บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10 Asatarupajatakam asatam satarupenati idam sattha kundiyanagaram upanissaya kundadhanavane viharanto koliyarajadhitaram suppavasam upasikam arabbha kathesi. Sa hi tasmim samaye satta vassani kucchina gabbham pariharitva sattaham mulhagabbha ahosi. Adhimatta vedana pavattimsu. Sa evam adhimatta vedanabhitunnapi sammasambuddho vata so bhagava yo evarupassa dukkhassa pahanaya dhammam desesi supatipanno vatassa bhagavato savakasangho yo evarupassa dukkhassa pahanaya patipanno sukham vata nibbanam yattheva rupam dukkham natthiti imehi tihi vitakkehi dukkham adhivasesi. Sa samikam pakkosapetva tanca attano pavuttim vandanasasananca arocetum satthu santikam pesesi. Sattha vandanasasanam sutvava sukhini hotu suppavasa koliyadhita sukhini aroga arogam puttam vijayatuti aha. Saha vacanava pana bhagavato suppavasa koliyadhita sukhini aroga arogam puttam vijayi. Athassa samiko geham gantva tam vijatam disva acchariyam vata bhoti ativiya tathagatassanubhavoti acchariyabbhutacittajato ahosi. Suppavasapi puttam vijayitva sattaham buddhappamukhassa bhikkhusanghassa mahadanam datukama puna nimantanatthaya tam pesesi. Tena kho Pana samayena mahamoggallanassa upatthakena buddhappamukho bhikkhusangho nimantito hoti. Sattha suppavasaya danassa okasadanatthaya therassa santikam pesetva tam sannapetva sattaham tassa danam patiggahesi saddhim bhikkhusanghena. Sattame pana divase suppavasa puttam sivalikumaram mandetva sattharanca bhikkhusanghanca vandapesi. Tasmim patipatiya sariputtattherassa santikam nite thero tena saddhim kacci te sivali khamaniyanti patisantharam akasi. So kuto me bhante sukham svaham satta vassani lohakumbhiyam vasinti therena saddhim evarupam katham kathesi. Suppavasa tassa vacanam sutva sattaham jato mama putto anubuddhena dhammasenapatina saddhim mantetiti somanassappatta ahosi. Sattha api nu suppavase annepi evarupe putte icchasiti aha. Sace bhante evarupe anne satta putte labheyyam iccheyyamevahanti. Sattha udanam udanetva anumodanam katva pakkami. Sivalikumaropi kho sattavassikakaleyeva sasane uram datva pabbajitva paripunnavasso upasampadam labhitva punnava labhaggayasaggappatto hutva pathavim unnadetva arahattam patva punnavantanam antare etadaggatthanam papuni. Athekadivasam bhikkhu dhammasabhayam sannipatitva avuso sivalitthero nama evarupo mahapunno patthitapatthano pacchimabhavikasatto satta vassani lohakumbhiyam vasi sattaham mulhagabbhabhavam apajji aho mata mahantam dukkham anubhavi te kinnu Kho kammamakamsuti katham samutthapesum. Sattha tattha gantva kaya nuttha bhikkhave etarahi kathaya sannisinnati pucchitva imaya namati vutte bhikkhave sivalino mahapunnavatova satta vassani lohakumbhiyam nivaso ca sattaham mulhagabbhabhavappatti ca attana katakammamulakava tassa suppavasayapi satta vassani kucchina gabbhapariharanadukkhanca sattaham mulhagabbhadukkhanca attana katakammamulakamevati vatva tehi yacito atitam ahari. Atite baranasiyam brahmadatte rajjam karente bodhisatto tassa aggamahesiya kucchismim patisandhim ganhitva vayappatto takkasilayam sabbasippani ugganhitva pitu accayena dhammena rajjam karesi. Tasmim samaye kosalaraja mahantena balena agantva baranasim gahetva tam rajanam maretva tasseva aggamahesim attano aggamahesim akasi. Baranasiranno pana putto pitu maranakale niddhamanadvarena palayitva balam samharitva baranasim agantva avidure nisiditva tassa ranno pannam pesesi rajjam va detu yuddham vati. So yuddham dammiti patipannam pesesi. Rajakumarassa pana mata tam sasanam sutva yuddhena kammam natthi tassa satta divasani sancaram pacchinditva baranasinagaram parivaretu tato darudakabhattaparikkhayena kilantamanussam nagaram vinava yuddhena ganhissatiti pannam pesesi. So matu sasanam sutva satta divasani sancaram pacchinditva nagaram rundhi. Nagara sancaram Alabhamana sattame divase tassa ranno sisam gahetva kumarassa adamsu. Kumaro nagaram pavisitva rajjam gahetva ayuhapariyosane yathakammam gato. So etarahi satta divasani sancaram pacchinditva nagaram rundhitva gahitakammanissandena satta vassani lohakumbhiyam vasitva sattaham mulhagabbhabhavam apajjati yampana so padumuttarapadamule labhinam aggo bhaveyyanti mahadanam datva patthanam akasi yanca vipassibuddhakale nagarehi saddhim sahassagghanikam guladadhim datva patthanam akasi tassanubhavena labhinam aggo jato. Suppavasapi nagaram rundhitva ganha tatati pesitabhavena satta vassani kucchina gabbham pariharitva sattaham mulhagabbha jatati. Sattha imam atitam aharitva abhisambuddho hutva imam gathamaha asatam satarupena piyarupena appiyam dukkham sukhassa rupena pamattamativattatiti . Tattha asatam satarupenati amadhurameva madhurappatirupakena. Pamattamativattatiti asatam appiyam dukkhanti etam tividhampi etena satarupadina akarena sativippavasavasena pamattam puggalam ativattati abhibhavatiti attho. Idam bhagavata yanca te mataputta imina gabbhapariharanagabbhavasasankhatena asatadina pubbe nagararundhanasatadippatirupakena ajjhotthata yanca idani sa upasika punapi sattakkhattum evarupam asatam appiyam dukkham pemavatthubhutena Puttasankhatena satadippatirupakena ajjhotthata hutva tatha vacanam sabbampi sandhaya vuttanti veditabbam. Sattha imam dhammadesanam aharitva jatakam samodhanesi tada nagaram rundhitva rajjam pattakumaro sivali ahosi mata suppavasa pita pana baranasiraja ahamevati. Asatarupajatakam dasamam. Littavaggo dasamo. Majjhimapannasako nitthito. ---------- @Footnote: @*** hanranir m+mikhramula ***The Pali Atthakatha in Roman Book 36 page 257-262. http://84000.org/tipitaka/atthapali/read_rm.php?B=36&A=5188&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=5188&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=100 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=655 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=652 The Pali Tipitaka in Roman Character :- http://84000.org/tipitaka/read/roman_read.php?B=27&A=652 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]