AtthaPali Vol.36

10. Littavaggavannana --------- 1. Littajatakam littam paramena tejasati idam sattha jetavane viharanto apaccavekkhitaparibhogam arabbha kathesi. Tasmim kira kale bhikkhu civaradini labhitva yebhuyyena apaccavekkhitva paribhunjanti. Te cattaro paccaye apaccavekkhitva paribhunjamana yebhuyyena nirayatiracchanayonito na muccanti. Sattha tam karanam natva bhikkhunam anekapariyayena dhammakatham kathetva apaccavekkhitaparibhoge adinavam kathetva bhikkhave bhikkhuna nama cattaro paccaye labhitva apaccavekkhitva paribhunjitum na vattati tasma ito patthaya paccavekkhitva paribhunjeyyathati paccavekkhanavidhim dassento idha pana bhikkhave bhikkhu patisankha yoniso civaram patisevati .pe. Hirikopinappaticchadanatthayati adina nayena tantim thapetva bhikkhave cattaro paccaye evam paccavekkhitva paribhunjitum vattati apaccavekkhitva paribhogo nama mahahalahalavisaparibhogasadiso poranaka hi apaccavekkhitva dosam ajanitva visam paribhunjitva vipakante mahadukkham anubhavimsuti vatva atitam ahari. Atite baranasiyam brahmadatte rajjam karente bodhisatto Annatarasmim mahabhogakule nibbattitva vayappatto akkhadhutto ahosi. Athaparo kutakkhadhutto bodhisattena saddhim kilanto attano jaye vattamane kelimandalam na bhindati parajayakale pana akkham mukhe pakkhipitva akkho natthoti kelimandalam bhinditva pakkami. Bodhisatto tassa karanam natva hotu janissamettha patirupanti akkhe adaya attano ghare halahalavisena ranjitva punappunam sukkhapetva te adaya tassa santikam gantva ehi samma akkhehi kilamati aha. So sadhu sammati kelimandalam sajjitva tena saddhim kilanto attano parajayakale ekam akkham mukhe pakkhipi. Atha nam bodhisatto tathakarontam disva gilahi tava paccha idannametanti janissasiti codetum imam gathamaha littam paramena tejasa gilamakkham puriso na bujjhati gila re gila papadhuttaka paccha te katukam bhavissatiti. Tattha littanti makkhitam ranjitam. Paramena tejasati uttamena tejasampannena halahalavisena. Gilanti gilanto. Akkhanti gulakam. Na bujjhatiti ayam me gilato idam nama karissatiti na janati. Gila reti gilahi are. Gilati punapi codento vadati. Paccha te katukam bhavissatiti imasmim te akkhe galite paccha etam visam tikhinam bhavissatiti attho. So bodhisattassa kathentasseva visavegena mucchito akkhini parivattetva khandham nametva pati. Bodhisatto idanissapi jivitadanam datum vattatiti osadhaparibhavitam vamanayogam datva vametva sappiphanitamadhusakkharadayo tanca khadapetva arogam katva puna evarupam ma akasiti ovaditva danadini punnani katva yathakammam gato. Sattha imam dhammadesanam aharitva bhikkhave apaccavekkhitaparibhogo nama katavisaparibhogasadiso hotiti vatva jatakam samodhanesi tada panditadhutto ahameva ahosi. Kutadhutto panettha na kathiyati yatha cettha evam sabbattha yo pana imasmim kale na pannayati so na kathiyatevati. Littajatakam pathamam. ---------

The Pali Atthakatha in Roman Book 36 page 215-217. http://84000.org/tipitaka/atthapali/read_rm.php?B=36&A=4324&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=4324&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=91 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=604 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=597 The Pali Tipitaka in Roman Character :- http://84000.org/tipitaka/read/roman_read.php?B=27&A=597 Contents of The Tipitaka Volume 27 http://84000.org/tipitaka/read/?index_27