AtthaPali Vol.36

5. Macchajatakam abhitthanaya pajjunnati idam sattha jetavane viharanto attana vassapitavassam arabbha kathesi. Ekasmim kira samaye kosalaratthe devo na vassi. Sassani milayanti. Tesu tesu thanesu talakapokkharanisara sussanti. Jetavanadvarakotthakasamipe jetavanapokkharaniyapi udakam chijji. Kalalagahanam pavisitva nipanne macchakacchape kakasakunadayo kanayaggasadisehi tundehi kottetva niharitva vipphandamane khadanti. Sattha macchakacchapanam byasanam disva mahakarunaya ussahitahadayo ajja maya devam vassapetum vattatiti pabhataya rattiya sarirapatijagganam katva bhikkhacaravelam sallakkhetva mahata bhikkhusanghena parivuto buddhalilhaya savatthiyam pindaya pavisitva pacchabhattam pindapatappatikkanto savatthito viharam gacchanto jetavanapokkharaniya sopane thatva anandattheram amantesi ananda udakasatakam ahara jetavanapokkharaniyam nhayissamiti. Nanu bhante jetavanapokkharaniyam udakam chinnam kalalamattameva avasitthanti. Ananda buddhabalam nama mahantam ahara tvam udakasatakanti. Thero aharitva adasi. Sattha ekenantena udakasatakam nivasetva pana ekenantena sariram parupitva jetavanapokkharaniyam nhayissamiti sopane atthasi. Tam khananneva sakkassa pandukambalasilasanam unhakaram Dassesi. So kim nu khoti avajjento tam karanam natva vassavalahakadevarajanam pakkosapetva tata sattha jetavanapokkharaniyam nhayissamiti dhurasopane thito khippam sakalakosalarattham ekamegham katva vassapehiti aha. So sadhuti sampaticchitva ekam valahakam nivasetva ekam parupitva meghagitam gayanto pacinalokadhatumukho pakkhandi. Pacinadisabhage khalamandalamattam ekam meghamandalam utthaya satapatalam sahassapatalam hutva abhitthanantam vijjulatam niccharentam adhomukhathapitaudakakumbhakarena vassamanam sakalakosalarattham mahoghena viya ajjhotthari. Devo acchinnadharam vassanto muhutteneva jetavanapokkharanim puresi. Dhurasopanam ahacca udakam atthasi. Sattha jetavanapokkharaniyam nhayitva rattaduppattam nivasetva kayabandhanam bandhitva sugatamahacivaram ekamsam katva bhikkhusanghaparivuto gantva gandhakutiparivene pannattapavarabuddhasane nisiditva bhikkhusanghena vatte dassite utthaya manisopanaphalake thatva bhikkhusanghassa ovadam datva uyyojetva surabhigandhakutim pavisitva dakkhinena passena sihaseyyam kappetva sayanhasamaye dhammasabhayam sannipatitanam bhikkhunam passathavuso dasabalassa khantimettanuddayasampattim vividhesu sassesu milayamanesu nanajalalayesu sussantesu macchakacchapesu mahadukkham papunantesu karunnam paticca mahajanam dukkha mocessamiti udakasatakam nivasetva jetavanapokkharaniya Dhurasopane thatva muhuttena sakalakosalarattham mahoghena opilapento viya devam vassapetva mahajanam kayikacetasikadukkhato mocetva viharam pavitthoti kathaya pavattamanaya gandhakutito nikkhamitva dhammasabham agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave tathagato idaneva mahajane kilamante devam vassapeti pubbepi tiracchanayoniyam nibbattitva maccharajakalepi vassapesiyevati vatva atitam ahari. Atite imasmimyeva kosalaratthe imissava savatthiya imasmimyeva jetavanapokkharanitthane eka valligahanaparikkhitta kandara ahosi. Tada bodhisatto macchayoniyam nibbattitva macchaganaparivuto tattha pativasati. Yatha pana idani evameva tadapi tasmim ratthe devo na vassi. Manussanam sassani milayimsu. Vapiadisu udakam chijji. Macchakacchapa kalalagahanam pavisimsu. Imissapi kandaraya maccha kalalagahanam pavisitva tasmim tasmim thane niliyimsu. Kakadayo tundehi kottetva niharitva khadimsu. Bodhisatto natisanghassa tam byasanam disva imampi etesam dukkham thapetva mam anno koci mocetum samattho nama natthi saccakiriyam katva devam vassapetva natake maranadukkha mocessamiti kalavannam kaddamam dvidha viyuhitva nikkhamitva anjanarukkhasaraghatikavanno mahamaccho sudhotalohitankamanisadisani akkhini ummiletva akasam Olokento pajjunnadevarajassa saddam naditva bho pajjunna aham natake nissaya dukkhappatto tvam mayi silavante kilamante kasma devam na vassapesi maya samanajatikanam khadanatthane nibbattitva tandulappamanampi maccham adim katva khaditapubbo nama natthi annopi me pano sancicca jivita na voropitapubbo imina saccena devam vassapetva natisangham me dukkhato mocehiti vatva paricarakacetakam anapento viya pajjunnadevarajanam alapanto imam gathamaha abhitthanaya pajjunna nidhim kakassa nasaya kakam sokaya randhehi manca soka pamocayati. Tattha abhitthanaya pajjunnati pajjunno vuccati megho ayam pana meghavasena laddhanamam vassavalahakadevarajanam alapati. Ayam kirassa adhippayo devo nama anabhitthananto vijjulatam aniccharento pavassantopi na sobhati tasma tvam abhitthananto vijjulatam niccharento vassapehiti. Nidhim kakassa nasayati kaka kalalam pavisitva thite macche tundehi kottetva niharitva khadanti tasma tesam antokalale maccha nidhiti vuccanti tam kakasanghassa nidhim devam vassapento udakena paticchadetva nasehiti. Kakam sokaya randhehiti kakasangho imissa kandaraya udakena punnaya macche alabhamano socissati tam kakaganam tvam imam kandaram purentopi sokaya randhehi sokassatthaya macchassa assasatthaya Yatha antonijjhanalakkhanasokam papunati evam karohiti attho. Manca soka pamocayati ettha cakaro sampindanattho manca mama natake ca sabbeva imamha maranasoka pamocehiti. Evam bodhisatto paricarakacetakam anapento viya pajjunnam alapitva sakalakosalaratthe mahavassam vassapetva mahajanam maranadukkha mocetva jivitapariyosane yathakammangato. Sattha na bhikkhave tathagato idaneva devam vassapeti pubbepi macchayoniyam nibbattopi vassapesiyevati imam dhammadesanam aharitva anusandhim ghatetva jatakam samodhanesi tada macchagana buddhaparisa ahesum pajjunnadevaraja anando maccharaja pana ahamevati. Macchajatakam pancamam. ----------

The Pali Atthakatha in Roman Book 36 page 139-143. http://84000.org/tipitaka/atthapali/read_rm.php?B=36&A=2776&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=2776&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=75 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=491 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=480 The Pali Tipitaka in Roman Character :- http://84000.org/tipitaka/read/roman_read.php?B=27&A=480 Contents of The Tipitaka Volume 27 http://84000.org/tipitaka/read/?index_27