บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Visavantajatakam dhiratthu tam visam vantanti idam sattha jetavane viharanto dhammasenapatim arabbha kathesi. Therassa kira pitthakhajjakakhadanakale manussa sanghassa bahum pitthakhadaniyam gahetva viharam agamimsu. Bhikkhusanghassa gahitavasesam bahum atirittam ahosi . manussa bhante antogamagatanampi ganhathati ahamsu. Tasmim khane therassa saddhiviharikadaharo antogamam gato hoti. Tattha kotthasam gahetva tasmim anagacchante atidiva hotiti therassa adamsu. Therena tasmim paribhutte daharo agamasi. Atha nam thero mayam avuso tuyham thapitakhadaniyam paribhunjimhati aha. So madhurannama bhante kassa appiyanti aha. Mahatherassa samvego uppajji. So ito patthaya pitthakhadaniyam na khadissamiti adhitthahi. Tato patthaya kira sariputtattherena pitthakhadaniyam nama na khaditapubbam. Tassa pitthakhadaniyam akhadanabhavo bhikkhusanghe pakato jato. Bhikkhu tam katham kathenta dhammasabhayam nisidimsu. Atha sattha kaya nuttha bhikkhave etarahi kathaya sannisinnati pucchitva imaya namati vutte na bhikkhave sariputto ekavaram jahitakam jivitam pariccajantopi puna ganhatiyevati vatva atitam ahari. Atite baranasiyam brahmadatte rajjam karente bodhisatto Visavejjakule nibbattitva vejjakammena jivikam kappesi. Athekam janapadamanussam sappo damsi. Tassa nataka pamadam akatva khippam vejjam anayimsu. Vejjo kim tava osadhena paribhavitva visam harami datthasappam avahetva datthatthanato teneva visam akaddhapemiti aha. Sappam avahetva visam akaddhapehiti. So sappam avahetva taya ayam datthoti aha. Ama mayati. Taya datthatthanato tvamyeva mukhena visam akaddhahiti. Maya ekavaram jahitakam puna na gahitapubbam naham maya jahitam visam akaddhissamiti. So daruni aharapetva aggim katva sace attano visam nakaddhasi imam aggim pavisati. Sappopi aggim pavisami na cattana ekavaram jahitam visam paccavamissamiti vatva imam gathamaha dhiratthu tam visam vantam yamaham jivitakarana vantam paccavamissami matam me jivita varanti. Tattha dhiratthuti garahatthe nipato. Tam visanti yamaham jivitakarana vantam visam paccavamissami tam visam dhiratthu. Matam me jivita varanti tassa visassa paccavamanakarana yam aggim pavisitva maranam tam mama jivitato varanti attho. Evanca pana vatva aggim pavisitum payasi. Atha nam vejjo nivaretva tam purisam osadhehi ca mantehi ca nibbisam arogam katva sappassa silani datva ito patthaya ma kanci vihethesiti vissajjesi. Sattha na bhikkhave sariputto ekavaram jahitakam jivitam pariccajantopi puna ganhatiti imam dhammadesanam aharitva anusandhim ghatetva jatakam samodhanesi tada sappo sariputto ahosi vejjo pana ahamevati. Visavantajatakam navamam. ---------The Pali Atthakatha in Roman Book 36 page 111-113. http://84000.org/tipitaka/atthapali/read_rm.php?B=36&A=2207&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=2207&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=69 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=451 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=441 The Pali Tipitaka in Roman Character :- http://84000.org/tipitaka/read/roman_read.php?B=27&A=441 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]