Atthakatha Book 36 : PALI ROMAN
Ja.A.2 ekanipat (2)

                     9. Kharassarajatakam
     yato vilutta ca hata ca gavoti idam sattha jetavane
viharanto annataram amaccam arabbha kathesi.
     Kosalaranno kira eko amacco rajanam aradhetva
paccantagame balam labhitva corehi saddhim ekato hutva aham manusse
adaya arannam pavisissami tumhe gamam vilumpitva upaddham
mayham dadeyyathati vatva pageva manusse sannipatetva arannam
gantva coresu agantva gaviyo ghatetva mamsam khaditva gamam
vilumpitva gatesu sayanhasamaye mahajanaparivuto agacchati. Tassa
nacirasseva tam kammam pakatam jatam. Manussa ranno arocesum.
Raja tam pakkosapetva dosam patitthapetva suniggahitam niggahetva
annam gamabhojakam pesetva jetavanam gantva tathagatam vanditva
bhagavato etamattham arocesi. Bhagava na maharaja idanevesa
evamsilo pubbepi evamsiloyevati tena yacito atitam ahari.
     Atite baranasiyam brahmadatto rajjam karento ekassa
amaccassa paccantagamam adasi. Sabbam purimasadisameva. Tada
bodhisatto vanijjaya paccante vicaranto hutva tasmim gamake
nivasam kappesi. So tasmim gamabhojake sayanhasamaye
mahajanaparivarena bheriya vajjamanaya agacchante ayam dutthagamabhojako
corehi ekato hutva gamam vilumpapetva coresu palayitva
Atavim pavitthesu idani upasantupasanto viya bheriya vajjamanaya
agacchatiti vatva imam gathamaha
              yato vilutta ca hata ca gavo
              daddhani gehani jano ca nito
              athagama puttahataya putto
              kharassaram dendimam vadayantoti.
     Tattha yatoti yada. Vilutta ca hata cati vilumpitva
vadhitva mamsakhadanatthaya ca hata ca. Gavoti gorupani. Daddhaniti
aggim datva jhapitani. Jano ca nitoti karamaraggaham gahetva
nito. Puttahataya puttoti hataputtaya putto nillajjoti
attho. Chinnahirottappassa hi mata nama natthi. Iti so
tassa jivanatopi puttatthane na titthatiti hataputtaya putto nama
hoti. Kharassaranti thaddhasaddam. Dendimanti pahatabherim.
     Evam bodhisatto imaya gathaya tam paribhasi. Nacirasseva tassa
tam kammam pakatam jatam. Athassa raja dosanurupam niggaham akasi.
     Sattha na maharaja idanevesa evamsilo pubbepi evamsiloyevati
vatva imam dhammadesanam aharitva anusandhim ghatetva jatakam
samodhanesi tada amacco idani amaccoyeva gathaya
udaharanakapanditapuriso pana ahamevati.
                    Kharassarajatakam navamam.
                      ----------


             The Pali Atthakatha in Roman Book 36 page 177-178.
http://84000.org/tipitaka/atthapali/read_rm.php?B=36&A=3562&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=36&A=3562&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=27&i=79
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=515
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=507
             The Pali Tipitaka in Roman Character :-
http://84000.org/tipitaka/read/roman_read.php?B=27&A=507
             Contents of The Tipitaka Volume 27
http://84000.org/tipitaka/read/?index_27