AtthaPali Vol.36

5. Kimpakkajatakam ayatim dosam nannayati idam sattha jetavane viharanto ekam ukkanthitabhikkhum arabbha kathesi. Annataro kira kulaputto buddhasasane uram datva pabbajito ekadivasam savatthiyam pindaya caranto ekam alankatam itthim disva ukkanthi. Atha nam acariyupajjhaya satthu santikam anayimsu. Sattha saccam kira tvam bhikkhu ukkanthitositi pucchitva saccanti Vutte bhikkhu panca kamaguna namete paribhogakale rammaniya so pana nesam paribhogo nirayadisu patisandhidayakatta kimpakkaphalaparibhogasadiso hoti kimpakkaphalam nama vannagandharasasampannam khaditam pana antani khandetva jivitakkhayam papeti pubbe bahu jana tassa dosam adisva vannagandharasesu bajjhitva tam phalam paribhunjitva jivitakkhayam papunimsuti vatva tehi bhikkhuhi yacito atitam ahari. Atite baranasiyam brahmadatte rajjam karente bodhisatto satthavaho hutva pancahi sakatasatehi pubbantaparantam gacchanto atavimukham patva manusse sannipatetva imissa ataviya visarukkha nama atthi ma kho mam anapuccha pubbe akhaditapubbani phalaphalani khaditthati ovadi. Manussa atavim atikkamitva atavimukhe ekam kimpakkarukkham phalabharaonamitasakham addasamsu. Tassa khandhasakhapattaphalani santhanavannagandharasehi ambasadisaneva. Tesu ekacce vannagandharasesu bajjhitva ambaphalasannaya phalani khadimsu ekacce satthavaham pucchitva khadissamati gahetva atthamsu. Bodhisatto tam thanam patva te gahetva thite phalani chaddapetva ye khaditva atthamsu te vamanam karetva tesam bhesajjam adasi. Tesu ekacce aroga jata pathamameva khaditva thita pana jivitakkhayam patta. Bodhisattopi icchitatthanam sotthina gantva labham labhitva puna sakatthanameva agantva danadini punnani katva yathakammam gato. Sattha tam vatthum kathetva abhisambuddho hutva imam gathamaha ayatim dosam nannaya yo kame pativisevati vipakante hananti nam kimpakkamiva bhakkhitanti. Tattha ayatim dosam nannayati anagate dosam na annaya ajanitvati attho. Yo kame patisevatiti yo vatthukame ca kilesakame ca patisevati. Vipakante hananti nanti te kama nam purisam attano vipakasankhate ante nirayadisu uppannam nanappakarena dukkhena samyojiyamana hananti. Katham. Kimpakkamiva bhakkhitanti yatha paribhogakale vannagandharasasampattiya manapam kimpakkaphalam anagatadosam adisva bhakkhitam jivitakkhayam papeti evam paribhogakale manapapi kama vipakakale hanantiti. Sattha desanam yathanusandhim papetva saccani pakasesi. Ukkanthitabhikkhu sotapattiphalam papuni. Sesaparisa keci sotapanna keci sakadagamino keci anagamino keci arahanto ahesum. Sattha imam dhammadesanam aharitva jatakam samodhanesi tada parisa buddhaparisa ahesum satthavaho pana ahamevati. Kimpakkajatakam pancamam. ------------

The Pali Atthakatha in Roman Book 36 page 196-198. http://84000.org/tipitaka/atthapali/read_rm.php?B=36&A=3965&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=3965&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=85 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=563 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=558 The Pali Tipitaka in Roman Character :- http://84000.org/tipitaka/read/roman_read.php?B=27&A=558 Contents of The Tipitaka Volume 27 http://84000.org/tipitaka/read/?index_27