AtthaPali Vol.36

2. Andabhutajatakam yam brahmano avadesiti idam sattha jetavane viharanto ukkanthitameva arabbha kathesi. Tam hi sattha saccam kira bhikkhu ukkanthitositi pucchitva saccam bhanteti vutte bhikkhu itthiyo nama arakkhiya pubbe pandita itthim gabbhato patthaya rakkhantapi rakkhitum nasakkhimsuti vatva atitam ahari. Atite baranasiyam brahmadatte rajjam karente bodhisatto tassa aggamahesiya kucchimhi nibbattitva vayappatto sabbasippesu napphattim patva pitu accayena rajje patitthaya dhammena rajjam Karesi. So purohitena saddhim jutam kilati kilanto pana sabba nadi vankagata sabbe katthamaya vana sabbitthiyo kare papam labbhamane nivataketi imam jutagitam gayanto rajataphalake suvannapasake khipati. Evam kilanto pana raja niccam jinati. Purohito pana parajiyati. So anukkamena gharavibhave parikkhayam gacchante cintesi evam sante sabbam imasmim ghare dhanam khiyissati pariyesitva purisantaram agatam ekam matugamam ghare karissamiti. Athassa etadahosi annapurisam ditthapubbam itthim rakkhitum na sakkhissami gabbhato patthayekam matugamam rakkhitva tam vayappattam vase thapetva ekapurisikam katva galham arakkham samvidahitva rajakulato dhanam aharissamiti. So ca angavijjaya cheko hoti athekam duggatitthim gabbhinim disva dhitaram vijayissatiti natva tam pakkosapetva paribbayam datva ghareyeva vasapetva vijatakale dhanam datva uyyojetva tam kumarikam annesam purisanam datthum adatva itthinamyeva hatthe datva posapetva vayappattakale tam attano vase thapesi yava cesa na vaddhati tava ranna saddhim jutam na kilati tampana vase thapetva maharaja jutam kilamati aha. Raja sadhuti purimaniyameneva kili. Purohito ranno gayitva pasakam khipanakale thapetva manavikanti aha. Tato patthaya purohito jinati. Raja parajiyati. Bodhisatto imassa ghare ekapurisikaya ekaya itthiya Bhavitabbanti parigganhapento atthibhavam natva silamassa bhindapessamiti ekam dhuttam pakkosapetva sakkhissasi purohitassa itthiya silam bhinditunti aha. Sakkomi devati. Athassa raja dhanam datva tenahi khippam nitthapehiti tam pahini. So ranno santika dhanam adaya gandhadhupacunnakappuradini gahetva tassa gharato avidure sabbagandhapanam pasaresi. Purohitassapi geham sattabhumikam sattadvarakotthakam hoti. Sabbesu ca dvarakotthakesu itthinanneva arakkha thapetva pana brahmanam anno puriso geham pavisitum labhanto nama natthi. Kacavarachaddanapacchimpi sodhetvayeva pavesenti. Tam manavikam purohito ceva datthum labhati tassa ca eka paricarika itthi. Athassa paricarika gandhapupphamulam gahetva gacchanti tassa dhuttassa apanasamipena gacchati. So ayam tassa paricarikati sutthu natva ekadivasam tam agacchantim disva apana vutthaya gantva tassa padamule patitva ubhohi passehi pade galham gahetva amma ettakam kalam kaham gatasiti paridevi. Avasesapi payuttakadhutta ekamantam thatva hatthapadamukhasanthanehi ca akappena ca mataputta ekasadisayevati ahamsu. Sa itthi tesu tesu kathentesu attano saddahitva ayam me putto bhavissatiti sayampi roditum arabhi. Te ubhopi kanditva annamannam alingitva atthamsu. Atha so dhutto aha amma kaham vasasiti. Kinnarililhaya Samanaya rupasobhaggappattaya purohitassa daharitthiya upatthanam kurumana vasami tatati. Idani kaham yasi ammati. Tassa gandhamaladinam atthayati. Amma kinte annattha gatena ito patthaya mameva santakam harati mulam agahetva bahuni tambulatakkolakadini ceva nanapupphani ca adasi. Manavika bahuni gandhapupphadini disva kim amma ajja amhakam brahmano pasannoti aha. Kasma evam vadasiti. Imesam bahubhavam disvati. Na brahmano bahum mulam adasi maya panetam mayham puttassa santika abhatanti. Tato patthaya sa brahmanena dinnamulam attanava gahetva tasseva santika gandhapupphadini aharati. Dhutto katipahaccayena gilanalayam katva nipajji. Sa tassa apanadvaram gantva tam adisva kaham me puttoti pucchi. Puttassa te aphasukam jatanti. Sa tassa nipannatthanam gantva nisiditva pitthim parimajjanti kim te tata aphasukanti pucchi. So tunhi ahosi. Kim na kathesi puttati. Amma marantenapi tuyham kathetum na sakkati. Mayham akathetva kassa katheyyasi kathehi tatati. Amma mayham aphasukam natthi tassa pana manavikaya vannam sutva patibaddhacittosmi jato tam labhanto jivissami alabhanto idheva marissamiti. Tata mayham esa bharo ma tvam etam nissaya cintayiti tam assasetva bahuni gandhapupphadini adaya manavikaya santikam gantva putto me amma mama Santika tava vannam sutva patibaddhacitto jato kim katabbanti. Sace anetum sakkotha maya katokasoyevati. Sa tassa vacanam sutva tato patthaya tassa gehassa kanrakannehi bahum kacavaram sankaddhitva arakkhitthiya upari chaddeti. Sa tena attiyamana apeti. Iti sa teneva niyamena ya ya kinci katheti tassa tassa upari kacavaram chaddesi. Tato patthaya yam sa aharati va niharati va tam na kaci sodhetum ussahati. Tasmim kale sa tam dhuttam pupphapacchiyam nipajjapetva manavikaya santikam abhihari. Dhutto manavikaya silam bhindi ekahadviham pasadeyeva ahosi. Purohite bahi nikkhante ubho abhiramanti. Tasmim agate dhutto niliyati. Atha nam sa ekahadvihaccayena sami idani tava gantum vattatiti aha. Aham brahmanam paharitva gantukamoti. Sa evam hotuti dhuttam niliyapetva brahmane agate evamaha aham ayya tumhesu vinam vadentesu naccitum icchamiti. Sadhu bhadde naccassuti vinam vadesi. Tumhesu olokentesu lajjami mukham pana te satakena bandhitva naccissamiti. Sace lajjasi evam karohiti. Manavika ghanasatakam gahetva tassa akkhini pidahamana mukham bandhi. Brahmano mukham bandhapetva vinam vadesi. Sa muhuttam naccitva ayya aham te ekavaram sise paharitukamati aha. Itthilolo brahmano kinci karanam ajananto paharahiti aha. Manavika dhuttassa sannam Adasi. So santikam agantva brahmanassa pitthipasseva thatva sise kappurena pahari. Akkhini patanakarappattani ahesum. Sise gando utthahi. So vedanappatto hutva ahara te hatthanti aha. Manavika attano hattham ukkhipitva tassa hatthe thapesi. Brahmano hattho muduko paharo pana thaddhoti aha. Dhutto brahmanam paharitva niliyi. Manavika tasmim niliyante brahmanassa mukhato satakam mocetva telam adaya sisam parisambahi. Brahmane bahi nikkhante puna sa itthi dhuttam pacchiyam nipajjapetva nihari. So ranno santikam gantva sabbam tam pavuttim arocesi. Raja attano upatthanam agatam brahmanam aha jutam kilama brahmanati. Sadhu maharajati. Raja jutamandalam sajjapetva purimanayeneva jutagitam gayitva pasake khipati. Brahmano manavikaya tapassa bhinnabhavam ajananto thapetva manavikanti aha. Evam vadantopi parajitoyeva. Raja jinitva tvam brahmana kim vadesi manavikaya te tapo bhinno tvam matugamam gabbhato patthaya rakkhanto sattasu thanesu arakkham karonto rakkhissamiti mannasi matugamo nama kucchiyam pakkhipitva carantenapi rakkhitum na sakka ekapurisika itthi nama natthi tava manavika naccitukamamhiti vatva vinam vadentassa tava satakena mukham bandhitva attano jaram tava sise kappurena paharapetva uyyojesi idani Kim thapesiti vatva imam gathamaha yam brahmano avadesi vinam sammukhavethito andabhuta bhata bhariya tasu ko jatu vissaseti. Tattha yam brahmano avadesi vinam sammukhavethitoti yena karanena brahmano ghanasatakena saha mukhena vethito hutva vinam vadesi tam karanam na janatiti attho. Tanhi sa vancetukama evamakasi. Brahmano pana tam itthinam bahumayabhavam ajananto matugamassa saddahitva mam esa lajjatiti evamsanni ahosi tenassa annanabhavam pakasento raja evamaha ayamettha adhippayo. Andabhuta bhata bhariyati andam vuccati bijam bijabhuta matu kucchito anikkhantakaleyeva abhata anita. Bhatati va putthati attho. Ka sa. Bhariya pajapati padaparicarika. Sa hi bhattavatthadihi bharitabbataya bhinnasamvarataya lokadhammehi bharitabbataya ca bhariyati vuccati. Tasu ko jatu vissaseti jatuti ekamsadhivacanam. Tasu matu kucchito patthaya rakkhiyamanasupi evam vikaram apajjantisu bhariyasu ko nama pandito puriso ekamsena vissase nibbikara eta mayiti ko saddaheyyati attho. Asaddhammavasena hi amantakesu nimantakesu vijjamanesu matugamo nama na sakka rakkhitunti. Evam bodhisatto brahmanassa dhammam desesi. Brahmano bodhisattassa dhammadesanam sutva nivesanam gantva tam manavikam aha Taya kira evarupam papakammam katanti. Ayya ko evamaha na karomi ahameva paharim na anno koci sace na saddahatha aham tumhe thapetva annassa purisassa hatthasamphassam na janamiti saccakiriyam katva aggim pavisitva tumhe saddahapessamiti. Brahmano evam hotuti mahantam darurasim karetva aggim datva tam pakkosapetva sace attano saddahasi aggim pavisati aha. Manavika ca attano paricarikam pathamameva sikkhapesi amma tava puttam tattha gantva mama aggim pavisanakale hatthagahanam katum vadehiti. Sa gantva tatha avaca. Dhutto agantva parisamajjhe atathasi. Sa manavika brahmanam vancetukama mahajanamajjhe thatva brahmana tam thapetva annassa purisassa hatthasamphassam nama na janami imina saccena ayam aggi ma mam jhapesiti aggim pavisitum araddha. Tasmim khane dhutto passatha bho purohitabrahmanassa kammam evarupam matugamam aggim pavesapetiti gantva tam manavikam hatthe ganhi. Sa hattham vissajjapetva purohitam aha ayya mama saccakiriya bhinna na sakka aggim pavisitunti. Kimkaranati. Ajja maya evam saccakiriya kata thapetva mama samikam annassa purisassa hatthasamphassam na janamiti adani camhi imina purisena hatthe gahitati. Brahmano vancito aham imayati natva tam pothetva niharapesi. Evam asaddhammasamannagata kireta itthiyo mahantam papakammam katva attano Samikam vancetum naham evarupam karomiti divasampi sapatham kurumana nanacittava honti. Tena vuttam corinam bahubuddhinam yasu saccam sudullabham thinam bhavo durajano macchassevodake gatam. Musa tasam yatha saccam saccam tasam yatha musa gavo bahutinasseva mama santi varam varam. Coriyo kathina heta vala capalasakkhara na ta kinci na jananti yam manussesu vancananti. Sattha evam arakkhiyo matugamoti imam dhammadesanam aharitva saccani pakasesi. Saccapariyosane ukkanthitabhikkhu sotapattiphale patitthahi. Satthapi anusandhim ghatetva jatakam samodhanesi tada baranasiraja ahameva ahositi. Andabhutajatakam dutiyam. ------------

The Pali Atthakatha in Roman Book 36 page 81-89. http://84000.org/tipitaka/atthapali/read_rm.php?B=36&A=1605&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=1605&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=62 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=412 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=404 The Pali Tipitaka in Roman Character :- http://84000.org/tipitaka/read/roman_read.php?B=27&A=404 Contents of The Tipitaka Volume 27 http://84000.org/tipitaka/read/?index_27