บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
6. Asankiyajatakam asankiyomhi gamamhiti idam sattha jetavane viharanto ekam savatthivasiupasakam arabbha kathesi. So kira sotapanno ariyasavako kenacideva karaniyena ekena sakatasatthavahena saddhim maggam patipajjitva ekasmim arannatthane sakatani mocetva khandhavarabandhe kate satthavahassavidure annatarasmim rukkhamule cankamati. Attano kalam sallakkhetvava pancasata cora khandhavaram vilumpissamati dhanumuggaradihattha gantva tam Thanam parivarayimsu. Sopi upasako cankamatiyeva. Cora tam disva addha esa khandhavararakkhako bhavissati imassa niddam okkantakale vilumpissamati ajjhottharitum asakkonta tattha tattheva atthamsu. Sopi upasako pathamayamepi majjhimayamepi pacchimayamepi cankamantoyeva atthasi. Paccusakalo jato. Cora okasam alabhanta gahitagahite pasanamuggaradayo chaddetva palayimsu. Upasakopi attano kammam nitthapetva puna savatthim agantva sattharam upasankamitva bhante attanam rakkhamana pararakkhaka hontiti pucchi. Ama upasaka attanam rakkhanto param rakkhati param rakkhanto attanam rakkhatiyevati. So yava subhasitamidam bhante bhagavata aham ekena satthavahena saddhim maggam patipanno rukkhamule cankamanto attanam rakkhissamiti sakalam sattham rakkhinti aha. Sattha upasaka pubbepi pandita attanam rakkhanta param rakkhimsuti vatva tena yacito atitam ahari. Atite baranasiyam brahmadatte rajjam karente tada bodhisatto brahmanakule nibbattitva vayappatto kamesu adinavam disva isipabbajjam pabbajitva himavante vasanto lonambilasevanatthaya janapadam agantva janapadacarikam caranto ekena satthavahena saddhim maggam patipajjitva ekasmim arannatthane satthe nivitthe satthato avidure jhanasukhena vitinamento annatarasmim rukkhamule cankamanto atthasi. Atha kho pancasatacora sayamasabhattassa bhuttakale Tam sakatasattham valumpissamati agantva parivarayimsu. Te tam tapasam disva sace ayam amhe passissati satthavasikanam arocessati etassa niddupagatavelaya vilumpissamati tattheva atthamsu. Tapasopi sakalampi rattim cankamatiyeva. Cora okasam alabhitva gahitamuggarapasane chaddetva sakatasatthavasinam saddam datva bhonto satthavasino sace esa rukkhamule cankamanatapaso ajja nabhavissa sabbe mahavilopam patva abhavissamsu sve tapasassa mahasakkaram kareyyathati vatva pakkamimsu. Te pabhataya rattiya corehi chaddite muggarapasanadayo disva bhita bodhisattassa santikam gantva vanditva bhante dittha vo corati pucchimsu. Ama avuso ditthati. Bhante ettake vo core disva bhayam va sarajjam va na uppajjiti. Bodhisatto avuso core disva bhayam va sarajjam va sadhanassa hoti ahampana niddhano svaham kim bhayissami mayham hi gamepi arannepi vasantassa bhayam va sarajjam va natthiti vatva tesam dhammam desento imam gathamaha asankiyomhi gamamhi aranne natthi me bhayam ujumaggam samarulho mettaya karunaya cati. Tattha asankiyomhi gamamhiti sankaya niyutto patitthitoti sankiyo na sankiyo asankiyo aham game vasantopi sankaya appatitthitatta asankiyo nibbhayo nirasankoti dipeti. Aranneti Gamagamupacaravinimuttatthane. Ujumaggam samarulho mettaya karunaya cati aham tikacatukkajjhanikahi mettakarunahi kayavankadivirahitam ujum brahmalokagamimaggam arulhoti vadati. Athava. Parisuddhasilataya kayavacimanovankavirahitam ujum devalokamaggam arulhomhiti dassetva tato uttarim mettaya karunaya ca patitthitatta ujum brahmalokamaggam arulhomhiti dasseti. Aparihinajjhanassa hi ekantena brahmalokaparayanatta mettakarunadayo ujumagga nama. Evam bodhisatto imaya gathaya dhammam desetva tutthacittehi tehi manussehi sakkato pujito yavajivam cattaro brahmavihare bhavetva brahmaloke nibbatti. Sattha imam dhammadesanam aharitva anusandhim ghatetva jatakam samodhanesi tada satthavasino buddhaparisa ahesum tapaso pana ahamevati. Asankiyajatakam chattham. -----------The Pali Atthakatha in Roman Book 36 page 143-146. http://84000.org/tipitaka/atthapali/read_rm.php?B=36&A=2871&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=2871&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=76 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=497 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=485 The Pali Tipitaka in Roman Character :- http://84000.org/tipitaka/read/roman_read.php?B=27&A=485 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]