AtthaPali Vol.36

7. Mangalajatakam yassa mangala samuhatati idam sattha veluvane viharanto ekam satakalakkhanabrahmanam arabbha kathesi. Rajagahavasiko kireko brahmano kotuhalamangaliko tisu ratanesu appasanno micchaditthi addho mahaddhano mahabhogo. Tassa samugge thapitam satakayugalam musika khadi. Athassa sisam nhayitva satake aharathati vuttakale musikaya khaditabhavam arocayimsu. So cintesi sace idam musikadattham satakayugalam imasmim gehe bhavissati mahavinaso bhavissati idam hi avamangalam kalakannisadisam puttadhitanam va dasakammakaradinam va na sakka datum yo hi imam ganhissati sabbassa mahavinaso bhavissati amakasusane tam chaddapessami na kho pana sakka dasadinam hatthe datum te hi ettha lobham uppadetva idam gahetva vinasam papuneyyum puttassa tam hatthe dassamiti. So puttam pakkosapetva tamattham arocetva tvampi nam tata hatthena aphusitva dandakena gahetva amakasusane chaddetva sisam nhayitva ehiti pesesi. Satthapi kho tam divasam paccusasamaye veneyyabandhave olokento imesam pitaputtanam sotapattiphalassa upanissayam disva migavithim gahetva migaluddako viya gantva amakasusanadvare atthasi Chabbannabuddharamsiyo vissajjento. Manavopi pitu vacanam sampaticchitva gharasappam viya tam satakayugam yatthikotiya gahetva amakasusanadvaram papuni. Atha nam sattha kim karosi manavati aha. Bho gotama imam satakayugam musikadattham kalakannisadisam halahalavisupamam mama pita anno etam chaddento lobham uppadetva ganheyyati bhayena mam pahini ahameva tam chaddetva sisam nhayitva gamissamiti agatomhi bho gotamati. Tenahi chaddehiti. Manavo chaddesi. Sattha amhakamdani vattatiti tassa sammukhava ganhi. Avamangalam bho gotama etam kalakannisadisam ma ganha ma ganhati tasmim varayamaneyeva nam gahetva veluvanabhimukho payasi. Manavo vegena gantva pitu arocesi tata maya amakasusane chadditam satakayugam samano gotamo amhakam vattatiti maya variyamanopi gahetva veluvanam gatoti. Brahmano cintesi tam satakayugam avamangalam kalakannisadisam tam valanjanto samanopi gotamo nassissati viharopi nassissati tato amhakam garaha bhavissati samanassa gotamassa anne bahu sakate datva tam chaddapessamiti. So bahu satake gahapatvea puttena saddhim veluvanam gantva sattharam vanditva ekamantam thito evamaha saccam kira te bho gotama amakasusane satakayugam gahitanti. Saccam brahmanati. Bho gotama tam satakayugam avamangalam tumhe tam paribhunjamana nassissatha sakalaviharopi nassissati sace vo Nivasanam va parupanam va nappahoti ime satake gahetva tam chaddapethati. Atha nam sattha mayam brahmana pabbajita nama amhakam amakasusane antaravithiyam sankaratthane nhanatitthe mahamaggeti evarupesu thanesu chaddita va patita va pilotika vattati tvam pana na idaneva evamladdhiko pubbepi evamladdhikoyevati vatva tena yacito atitam ahari. Atite magadharatthe rajagahanagare dhammiko magadharaja rajjam karesi. Tada bodhisatto ekasmim udiccabrahmanakule nibbattitva vinnutam patto isipabbajjam pabbajitva abhinna ca samapattiyo ca nibbattetva himavante vasamano ekasmim kale himavantato nikkhamitva rajagahanagare rajuyyanam patva tattha vasitva dutiyadivase bhikkhacaratthaya nagaram pavisi. Raja tam disva pakkosapetva pasade nisidapetva bhojetva uyyaneyeva vasanatthaya patinnam ganhi. Bodhisatto ranno nivesane bhunjitva uyyane vasati. Tasmim kale rajagahanagare dussalakkhanabrahmano nama ahosi. Tassa samugge thapitam satakayuganti sabbam purimasadisameva. Manave pana susanam gacchante bodhisatto pathamataram gantva susanadvare nisiditva tena tam chadditam satakayugam gahetva uyyanam agamasi. Manavo gantva pitu arocesi. Pita rajakulupako tapaso nasseyyati bodhisattassa santikam gantva tapasa taya gahitasatake chaddehi ma nassati aha. Tapaso amhakam Susane chadditapilotika vattati na mayam kotuhalamangalika kotuhalamangalannametam na buddhapaccekabuddhabodhisattehi vannitam tasma panditena kotuhalamangalikena na bhavitabbanti brahmanassa dhammam desesi. Brahmano dhammam sutva ditthim bhinditva bodhisattam saranam gato. Bodhisattopi aparihinajjhano brahmalokaparayano ahosi. Satthapi imam atitam aharitva abhisambuddho hutva brahmanassa dhammam desento imam gathamaha yassa mangala samuhata uppata supina ca lakkhana ca so mangaladosavitivatto yugayogadhigato na jatumetiti. Tattha yassa mangala samuhatati yassa arahato khinasavassa ditthamangalam sutamangalam mutamangalanti ete mangala samucchinna. Uppata supina ca lakkhana cati evarupo candaggaho bhavissati evarupo suriyaggaho bhavissati evarupo nakkhattaggaho bhavissati evarupo ukkapato bhavissati evarupo disadaho bhavissatiti ime panca mahauppata nanappakara ca supinapi subhagalakkhanam dubbhagalakkhanam itthilakkhanam purisalakkhanam dasalakkhanam dasilakkhanam asilakkhanam usulakkhanam avudhalakkhanam vatthalakkhananti evamadikani lakkhanani ime ca ditthitthana yassa samuhata na etehi uppatadihi attano mangalam va avamangalam va pacceti. So Mangaladosavitivattoti so khinasavo sabbamangaladose vitivatto atikkanto pajahitva thito. Yugayogadhigato na jatumetiti kodho ca upanaho ca makkho ca palaso cati adina nayena dve dve ekato agatakkilesa yuga nama. Kamayogo bhavayogo ditthiyogo avijjayogoti ime samsare yojanabhavato cattaro yoga nama. Te yuge ca yoge cati yugayoge adhigato abhibhavitva gato vitivatto samatikkanto khinasavo bhikkhu. Na jatumetiti puna patisandhivasena ekamseneva imam lokam na eti nagacchati. Evam sattha imaya gathaya brahmanassa dhammam desetva puna saccani pakasesi. Saccapariyosane brahmano saddhim puttena sotapattiphale patitthahi. Sattha jatakam samodhanesi tada eteva pitaputta ahesum tapaso pana ahamevati. Mangalajatakam sattamam. --------

The Pali Atthakatha in Roman Book 36 page 203-207. http://84000.org/tipitaka/atthapali/read_rm.php?B=36&A=4094&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=4094&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=87 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=574 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=568 The Pali Tipitaka in Roman Character :- http://84000.org/tipitaka/read/roman_read.php?B=27&A=568 Contents of The Tipitaka Volume 27 http://84000.org/tipitaka/read/?index_27