|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10. Bhimasenajatakam
yante pavikatthitam pureti idam sattha jetavane viharanto annataram
pavikatthitabhikkhum arabbha kathesi.
Eko kira bhikkhu avuso amhakam jatisama jati gottasamam
gottam namam natthi mayam evarupe nama mahakhattiyakule jata
gottena va dhanena va kulappadesena va amhehi sadiso nama
natthi amhakam suvannarajatadinam anto natthi dasakammakarapi
no salimamsodanam bhunjanti kasikavatthadini nivasenti kasikavilepanam
vilimpanti mayam pabbajitabhavena etarahi evarupani lukhani bhojanani
bhunjama lukhani civarani dharemati theranavamajjhimanam bhikkhunam antare
vikatthento jatiadivasena vambhento vancento vicarati. Athassa
eko bhikkhu kulappadesam parigganhitva tam vikatthitabhavam bhikkhunam
kathesi. Bhikkhu dhammasabhayam sannipatitva avuso asuko nama
bhikkhu evarupe niyyanikasasane pabbajitva vikatthento vambhento
vancento vicaratiti etassa agunam kathayimsu. Sattha agantva
kaya nuttha bhikkhave etarahi kathaya sannisinnati pucchitva imaya
namati vutte na bhikkhave bhikkhu idaneva vikatthento vicarati
pubbepi vikatthento vambhento vancento vicariti vatva atitam
ahari.
Atite baranasiyam brahmadatte rajjam karente bodhisatto
ekasmim nigamagame udiccabrahmanakule nibbattitva vayappatto
Takkasilayam disapamokkhassa acariyassa santike tayo vede attharasa
vijjatthanani uggahetva sabbasippanam nipphattim patva culadhanuggahapandito
nama ahosi. So takkasilato nikkhamitva sabbasamayasippani
pariyesamano mahisakarattham agamasi. Imasmim pana jatake
kira bodhisatto thokam rasso onatakaro ahosi. So cintesi
sacaham kanci rajanam upasankamissami so evam rassasariro tvam
kim amhakam kammam karissasiti vakkhati yannunaham arohaparinahasampannam
abhirupam ekam purisam phalakam katva tassa pitthicchayaya
jivikam kappeyyanti. So tatharupam purisam pariyesamano bhimasenassa
namekassa tantavayassa tantavitatatthanam gantva tena saddhim
patisantharam katva samma tvam kinnamositi pucchi. Aham bhimaseno
namati. Kim pana tvam evam abhirupo upadhisampanno hutva imam
lamakakammam karositi. Jivitum asakkonto sammati. Samma ma
etam kammam kari sakalajambudipe maya sadiso dhanuggaho nama
natthi sace panaham kanci rajanam passeyyam so mam evam
rasso ayam kim amhakam kammam karissatiti kopeyya tvam rajanam
disva aham dhanuggahoti vakkheyyasi raja te paribbayam datva
vuttim nibaddham dassati ahante uppannam kammam karonto tassa
pitthicchayaya jivissami evam ubhopi sukhita bhavissama karohi
mama vacananti aha. So sadhuti sampaticchi. Atha nam adaya
baranasim gantva sayam culupatthako hutva tam purato katva
Rajadvare thatva ranno arocapesi. Agacchantuti vutte
ubhopi pavisitva rajanam vanditva atthamsu. Kimkarana agatatthati
ca vutte bhimaseno aha aham dhanuggaho maya sadiso nama
sakalajambudipe dhanuggaho natthiti. Kim pana bhane labhanto mam
upatthahissasiti. Addhamase sahassam labhanto upatthahissami
devati. Ayam te puriso kim hotiti. Culupatthako devati.
Sadhu upatthahati. Tato patthaya bhimaseno rajanam upatthati.
Uppannakiccam panassa bodhisattova nittharati.
Tena kho pana samayena kasiratthe ekasmim aranne bahunnam
manussanam sancaranamaggam byaggho chaddapeti bahu manusse gahetva
gahetva khadati. Tam pavuttim ranno arocesum. Raja
bhimasenam pakkosapetva sakkhissasi tata etam byaggham ganhitunti
aha. Deva kim dhanuggaho namaham yadi byaggham gahetum na
sakkomiti. Raja tassa paribbayam datva uyyojesi. So gharam
gantva bodhisattassa kathesi. Bodhisatto sadhu samma gacchati
aha. Tvam pana na gamissasiti. Aham na gamissami upayam pana
te acikkhissamiti. Acikkha sammati. Tvam byagghassa
vasanatthanam sahasa ekakova ma agamasi janapadamanusse pana
sannipatetva ekam va dve va dhanusahassani gahapetva
tattha gantva byagghassa utthitabhavam natva palayitva ekam
gumbam pavisitva urena nipajjeyyasi janapada ca byaggham pothetva
Ganhissanti tehi byagghe gahite tvam dantehi ekam vallim
chinditva kotiyam gahetva tattha gantva matabyagghassa santikam
gantva bhonto kenesa byaggho marito aham imam byaggham gonam
viya valliya bandhitva ranno santikam nessamiti valliatthaya gumbam
pavittho maya valliya anabhatayaeva kenesa byaggho maritoti
katheyyasi atha te janapada bhitatasita sami ma ranno acikkhati
bahum dhanam dassanti byaggho tayava gahito bhavissati rannopi
santika bahum dhanam labhissasiti. So sadhuti gantva bodhisattena
kathitaniyameneva byaggham gahetva arannam khemam katva mahajanaparivuto
baranasim agantva rajanam disva gahito me deva byaggho
arannam khemam katanti aha. Raja tuttho bahum dhanam adasi.
Punekadivasam ekam maggam mahiso chaddapetiti arocayimsu.
Raja tatheva bhimasenam pesesi. Sopi bodhisattena dinnanayena
byaggham viya tampi gahetva agacchi. Raja puna bahum dhanam
adasi. Mahantam issariyam jatam. So issariyamadamatto
bodhisatte avamannam katva tassa vacanam na ganhati naham tam
nissaya jivami kim tvanneva purisoti adini pharusavacanani vadati.
Atha katipahaccayeneva eko samantaraja agantva baranasim
uparundhitva rajjam va me detu yuddham vati ranno sasanam
pesesi. Raja yujjhahiti bhimasenam peseti. So sabbasannahasannaddho
rajavesam gahetva susannaddhassa varanassa pitthe nisidi.
Bodhisattopi tassa maranabhayena sabbasannahasannaddho bhimasenasseva
pacchimasane nisidi. Varano mahajanaparivuto nagaradvarena nikkhamitva
sangamasisam papuni. Bhimaseno yuddhabherisaddam sutvava
kampitum araddho. Bodhisatto idanesa hatthipitthito patitva
marissatiti hatthito apatanattham bhimasenam yottena parikkhipitva ganhi.
Bhimaseno sampaharatthanam disva maranabhayatajjito sariravalanjena
hatthipitthim duseti. Bodhisatto na kho te bhimasena purimena
pacchimam sameti tvam pubbe sangamayodho viya ahosi idani
hatthipitthim dusesiti vatva imam gathamaha
yante pavikatthitam pure
atha te putisara sajanti paccha
ubhayam na sameti bhimasena
yuddhakatha ca idanca te vihannanti.
Tattha yante pavikatthitam pureti yam taya pubbe kim tvamyeva
puriso naham puriso ahampi sangamayodhoti pavikatthitam vambhanavacanam
vuttam idantava ekam. Atha te putisara sajanti pacchati atha
te ime putibhavena ca saranabhavena ca putisarati laddhanama
sariravalanjadhara sajanti valanjanti paggharanti. Pacchati tato pure
pavikatthitato aparabhage idani imasmim sangamasiseti attho.
Ubhayam na sameti bhimasenati idam bhimasena ubhayam na sameti.
Kataram. Yuddhakatha ca idanca te vihannanti ya ca pure kathita
Yuddhakatha yanca te idani vihannam kilamatho hatthipitthidusanakarappatto
vighatoti attho.
Evam bodhisatto tam garahitva ma bhayi samma kasma mayi
thite vihannasiti bhimasenam pitthito otaretva nhayitva gehameva
gacchati uyyojetva ajja maya pakatena bhavitum vattatiti
sangamasisam pavisitva sihanadam unnaditva balakotthakam bhinditva sapattarajanam
jivaggaham gahapetva baranasiranno santikam agamasi. Raja
tuttho bodhisattassa mahantam yasam adasi. Tato patthaya
culadhanuggahapanditoti sakalajambudipe pakato ahosi. So bhimasenassa
paribbayam datva sakatthanameva pesetva danadini punnani katva
yathakammam gato.
Sattha na bhikkhave idanevesa bhikkhu vikattheti pubbe
vikatthesiyevati vatva imam dhammadesanam aharitva anusandhim ghatetva
jatakam samodhanesi tada bhimaseno vikatthitabhikkhu ahosi
culadhanuggahapandito pana ahamevati.
Bhimasenajatakam dasamam.
Varanavaggo atthamo.
---------
The Pali Atthakatha in Roman Book 36 page 179-184.
http://84000.org/tipitaka/atthapali/read_rm.php?B=36&A=3603&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=36&A=3603&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=80
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=520
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=514
The Pali Tipitaka in Roman Character :-
http://84000.org/tipitaka/read/roman_read.php?B=27&A=514
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]