AtthaPali Vol.36

8. Varanavaggavannana ------ 1. Varanajatakam yo pubbe karaniyaniti idam sattha jetavane viharanto kutumbikaputtatissattheram arabbha kathesi. Ekasmim kira divase savatthivasino annamannam sahayaka timsamatta kulaputta gandhapupphavatthadini gahetva satthu dhammadesanam sunissamati mahajanaparivuta jetavanam gantva nagamalakavisalamalakadisu thokam nisiditva sayanhasamaye satthari surabhigandhavasitaya gandhakutito nikkhamitva dhammasabham gantva alankatabuddhasane nisinne saparivara dhammasabham gantva sattharam gandhapupphehi pujetva cakkankitatalesu phullappadumasassirikesu padesu vanditva ekamantam nisinna dhammam sunimsu. Atha nesam etadahosi yatha yatha kho mayam bhagavata dhammam desitam ajanama pabbajeyyamati. Te tathagatassa dhammasabhato nikkhantakale tathagatam upasankamitva vanditva pabbajjam yacimsu. Tesam sattha pabbajjam adasi. Te acariyupajjhaye aradhetva upasampadam labhitva panca vassani acariyupajjhayanam santike vasitva dve matika paguna katva kappiyakappiyam natva tisso anumodana ugganhitva civarani sibbetva rajitva samanadhammam karissamati acariyupajjhaye Apucchitva sattharam upasankamitva vanditva ekamantam nisiditva mayam bhante bhavesu ukkanthitva jatijarabyadhimaranabhita tesam no samsaraparimocanatthaya kammatthanam kathethati yacimsu. Sattha tesam atthattimsaya kammatthanesu sappayam viditva ekam kammatthanam kathesi. Te satthu santike kammatthanam gahetva sattharam vanditva padakkhinam katva parivenam gantva acariyupajjhaye oloketva pattacivaram adaya samanadhammam karissamati nikkhamimsu. Atha tesam abbhantare eko bhikkhu namena kutumbikaputtatissatthero nama kusito hinaviriyo rasagiddho. So evam cintesi aham neva aranne vasitum na bhikkhacariyaya yapetum sakkhissami ko me gamanena attho nivattissamiti. So viriyam ossajjitva te bhikkhu anugantva nivatti. Tepi kho bhikkhu kosalesu carikam caramana annataram paccantagamam gantva tam upanissaya ekasmim arannayatane vassam upagantva antotemasam appamatta ghatenta vayamanta vipassanagabbham gahapetva pathavim unnadayamana arahattam patva vutthavassa pavaretva patiladdhagunam satthu arocessamati tato nikkhamitva anupubbena jetavanam gantva pattacivaram patisametva acariyupajjhaye disva tathagatam datthukama satthu santikam gantva vandit vanisidimsu. Sattha tehi saddhim madhurappatisantharam akasi. Te katappatisanthara attana laddhagunam tathagatassa arocesum. Sattha te bhikkhu pasamsi. Kutumbikaputtatissatthero Sattharam tesam gunakatham kathentam disva sayampi samanadhammam katukamo jato. Tepi kho bhikkhu mayam bhante tameva arannavasam gantva vasissamati sattharam apucchimsu. Sattha sadhuti anujani. Te sattharam vanditva parivenam agamamsu. Atha so kutumbikaputtatissatthero rattibhagasamanantare accaraddhaviriyo hutva ativegena samanadhammam karonto majjhimayamasamanantare alambanaphalakam nissaya thitakova niddayanto parivattitva pati. Urutthi tassa bhijji. Vedana mahanta jata. Tesam bhikkhunam tam patijaggantanam gamanam na sampajji. Atha ne upatthanavelaya agate sattha pucchi nanu tumhe bhikkhave sve gamissamati hiyyo apucchathati. Ama bhante apica kho pana amhakam sahayako kutumbikaputtatissatthero akale ativegena samanadhammam karonto niddabhibhuto parivattitva patito urutthi cassa bhinnam tam nissaya amhakam gamanam na sampajjatiti. Sattha na bhikkhave idanevesa attano hinaviriyabhavena akale ativegena viriyam karonto tumhakam gamanantarayam karoti pubbepesa tumhakam gamanantarayam akasiyevati vatva tehi yacito atitam ahari. Atite gandhararatthe takkasilayam bodhisatto disapamokkho acariyo hutva panca manavakasatani sippam ugganhapesi. Athassa te manavaka ekadivasam daruaharanatthaya arannam gantva Daruni uddharimsu. Tesam antare eko kusitamanavo mahantam varanarukkham disva sukkharukkho esoti sannaya muhuttam tava nipajjitva paccha rukkham abhiruhitva daruni patetva adaya gamissamiti uttarasatakam pattharitva nipajjitva kakacchamano niddam okkami. Itare manavaka darukalape bandhitva adaya gacchanta tam padena pitthiyam paharitva pabodhetva agamimsu. Kusitamanavo utthaya akkhini punchitva avigataniddo varanarukkham abhiruhitva sakham gahetva attano abhimukham akaddhitva bhanjanto bhijjitva utthitakotiya attano akkhim bhindapetva ekena hatthena tam pidhaya ekena hatthena alladaruni bhanjitva rukkhato oruyha darukalapam bandhitva ukkhipitva vegena gantva tehi patitanam darunam upari patesi. Tam divasanca janapadagamakato ekam kulam sve brahmanavacakam karissamati acariyam nimantesi. Acariyo manavake aha tata sve ekam gamakam gantabbam tumhe pana nirahara na sakkhissatha gantum patova yagum pacapetva tattha gantva attana laddhakotthasanca amhakam pattakotthasanca sabbam adaya agacchathati. Te patova yagupacanatthaya dasim utthapetva khippam no yagum pacahiti ahamsu. Sa daruni ganhanti uparitthitani allavaranadaruni gahetva punappunam mukhavatam dadamanapi aggim ujjaletum asakkonti suriyam utthapesi. Manavaka atidiva jata idani na sakka gantunti acariyassa santike agamamsu. Acariyo kim tata na gatatthati. Ama acariya na gatamhati. Kimkaranati. Asuko nama kusitamanavo amhehi saddhim darunam atthaya arannam gantva varanarukkhamule niddayitva paccha vegenaruhitva akkhini bhindapetva allavaranadaruni aharitva amhehi anitadarunam upari pakkhipi yagupacika tani sukkhadarusannaya gahetva yava suriyuggamana ujjaletum nasakkhi imina karanena gamanantarayo jatoti. Acariyo manavena katakammam sutva andhabalanam kammam nissaya evarupa parihani hotiti vatva imam gathamaha yo pubbe karaniyani paccha so katumicchati varanakattham bhanjova sa paccha anutappatiti. Tattha sa paccha anutappatiti yokoci puggalo idam pubbe kattabbam idam pacchati avimamsitva pubbe karaniyani pathamameva kattabbakammani paccha karoti ayam varanakatthabhanjo amhakam manavako viya so balapuggalo paccha anutappati socati paridevatiti attho. Evam bodhisatto antevasikanam imam karanam kathetva danadini punnani katva jivitapariyosane yathakammam gato. Sattha na bhikkhave idaneva tumhakam gamanantarayam karoti pubbepi akasiyevati imam dhammadesanam aharitva anusandhim ghatetva jatakam samodhanesi tada akkhibhedappatto manavo Urubhedappattabhikkhu ahosi sesamanava buddhaparisa acariyo brahmano pana ahamevati. Varanajatakam pathamam. --------

The Pali Atthakatha in Roman Book 36 page 119-124. http://84000.org/tipitaka/atthapali/read_rm.php?B=36&A=2373&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=2373&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=71 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=469 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=457 The Pali Tipitaka in Roman Character :- http://84000.org/tipitaka/read/roman_read.php?B=27&A=457 Contents of The Tipitaka Volume 27 http://84000.org/tipitaka/read/?index_27