ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 36 : PALI ROMAN Ja.A.2 ekanipat (2)

                     6. Silavimamsanajatakam
     silam kireva kalyananti idam sattha jetavane viharanto ekam
silavimamsakam brahmanam arabbha kathesi.
     So kira kosalarajanam nissaya jivati tisaranagato
akhandapancasilo tinnam vedanam paragu. Raja ayam silavati tassa
atirekam sammanam karoti. So cintesi ayam raja mayham annehi
brahmanehi atirekam sammanam karoti ativiya mam garum katva passati
kim nu kho esa mama jatigottakulappadesasippasampattim nissaya
imam sammanam karoti udahu silasampattim vimamsissami tavati.
So ekadivasam rajupatthanam gantva gharam gacchanto ekassa
herannikassa phalakato anapucchitvava ekam kahapanam gahetva agamasi.
Atha nam heranniko brahmane garubhavena kinci avatva nisidi.
Punadivase dve kahapane ganhi. Heranniko tatheva adhivasesi.
Tatiyadivase kahapanamutthim aggahesi. Atha nam heranniko ajja
te tatiyo divaso rajakutumbam vilumpantassati rajakutumbam
vilumpakacoro me gahitoti tikkhattum viravi. Atha nam manussa ito
cito ca agantva cirandani tvam silava viya vicariti dve tayo
pahare datva bandhitva ranno dassesum. Raja vippatisari
hutva kasma brahmana evarupam dussilakammam karositi vatva
gacchatha tassa rajanam karothati aha. Brahmano naham
maharaja coroti aha. Atha kasma rajakutumbikassa phalakato
Kahapane ganhiti. Evam maya tayi mama atisammanam karonte
kim nu kho raja mama jatiadini nissaya atisammanam karoti udahu
silam nissayati vimamsanatthaya tam katam idani pana maya ekamsena
natam yatha silameva nissaya taya mama sammano kato na
jatiadini tatha hi medani rajanam karesiti vatva svaham
imina karanena imasmim loke silameva uttamam silam pamukhanti
sannitthanam gato imassa panaham silassa anucchavikam karonto gehe
thito kilese paribhunjanto na sakkhissami katum ajjeva jetavanam
gantva satthu santike pabbajissami pabbajjam me dehi devati
rajanam anujanapetva jetavanabhimukho payasi. Atha nam
natisuhajjabandhava sannipatitva nivaretum asakkonta nivattimsu.
     So satthu santikam gantva pabbajjam yacitva pabbajjanca
upasampadanca labhitva avissatthakammatthano vipassanam vaddhetva
arahattam patva sattharam upasankamitva bhante mayham pabbajja
matthakam pattati annam byakasi. Tassa tam annabyakaranam
bhikkhusanghe pakatam jatam. Athekadivasam dhammasabhayam sannipatitva
bhikkhu avuso asuko nama ranno upatthako brahmano
attano silam vimamsitva rajanam apucchitva pabbajitva arahatte
patitthitoti tassa gunam kathayamana nisidimsu. Sattha agantva
kaya nuttha bhikkhave etarahi kathaya sannisinnati pucchitva imaya
namati vutte na bhikkhave idaneva ayameva brahmano attano
Silam vimamsitva pabbajitva attano patittham akasi pubbepi pandita
attano silam vimamsitva pabbajitva attano patittham karimsuti vatva
tehi yacito atitam ahari.
     Atite baranasiyam brahmadatte rajjam karente bodhisatto tassa
purohito ahosi danadhimutto silajjhasayo akhandapancasilo.
Raja sesabrahmanehi atirekataram tassa sammanam karotiti sabbam
purimasadisameva. Bodhisatte pana bandhitva ranno santikam niyamane
ahigundika antaravithiyam sappam kilapenta nam nangutthe ganhanti
givaya ganhanti gale vethenti. Bodhisatto te disva ma tata
etam sappam nangutthe ganhatha ma givayam ganhatha ma gale vethetha
ayanhi te damsitvava jivitakkhayam papeyyati aha. Ahigundika
ayam brahmana sappo silava acarasampanno tadiso dussilo
na hoti tvam pana attano dussilataya anacaro rajakutumba-
vilumpakacoroti bandhitva niyyasiti ahamsu. So cintesi sappapi
tava adamsanta avihethenta silavantoti namam labhanti kimangam
pana manussabhuta silameva imasmim loke uttamam nama natthi tato
uttaritaranti. Atha nam netva ranno dassesum. Raja kim
idam tatati pucchi. Rajakutumbavilumpakacoro devati. Tenahissa
rajanam karothati. Brahmano naham maharaja coroti aha.
Atha kasma kahapane aggahesiti ca vutte purimanayeneva sabbam
Arocento svaham imina karanena imasmim loke silameva
uttamam silam pamokkhanti sannitthanam gatoti vatva titthatu tava
idam asivisopi tava adamsanto avihethento silavati vattabbatam
labhati iminapi karanena silameva uttamam silam pavaranti silam
vannento imam gathamaha
         silam kireva kalyanam    silam loke anuttaram
         passa ghoraviso nago  silavati na hannatiti.
     Tattha silam kirevati kayavacacittehi avitikkamanasankhatam
acarasilameva. Kireti anussavavasena vadati. Kalyananti sundaram
pavaram. Anuttaranti jetthakam sabbagunadayakam. Passati attana
ditthakaranam abhimukham karonto kathesi. Silavati na hannatiti
ghoravisopi samano adamsanaavihethanamattakena silavati pasamsam labhati
na hannati na vihannatiti iminapi karanena silameva uttamanti.
     Evam bodhisatto imaya gathaya ranno dhammam desetva kame
pahaya isipabbajjam pabbajitva himavantam pavisitva pancabhinna ca
attha samapattiyo ca nibbattetva brahmalokaparayano ahosi.
     Sattha imam dhammadesanam aharitva jatakam samodhanesi tada
raja anando ahosi parisa buddhaparisa purohito pana
ahamevati.
                   Silavimamsanajatakam chattham.
                      ----------



             The Pali Atthakatha in Roman Book 36 page 199-202. http://84000.org/tipitaka/atthapali/read_rm.php?B=36&A=4011&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=4011&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=86              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=569              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=563              The Pali Tipitaka in Roman Character :- http://84000.org/tipitaka/read/roman_read.php?B=27&A=563              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]