati tassa vacanam sampaticchitva tato patthaya sabbam yathavuttavidhanam akasi. Athassa tasmim manave punappunam vannayamane ayam maya saddhim abhiramitukamo bhavissatiti andhaya jarajinnaya abbhantare kileso uppajji. Sa ekadivasam attano sariravannam kathayamanam manavam aha maya saddhim abhiramitum icchasiti. Ayye aham atiiccheyyam acariyo pana garukoti. Sace mam icchasi puttam me marehiti. Aham acariyassa santike ettakam sippam ugganhitva kilesamattam nissaya kinti katva acariyam maressamiti. Tenahi sace mam na pariccajasi ahameva nam maressamiti. Evam itthiyo nama asata lamika pacchimika tatharupe nama vaye thita ragacittam uppadetva kilesam anuvattamana evamupakaram puttam maretukama jata. Manavo sabbam tam katham bodhisattassa arocesi. Bodhisatto sutthu te manava katam mayham arocentenati vatva matu ayusankharam olokento ajjeva marissatiti natva ehi manava vimamsissami nanti ekam udumbararukkham chinditva attano pamanena kattharupakam katva sariram parupitva attano sayanatthane uttanam nipajjapetva rajjukam bandhitva antevasikam aha tata pharasum adaya gantva mama matu sannam dehiti. Manavo gantva ayye acariyo pannasalayam attano sayanatthane nipanno rajjusanna me bandha imam pharasum adaya gantva sace sakkosi marehi nanti aha. Tvam mam na pariccajissasiti . Kimkarana pariccajissamiti. Sa pharasum adaya pavedhamana utthaya rajjusannaya gantva hatthena paramasitva ayam me puttoti sannaya kattharupakassa mukhato satakam apanetva pharasum adaya ekappahareneva maressamiti givayameva paharitva thaddhasadde uppanne rukkhabhavam annasi. Atha bodhisattena kim karosi ammati vutte vancitamhiti tattheva maritva patita. Attano kira pannasalaya nipannayapi tam khanamyeva maritabbameva. So tassa matabhavam natva sarirakiccam katva ahalanam nibbapetva vanapupphehi pujetva manavam adaya pannasaladvare nisiditva tata patiyekka asatamanta nama natthi itthiyo asata ca nama tava mata asatamante ugganhati mama santikam pesayamana itthinam dosam jananattham pesesi idani pana te paccakkhatova Mama matu dosa dittha imina karanena itthiyo nama asata lamikati janeyyasiti tam ovaditva uyyojesi. Sopi acariyam vanditva matapitunam santikam agamasi. Atha nam mata pucchi ugganhita te asatamantati. Ama ammati. Idani kim karissasi pabbajitva aggim va paricarissasi agaramajjhe va vasissasiti. Manavo maya amma paccakkhato itthinam dosa dittha agarena me kiccam natthi pabbajissamahanti attano adhippayam pakasento imam gathamaha asa lokitthiyo nama vela tasam na vijjati saratta ca pagabbha ca sikhi sabbaghaso yatha ta hitva pabbajissami vivekamanubruhayanti. Tattha asati asatiyo lamika. Athava. Satam vuccati sukham tam tasam natthi attani patibaddhacittanam asatameva dentitipi asata dukkha dukkhavatthubhutati attho. Imassa panatthassa dipanatthaya idam suttam aharitabbam maya ceta marici ca soka roga cupaddava kharava bandhana ceta maccupasa guhasaya tasu yo vissase poso so naresu naradhamoti. Lokitthiyoti loke itthiyo. Vela tasam na vijjatiti amma tasam itthinam kilesuppattim patva vela samvaro mariyada pamanannama natthi. Saratta ca pagabbha cati vela ca Etasam natthi pancasu kamagunesu saratta allina tatha kayapagabbhiyena vacapagabbhiyena manopagabbhiyenati tividhena pagabbhiyena samannagatatta pagabbha ceta. Etasam hi abbhantare kayadvaradini patva samvaro nama natthi lola kakappatibhagati dasseti. Sikhi sabbaghaso yathati amma yatha jalasikhaya sikhiti sankhyam gato aggi nama guthagatadibhedam asucimpi sappimadhuphanitadibhedam sucimpi itthampi anitthampi yam yadeva labhati sabbam ghasati khadati tasma sabbaghasoti vuccati tatheva itthiyopi hatthimendagomendadayo va hontu hinajacca hinakammanta khattiyadayo va hontu uttamakammanta hinukkatthabhavam acintetva lokassadavasena kilesasanthave uppanne yam yam labhanti sabbameva sevantiti sabbaghasasikhisadisava honti tasma sikhi sabbaghaso yatha tathevetati veditabba. Ta hitva pabbajissamiti aham ta lamika dukkhavatthubhuta itthiyo hitva arannam pavisitva isipabbajjam pabbajissami. Vivekamanubruhayanti kayaviveko cittaviveko upadhivivekoti tayo viveka tesu idha kayavivekopi vattati cittavivekopi. Idam vuttam hoti aham amma pabbajitva kasinaparikammam katva attha samapattiyo panca abhinnayo ca uppadetva ganato kayam kilesehi ca cittam vivecetva imam vivekam bruhanto vaddhento brahmalokaparayano bhavissami alam me agarenati. Evam itthiyo garahitva matapitaro vanditva pabbajitva Vuttappakaram vivekam bruhanto brahmalokaparayano ahosi. Satthapi evam bhikkhu itthiyo nama asata lamika pacchimika dukkhadayikati itthinam agunam kathetva saccani pakasesi. Saccapariyosane so bhikkhu sotapattiphale patitthasi. Sattha anusandhim ghatetva jatakam samodhanesi tada mata bhaddakapilani pita mahakassapo ahosi antevasiko anando acariyo pana ahamevati. Asatamantajatakam pathamam. ---------The Pali Atthakatha in Roman Book 36 page 75-81. http://84000.org/tipitaka/atthapali/read_rm.php?B=36&A=1472&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=1472&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=61 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=405 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=397 The Pali Tipitaka in Roman Character :- http://84000.org/tipitaka/read/roman_read.php?B=27&A=397 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]