ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 36 : PALI ROMAN Ja.A.2 ekanipat (2)

                     9 Parosahassajatakam
     parosahassampi samagatananti idam sattha jetavane viharanto
puthujjanapancakapanham arabbha kathesi.
     Vatthu sarabhangajatake avibhavissati. Ekasmim pana samaye
bhikkhu dhammasabhayam sannipatitva avuso dasabalena sankhittena kathitam
dhammasenapati sariputto vittharena byakasiti therassa gunam
kathayamana nisidimsu. Sattha agantva kaya nuttha bhikkhave
etarahi kathaya sannisinnati pucchitva imaya namati vutte na
bhikkhave sariputto idaneva maya sankhittena bhasitam vittharena
byakaroti pubbepi byakarosiyevati vatva atitam ahari.
     Atite baranasiyam brahmadatte rajjam karente bodhisatto
udiccabrahmanakule nibbattitva vayappatto takkasilayam
sabbasippani ugganhitva kame pahaya isipabbajjam  pabbajitva
pancabhinna attha samapattiyo nibbattetva himavante vihasi.
Parivarapissa panca tapasasatani ahesum. Athassa jetthantevasiko
Vassarattasamaye upaddham isiganam adaya lonambilasevanatthaya
manussapatham agamasi. Tada bodhisattassa kalakiriyasamayo jato.
Atha nam antevasika acariya kataro vo guno laddhoti adhigamam
pucchimsu. So natthi kinciti vatva abhassarabrahmaloke nibbatti.
Bodhisatta hi arupasamapattilabhino hutvapi abhabbatthanatta arupabhave
na nibbattanti. Antevasika acariyassa adhigamo natthiti alahane
sakkaram na karimsu. Jetthantevasiko agantva kaham acariyoti
pucchitva kalakatoti sutva api acariyam adhigamam pucchitthati
aha. Ama pucchimhati. Kim kathesiti. Natthi kinciti tena
vuttanti athassa amhehi sakkaro na katoti ahamsu.
Jetthantevasiko tumhe acariyassa vacanattham na janatha
akincannayatanasamapattilabhi acariyoti aha. Te tasmim punappunam
kathentepi na saddahimsu. Bodhisatto tam karanam natva andhabala mama
jetthantevasikassa na saddahanti imam tesam karanam pakatam karissamiti
brahmaloka agantva assamapadamatthake mahantena anubhavena
akase thatva jetthantevasikassa pannanubhavam vannento imam
gathamaha
              parosahassampi samagatanam
              kandeyyu te vassasatam apanna
              ekova seyyo puriso sapanno
              yo bhasitassa vijanati atthanti.
     Tattha parosahassampiti atirekasahassampi. Samagatananti
sannipatitanam bhasitassa attham janitum asakkontanam balanam.
Kandeyyu te vassasatam apannati te evam samagata appanna
ime bala tapasa viya vassasatampi vassasahassampi vassasatasahassampi
rodeyyum parideveyyum rodamanapi pana attham va karanam va neva
janeyyunti dipeti. Ekova seyyo puriso sapannoti evarupanam
balanam parosahassatopi eko panditapurisova seyyo varataroti
attho. Kidiso sappannoti. Yo bhasitassa vijanati attham
ayam jetthantevasiko viyati.
     Evam mahasatto akase thitova dhammam desetva tapasaganam
bujjhapetva brahmalokameva gato. Tepi tapasa jivitapariyosane
brahmalokaparayana ahesum.
     Sattha imam dhammadesanam aharitva jatakam samodhanesi tada
jetthantevasiko sariputto ahosi mahabrahma pana ahamevati.
                   Parosahassajatakam navamam.
                       --------



             The Pali Atthakatha in Roman Book 36 page 254-256. http://84000.org/tipitaka/atthapali/read_rm.php?B=36&A=5136&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=5136&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=99              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=649              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=645              The Pali Tipitaka in Roman Character :- http://84000.org/tipitaka/read/roman_read.php?B=27&A=645              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]