AtthaPali Vol.36

7. Mahasupinajatakam lavuni sidantiti idam sattha jetavane viharanto solasa mahasupine arabbha kathesi. Ekadivasam kira kosalamaharaja rattim niddupagato pacchimayame solasa mahasupine disva bhitatasito pabujjhitva imesam supinanam Ditthatta kinnu kho me bhavissatiti maranabhayatajjito sayanapitthe nisinnakova vitinamesi. Atha nam pabhataya rattiya brahmanapurohita upasankamitva sukham sayittha maharajati pucchimsu. Kuto me acariya sukham ajjaham paccusasamaye solasa mahasupine passim somhi tesam ditthakalato patthaya bhayampattoti vadetha maharaja sutva janissamati vutte brahmananam ditthasupine kathetva kinnu kho imesam ditthakarana bhavissatiti aha. Brahmana hatthe vidhunimsu. Kasma hatthe vidhunathati ca vutte kakkhala maharaja supinati. Ka tesam nipphatti bhavissatiti. Rajjantarayo rogantarayo jivitantarayo cati imesam tinnam antarayanam annataroti. Sappatikamma appatikammati. Kamam ete supina atipharusatta appatikamma mayampana te sappatikamme karissama ete patikkamapetum asakkontanam amhakam sikkhitabhavo nama kim karissatiti. Kim pana katva acariya patikkamapessathati. Sabbacatukkena yannam yajissama maharajati . Raja bhitatasito tenahi acariya mama jivitam tumhakam hatthe hotu khippam me sotthim karothati aha. Brahmana bahudhanam labhissama bahukhajjabhojanam aharapessamati hatthatuttha ma cintayittha maharajati rajanam samassasetva rajanivesana nikkhamitva bahinagare yannavatam katva bahu catuppadagane thunappanite katva pakkhigane samaharitva idancidanca laddhum vattatiti punappunam sancaranti. Atha kho mallika devi tam karanam natva rajanam upasankamitva pucchi kim nu kho maharaja brahmana punappunam sancarantiti. Sukhita tvam bhadde amhakam kannamule asivisam sancarantam na janasiti. Kim etam maharajati. Maya evarupa dussupina dittha brahmana tinnam antarayanam annataro pannayatiti vatva tesam patighataya yannam yajissamati vatva punappunam sancarantiti. Kim pana te maharaja sadevake loke aggabrahmano supinanam patikammam pucchitoti. Kataro pana so bhadde sadevake loke aggabrahmanoti. Sadevake loke aggapuggalam sabbannum visuddham nikkilesam tathagatam gotamam mahabrahmanam na janasi so hi bhagava supinantaram janeyya gaccha tvam puccha maharajati. Sadhu deviti raja viharam gantva sattharam vanditva nisidi. Sattha madhurassaram niccharetva kinnu kho maharaja atipageva agatositi. Aham bhante paccusasamaye solasa mahasupine disva bhito brahmananam arocesim brahmana kakkhala maharaja supina etesam patighatanatthaya sabbacatukkena yannam yajissamati yannam sajjanti bahu pana maranabhayatajjita tumhe sadevake loke aggapuggala atitanagatapaccuppannam upadaya natthi so neyyadhammo yo vo nanamukhe apatham nagacchati etesam me supinanam nipphattim kathetha bhagavati. Evameva maharaja sadevake loke thapetva mam anno etesam supinanam antaram va nipphattim va janitum samattho nama Natthi aham te kathessami apica kho pana tvam ditthaniyameneva supine kathehiti. Sadhu bhanteti raja ditthaniyameneva kathetum arabhi usabha rukkha gaviyo gava ca asso kamso sigali ca kumbho pokkharani ca apakacandanam lavuni sidanti sila plavanti mandukiyo kanhasappe gilanti kakam suvanna parivarayanti tasa vaka elakanam bhaya hiti imam matikam nikkhipitva kathesi aham bhante ekam tava supinam evam addasam cattaro anjanavanna kalausabha yujjhissamati catuhi disahi rajanganam agantva usabhayuddham passissamati mahajane sannipatite yujjhanakaram dassetva naditva gajjitva ayujjhitvava patikkanta imam pathamam supinam addasam imassa ko vipakoti. Maharaja imassa vipako neva tava na mama kale bhavissati anagate pana adhammikanam kapanarajunam adhammikanam ca manussanam kale loke viparivattamane kusale ossakke akusale ussanne lokassa parihanakale devo na samma vassissati meghapada ca chijjissanti sassani milayissanti dubbhikkham bhavissati vassitukama viya catuhi disahi megha utthahitva itthikahi atape patthatanam vihiadinam Temanabhayena anto pavesitakale purisesu kuddalapitakahatthesu alim bandhanatthaya nikkhantesu vassanakaram dassetva gajjitva vijjulata niccharetva te usabha viya ayujjhitva avassitvava palayissanti ayametassa vipako tuyhampana tappaccaya koci antarayo natthi anagatam arabbha dittho supino esa brahmana pana attano jivitavuttim nissaya kathayimsuti. Evam sattha supinassa nipphattim kathetva aha dutiyam kathehi maharajati. Dutiyaham bhante evam addasam khuddakarukkha ceva gaccha ca pathavim bhinditva vidatthimattampi ratanamattampi anugantvava pupphanti ceva phalanti ca amam dutiyam addasam imassa ko vipakoti. Maharaja imassapi vipako lokassa parihinakale manussanam parittayukakale bhavissati anagatasmim hi satta tibbaraga bhavissanti asampattavayava kumariyo purisantaram gantva utuniyo ceva gabbhiniyo ca hutva puttadhitahi vaddhissanti khuddakarukkhanam puppham viya hi tasam utunibhavo phalam viya ca puttadhitaro vaddhissanti itonidanampi te bhayam natthi tatiyampi kathehi maharajati. Mahagaviyo bhante tadahujatanam vacchakanam khiram pivantiyo addasam ayam me tatiyo supino imassa ko vipakoti. Imassapi vipako anagateyeva manussanam jetthapacayikakammassa natthakale bhavissati anagatasmim hi satta matapitusu va sassusassuresu va lajjam anupatthapetva sayameva kutumbam samvidahitva ghasacchadanamattampi mahallakanam datukama Dassanti adatukama na dassanti mahallaka anatha asayamvasi darake aradhetva jivissanti tadahujatanam vacchakanam khiram pivantiyo mahagaviyo viya itonidanampi te bhayam natthi catuttham kathehi maharajati. Dhuravahe bhante arohaparinahasampanne mahagone yugaparamparaya ayojetva tarune godamme dhure yojente addasam te dhuram vahitum asakkonta chaddetva atthamsu sakatani nappavattimsu ayam me catuttho supino imassa ko vipakoti. Imassapi vipako anagateyeva adhammikarajunam kale bhavissati anagatasmim hi adhammikakapanarajano panditanam pavenikusalanam kammanittharanasamatthanam mahamattanam yasam na dassanti dhammasabhayam vinicchayatthanepi pandite voharakusale mahallake amacce na thapessanti tabbiparitanampana tarunanam yasam dassanti tatharupeeva vinicchayatthane thapessanti te rajakammani ceva yuttayuttanca ajananta neva tam yasam ukkhipitum sakkhissanti na rajakammani nittharitum te asakkonta kammadhuram chaddessanti mahallakapi pandita amacca yasam alabhanta kiccani nittharitum samatthapi kim amhakam etehi mayam bahiraka jata abbhantarika taruna daraka janissantiti uppannani kammani na rakkhissanti evam sabbathapi tesam rajunam haniyeva bhavissati dhuram vahitum asamatthanam vacchadammanam dhure yojitakaloviya dhuravahananca mahagonanam yugaparamparaya ayojitakalo viya bhavissati itonidanampi te bhayam natthi pancamam kathehi maharajati. Bhante ekam ubhatomukham assam addasam tassa dvisu passesu yavasam denti so dvihi mukhehi khadati ayam me pancamo supino imassa ko vipakoti. Imassapi anagate adhammikarajakaleyeva vipako bhavissati anagatasmim hi adhammika balarajano adhammike lolamanusse vinicchaye thapessanti te papapunnesu anadara bala sabhayam nisiditva vinicchayam denta ubhinnampi attapaccatthikanam hatthato lancam gahetva khadissanti asso viya dvihi mukhehi yavasam khadati itonidanampi te bhayam natthi chattham kathehi maharajati. Bhante mahajano satasahassagghanikam suvannapatim sammajjitva idha passavam karohiti ekassa jarasigalassa upanamesi tam tattha passavam karontam addasam ayam me chattho supino imassa ko vipakoti. Imassapi anagateyeva vipako bhavissati anagatasmim hi adhammikarajano jatisampannanam kulaputtanam asankaya yasam na dassanti akulinanamyeva dassanti evam mahakulani duggatani bhavissanti lamakakulani issarani te ca kulinapurisa jivitum asakkonta ime nissaya jivissamati akulinanam dhitaro dassanti iti tasam kuladhitanam akulinehi saddhim samvaso jarasigalassa suvannapatiyam passavakaranasadiso bhavissati itonidanampi te bhayam natthi sattamam kathehi maharajati. Bhante eko puriso rajjum vattetva padamule nikkhipati tena nisinnapithassa hettha sayita eka chatasigali tassa ajanantasseva tam khadati evaham tam addasam ayam me sattamo Supino imassa ko vipakoti. Imassapi anagateyeva vipako bhavissati anagatasmim hi itthiyo purisalola suralola alankaralola visikhalola amisalola bhavissanti dussila duracara ta samikehi kasigorakkhadini kammani katva kicchena kasirena sambhatam dhanam jarehi saddhim suram pivantiyo malagandhavilepanam dharayamana antogehe accayikampi kiccam anoloketva gehaparikkhepassa uparibhagenapi chiddatthanehipi jare upadharayamana sve vapitabbayuttakam vihimpi kottetva yagubhattakhajjakadini sampadetva khadamana vilumpissanti hetthapithake nipanna chatasigali viya vattetva padamule nikkhittarajjum itonidanampi te bhayam natthi atthamam kathehiti. Bhante rajadvare bahuhi tucchakumbhehi parivaretva thapitam ekam mahantam puritakumbham addasam cattaropi vanna catuhi disahi catuhi anudisahi ca ghatehi udakam aharitva puritakumbhameva purenti puritapuritam udakam uttaritva palayati tepi tattheva punappunam udakam asincanti tucchakumbhe pana olokentopi natthi ayam me atthamo supino imassa ko vipakoti. Imassapi anagateyeva vipako bhavissati anagatasmim hi loko parihayissati rattham nirojam bhavissati rajano duggata kapana bhavissanti yo issaro bhavissati tassa bhandagare satasahassamatta kahapana bhavissanti te evam duggata sabbe janapade attano vapakammam Karessanti upadduta manussa sake kammante chaddetva rajunanneva atthaya pubbannaparannani ca vapanta rakkhanta layanta maddanta pavesenta ucchukkhettani karonta yantani karonta vahenta phanitadini pacanta puppharame phalarame ca karonta tattha tattha nipphannani pubbannadini aharitva ranno kotthagaramyeva puressanti attano gehesu tucchakotthe olokentapi na bhavissanti tucchakumbhe anoloketva puritakumbhapuranasadisameva bhavissati itonidanampi te bhayam natthi navamam kathehiti. Bhante ekam pancavannappadumasanchannam gambhiram sabbatotittham pokkharanim addasam samantato dvipadacatuppada otaritva tattha paniyam pivanti tassa majjhe gambhiratthane udakam avilam tirappadesesu dvipadacatuppadanam akkamanatthane accham vippasannam anavilam evaham addasam ayam me navamo supino imassa ko vipakoti. Imassapi anagateyeva vipako bhavissati anagatasmim hi rajano adhammika bhavissanti chandadivasena agatigamanam gacchanta rajjam karessanti dhammena vinicchayam nama na dassanti lancavittaka bhavissanti dhanalola ratthavasikesu tesam khantimettanuddaya nama na bhavissanti kakkhala pharusa ucchuyante ucchaganthika viya manusse pilenta nanappakaram balim uppadetva dhanam ganhissanti manussa balipilita kinci datum asakkonta gamanigamadayo chaddetva paccantam gantva vasam kappessanti majjhimajanapado sunno bhavissati paccanto ghanavaso Seyyathapi pokkhaniya vemajjhe udakam avilam pariyante vippasannam itonidanampi te bhayam natthi dasamam kathehiti. Bhante ekissayeva kumbhiya paccamanam odanam apakam addasam apakanti vicaretva vibhajitva thapitam viya tihakarehi paccamanam ekasmim passe atikilinno hoti ekasmim uttandulo ekasmim supakko ayam me dasmo supino imassa ko vipakoti. Imassapi anagateyeva vipako bhavissati anagatasmim hi rajano adhammika bhavissanti tesu adhammikesu rajayuttapi brahmanagahapatikapi negamajanapadapiti samanabrahmane upadaya sabbe manussa adhammika bhavissanti tato tesam arakkhadevata balippatiggahakadevata rukkhadevata akasatthakadevata adhammika bhavissanti evam devatapi adhammika bhavissanti adhammikarajunam rajje vata visama khara vayissanti te akasatthakavimanani kampessanti tesu kampitesu devata kupita devam vassitum na dassanti vassamanopi sakalaratthe ekappahareneva na vassissati vassamanopi sabbattha kasikammassa va vapakammassa va upakaro hutva na vassissati yatha ca ratthe evam janapadepi gamepi ekatalakepi ekasarepi ekappaharena na vassissati talakassa uparibhage vassanto hetthabhage na vassissati hettha vassanto upari na vassissati ekasmim bhage sassam ativassena nasessati ekasmim avassanto sassam milapessati ekasmim samma vassamano sampadessati evam ekassa ranno rajje vuttasassa nippakara Bhavissanti ekakumbhiya odano viya itonidanampi te bhayam natthi ekadasamam kathehiti. Bhante satasahassagghanikam candanasaram putitakkena vikkinante addasam ayam me ekadasamo supino imassa ko vipakoti. Imassapi anagateyeva mayham sasane parihayante vipako bhavissati anagatasmim hi paccayalola alajji bhikkhu bahu bhavissanti te maya paccayaloluppam nimmathetva kathitadhammadesanam civaradicatuppaccayahetu paresam desessanti paccayehi muccitva nissaranapakkhe thita nibbanabhimukham katva desetum na sakkhissanti kevalam padabyanjanasampattinceva madhurasaddanca sutva mahagghani civaradini dassanti ceva dapessanti ca apare antaravithicatukkaraja- dvaradisu nisiditva kahapanaddhakahapanapadamasakarupadini nissaya desessanti iti maya nibbanagghanakam katva desitadhammam catuppaccayatthaya ceva kahapanaddhakahapanadinam atthaya ca vikkinitva desenta satasahassagghanikam candanasaram putitakkena vikkinanta viya bhavissanti itonidanampi te bhayam natthi dvadasamam kathehiti. Bhante tucchalabuni udake sidantani addasam imassa ko vipakoti. Imassapi anagate adhammikarajakale loke viparivattanteyeva vipako bhavissati tada hi rajano jatisampannanam kulaputtanam yasam na dassanti akulinanamyeva dassanti te issara bhavissanti itare dalidda rajasammukhepi rajadvarepi amaccasammukhepi vinicchayatthanepi tucchalabusadisanam akulinananneva katha osiditva thita viya niccala Suppatitthita bhavissanti sanghasannipatepi sanghakammaganakammatthanesu ceva pattacivaraparivenadivinicchayatthanesu ca dussilanam papapuggalanamyeva katha niyyanika bhavissanti na lajjinam bhikkhunam evam sabbathapi tucchalabusidanakalo viya bhavissati itonidanampi te bhayam natthi terasamam kathehiti. Bhante mahanta kutagarappamana ghanasilanava viya udake plavamana addasam imassa ko vipakoti. Imassapi tadiseyeva kale vipako bhavissati tada hi adhammikarajano akulinanam yasam dassanti te issara bhavissanti kulina duggata tesu na keci garavam karissanti itaresuyeva karissanti rajasammukhe va amaccasammukhe va vinicchayatthane va vinicchayakusalanam ghanasilasadisanam kulaputtanam katha na ogahitva patitthahissati tesu kathentesu kim ime kathentiti itare parihasameva karissanti bhikkhusannipatepi vuttappakaresu thanesu neva pesale bhikkhu garukatabbe mannissanti napi tesam katha pariyogahitva patitthahissati silanam plavanakalo viya bhavissati itonidanampi te bhayam natthi cuddasamam kathehiti. Bhante khuddakamadhukapupphappamana mandukiyo mahante kanhasappe vegena anubandhitva uppalanale viya chinditva mamsam khaditva gilantiyo addasam ayam cuddasamo supino imassa ko vipakoti. Imassapi loke parihayante anagateyeva vipako bhavissati tada hi manussa tibbaraga dujjatika kilesanuvattaka hutva tarunanam attano bhariyanam vase vattissanti gehe dasakammakaradayopi Gomahisadayopi hirannasuvannampi sabbam tasamyeva ayattam bhavissati asukam hirannasuvannam va paricchedadijatam va kahanti vutte yattha va tattha va hotu kim tuyhameva byacarena tvam mayham ghare santam va asantam va janitukamo jatositi vatva nanappakarehi akkositva mukhasattihi kottetva dasacetake viya vase katva attano issariyam pavattessanti evam madhukapupphappamananam mandukapotikanam asivise kanhasappe gilanakalo viya bhavissati itonidanampi te bhayam natthi pannarasamam kathehiti. Bhante dasahi asaddhammehi samannagatam gamagocaram kakam kancanavannapannataya suvannati laddhaname suvannarajahamse parivarente addasam imassa ko vipakoti. Imassapi anagate dubbalarajakaleyeva vipako bhavissati anagatasmim hi rajano hatthisippadisu akusala yuddhesu avisarada bhavissanti te attano rajjavipattim asankamananam samanajatikanam kulaputtanam issariyam adatva attano padamulikanam nhapakakappakadinam dassanti jatigottasampanna kulaputta rajakule patittham alabhamana jivikam kappetum asamattha hutva issariye thite jatigottahine akuline upatthahanta vicarissanti suvannarajahamsehi kakassa parivaritakalo viya bhavissati itonidanampi te bhayam natthi solasamam kathehiti. Bhante pubbe dipino elake khadanti ahampana elake dipino anubandhitva murumurati khadante addasam athanne tasa vaka elake duratova Disva bhitatasita utrasampatta hutva elakanam bhaya palayitva gumbagahanani pavisitva niliyimsu evaham addasam imassa ko vipakoti. Imassapi anagate adhammikarajakuleyeva vipako bhavissati tada hi akulina rajavallabha issara bhavissanti kulina appannata duggata te rajavallabha rajanam attano katham gahapetva vinicchayatthanadisu balavanto hutva kulinanam paveniagatani khettavatthadini amhakam santakani etaniti abhiyujjhitva tesu na tumhakam amhakanti agantva vinicchayatthanadisu vivadantesu vettalatadihi paharapetva givayam gahetva apakaddhapetva attano pamanam na janatha amhehi saddhim vivadatha adani vo ranno kathetva hatthapadacchedanadini karessamati santajjessanti te tesam bhayena attano santakani vatthuni tumhakamyeva cetani ganhathati niyyadetva attano gehani pavisitva bhita nipajjissanti papabhikkhupi pesale bhikkhu yatharucim vihethessanti te pesala bhikkhu patisaranam alabhamana arannam pavisitva gahanatthanesu niliyissanti evam hinajaccehi ceva papabhikkhuhipi ca upaddutanam jatimantanam kulaputtananceva pesalanam bhikkhunanca elakanam bhayena tasavakanam palayanakalo viya bhavissati itonidanampi te bhayam natthi ayam hi supino anagatanneva arabbha te dittho brahmana pana na dhammasudhammataya tayi sinehena tam kathayimsu bahum dhanam labhissamati amisacakkhutaya jivitavuttim nissaya kathayimsuti. Evam Sattha solasannam mahasupinanam nipphattim kathetva na kho maharaja etarahi tvanneva ime supine addasa poranakarajanopi addasamsu brahmanapi tesam evameva ime supine gahetva yannamatthake khipimsu tato panditehi dinnanayenagantva bodhisattam pucchimsu poranakapanditapi nesam ime supine kathenta imina niyameneva kathesunti vatva tena yacito atitam ahari. Atite baranasiyam brahmadatte rajjam karente bodhisatto udiccabrahmanakule nibbattitva vayappatto isipabbajjam pabbajitva abhinna ceva samapattiyo ca nibbattetva himavantappadese jhanakilam kilanto viharati. Tada baranasiyam brahmadatto iminava niyamena ime supine disva brahmane pucchi. Brahmana evameva yannam yajitum arabhimsu. Tesu purohitassa antevasikamanavo pandito byatto acariyam aha acariya tumhehi mayam tayo vede ugganhapita nanu tesu ekam maretva ekassa sotthikammakaranam nama natthiti. Tata imina upayena amhakam bahudhanam uppajjissati tvam pana ranno dhanam rakkhitukamo manneti. Manavo tenahi acariya tumhe tumhakam kammam karotha aham tumhakam santike kim karissamiti vicaranto ranno uyyanam agamasi. Tam divasameva bodhisattopi tam karanam natva ajja mayi manussapatham gate mahajanassa bandhana mokkho bhavissatiti akasenagantva uyyane otaritva suvannapatima viya mangalasilatale nisidi. Manavo Bodhisattam upasankamitva vanditva ekamantam nisiditva patisantharam akasi. Bodhisattopi tena saddhim madhurappatisantharam katva kim nu kho manava raja dhammena rajjam karetiti pucchi. Bhante raja nama dhammiko apica kho pana nam brahmana atitthe pakkhandapenti raja solasa supine disva brahmananam arocesi brahmana yannam yajissamati araddha kim nu kho bhante ayam nama imesam supinanam nipphattiti rajanam sannapetva tumhakam mahajanam bhaya mocetum na vattatiti. Mayam kho nama manava rajanam na janama rajapi amhe na janati sace pana idhagantva puccheyya katheyyamassa mayanti. Manavo aham bhante anessami tumhe mamagamanam udikkhanta muhuttam nisidathati bodhisattam patijanapetva ranno santikam gantva maharaja eko akasacarikatapaso tumhakam uyyane otaritva tumhehi ditthasupinanam nipphattim kathessamiti tumhe pakkosatiti aha. Raja tassa katham sutva tavadeva mahantena parivarena uyyanam gantva tapasam vanditva ekamantam nisinno pucchi tumhe kira bhante maya ditthasupinanam nipphattim janathati. Ama maharajati. Tenahi kathethati. Kathemi maharaja yathaditthe tava supine mam savehiti. Sadhu bhanteti raja usabha rukkha gaviyo gava ca asso kamso sigali ca kumbho Pokkharani ca apakacandanam lavuni sidanti sila plavanti mandukiyo kanhasappe gilanti kakam suvanna parivarayanti tasa vaka elakanam bhaya hiti vatva pasenadikosalaranna kathitaniyameneva supine kathesi. Bodhisattopi tesam idani satthara kathitaniyameneva vittharato nipphattim kathetva pariyosane sayam idam kathesi vipariyaso vattati nayidhamatthiti. Tatrayamattho ayam maharaja imesam supinanam nipphatti yam panetam tesam patighatatthaya yannakammam vattati tam vipariyaso vattati viparitato vipallasena vattatiti vuttam hoti. Kimkarana. Imesanhi nipphatti nama lokassa viparivattakale akaranassa karananti gahanakale karanassa akarananti chaddanakale abhutassa bhutanti ganhanakale bhutassa abhutanti jahanakale alajjinam ussannakale lajjinanca parihinakale bhavissati nayidhamatthi idani pana tava va mama va kale idha imasmim purisayuge vattamane etesam nipphatti natthi tasma etesam patighataya vattamanam yannakammam vipallasena vattati alantena natthi te itonidanam bhayam va chambhitattam vati. Mahapuriso rajanam samassasetva mahajanam bandhana mocetva punakase thatva ranno ovadam datva pancasu silesu patitthapetva ito patthaya maharaja brahmanehi saddhim ekato Hutva pasughatayannannama ma yajiti dhammam desetva akaseneva attano vasanatthanameva agamasi. Rajapi tassa ovade thito danadini punnani katva yathakammam gato. Sattha imam dhammadesanam aharitva supinapaccaya te bhayam natthi haretha yannanti yannam haretva mahajanassa jivitadanam datva anusandhim ghatetva jatakam samodhanesi tada raja anando ahosi manavo sariputto tapaso pana ahamevati. Parinibbute pana bhagavati sangitikaraka usabhati adini tini padani atthakatham aropetva lavuniti adini panca padani ekam gatham vatva ekanipatapalim aropesunti. Mahasupinajatakam sattamam. -----------

The Pali Atthakatha in Roman Book 36 page 146-163. http://84000.org/tipitaka/atthapali/read_rm.php?B=36&A=2935&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=2935&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=77 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=502 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=490 The Pali Tipitaka in Roman Character :- http://84000.org/tipitaka/read/roman_read.php?B=27&A=490 Contents of The Tipitaka Volume 27 http://84000.org/tipitaka/read/?index_27