ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 36 : PALI ROMAN Ja.A.2 ekanipat (2)

                      5. Rohinijatakam
     seyyo amittoti idam sattha jetavane viharanto ekam
anathapindikasetthino dasim arabbha kathesi.
     Anathapindikassa kira eka rohini nama dasi ahosi.
Tassa vihippaharanatthane agantva mahallika mata nipajji. Tam
makkhika samparivaretva suciya vijjhiyamana viya khadanti. Sa
dhitaram aha amma makkhika mam khadanti eta varehiti. Sa
varessami ammati musalam ukkhipitva matu sarire makkhika
maretva vinasam papessamiti mataram musalena paharitva jivitakkhayam
papesi. Tam disva mata me matati roditum arabhi. Tam
pavuttim setthissa arocesum. Setthi tassa sarirakiccam karetva
viharam gantva sabbam pavuttim satthu arocesi. Sattha na kho
gahapati esa matu sarire makkhika maressamiti idaneva musalena
paharitva mataram maresi pubbepi maresiyevati vatva tena yacito
atitam ahari.
     Atite baranasiyam brahmadatte rajjam karente bodhisatto
setthikule nibbattitva pitu accayena setthitthanam sampapuni.
Tassapi eka rohiniyeva nama dasi ahosi. Sapi attano
vihippaharanatthanam agantva nipannam mataram makkhika me amma
varehiti vutta evameva musalena paharitva mataram jivitakkhayam
Papetva roditum arabhi. Bodhisatto tam pavuttim sutva amittopi
hi imasmim loke panditova seyyoti cintetva imam gathamaha
     seyyo amitto medhavi       yance balanukampako
     passa rohinikam jammim           mataram hantvana socatiti.
     Tattha medhaviti pandito nani vibhavi. Yance
balanukampakoti ettha yanti lingavipallaso kato. Ceti namatthe
nipato. Yo nama balo anukampako tato satagunena
sahassagunena pandito amitto hontopi seyyoyevati attho. Athava.
Yanti patisedhatthe nipato . No ce  balanukampakoti attho.
Jamminti lamikam dandham. Mataram hantvana socatiti makkhikam
maressamiti mataram hantva idani ayam bala sayameva rodati
paridevati. Imina karanena imasmim loke amittopi panditova
seyyo hotiti. Bodhisatto panditam pasamsanto imaya gathaya
dhammam desesi.
     Sattha na kho gahapati esa idaneva makkhika maressamiti
mataram ghatesi pubbepi ghatesiyevati imam dhammadesanam aharitva
anusandhim ghatetva jatakam samodhanesi tada matayeva mata
ahosi dhitayeva ca dhita mahasetthi pana ahameva ahositi.
                    Rohinijatakam pancamam.
                   ----------------



             The Pali Atthakatha in Roman Book 36 page 21-22. http://84000.org/tipitaka/atthapali/read_rm.php?B=36&A=412&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=412&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=45              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=300              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=298              The Pali Tipitaka in Roman Character :- http://84000.org/tipitaka/read/roman_read.php?B=27&A=298              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]