AtthaPali Vol.36

2 Pannikajatakam yo dukkhaphutthaya bhaveyya tananti idam sattha jetavane viharanto ekam pannikam upasakam arabbha kathesi. So kira savatthivasi upasako nanappakarani mulapannadini Ca lavukumbhandadini ca vikkinitva jivikam kappeti. Tasseka dhita abhirupa pasadika acarasilasampanna hirottappasamannagata kevalam niccappahamsitamukha. Tassa samanakulesu vareyyatthaya agatesu so cintesi imissa vareyyam vattati ayanca niccappahamsitamukha kumarikadhamme pana asati kumarikaya parakulam gataya matapitunam garaha hoti atthi nu kho imissa kumarikaya dhammo natthiti vimamsissami nanti. So ekadivasam dhitaram pacchim gahapetva aranne pannatthaya arannam gantva vimamsanavasena kilesasannissito viya hutva rahassam katham kathetva tam hatthe ganhi. Sa gahitamattava parodanti kandanti ayuttam etam tata udakato aggipatubhavasadisam ma evarupam karohiti aha. Amma maya vimamsanatthaya tvam hatthe gahita vadehi atthidani te kumarikadhammoti. Ama tata atthi maya hi lobhavasena koci puriso na olokitapubboti. So dhitaram assasetva mangalam katva parakulam pesetva sattharam vandissamiti gandhamaladihattho jetavanam gantva sattharam vanditva pujetva ekamantam nisidi. Cirassam agatositi vutte tamattham bhagavato arocesi. Sattha upasaka kumarika ciram patthaya acarasilasampannava tvam pana na imam idaneva evam vimamsasi pubbepi vimamsiyevati vatva tena yacito atitam ahari. Atite baranasiyam brahmadatte rajjam karente bodhisatto Aranne rukkhadevata hutva nibbatti. Atheko baranasiyam pannikaupasakoti vatthum paccuppannasadisameva. Tena pana sa vimamsanatthaya hatthe gahitamatta paridevamana imam gathamaha yo dukkhaphutthaya bhaveyya tanam so me pita dubbhi vane karoti sa kassa kandami vanassa majjhe yo tayita so sahasa karotiti. Tattha yo dukkhaphutthaya bhaveyya tananti kayikacetasikehi dukkhehi phutthaya tayita patittha bhaveyya. So me pita dubbhi vane karotiti so mayham dukkhaparittayako pita imasmim vane evarupam mittadubbhikammam karoti attano jataya dhitari vitikkamam katum mannatiti attho. Kassa kandamiti kassa rodami ko me patittha bhavissatiti dipeti. Yo tayita so sahasa karotiti yo mayham tayita rakkhita avassayo bhavitum arahati so pitayeva sahasikakammam karotiti attho. Atha nam pita assasetva amma rakkhitattasiti pucchitva ama tata rakkhito me attati. So tam gharam netva mandetva mangalam katva parakulam pesesi. Sattha imam dhammadesanam aharitva saccani pakasetva jatakam samodhanesi. Saccapariyosane upasako sotapattiphale patitthahi. Tada pita etarahi pitava dhita dhitava tam karanam paccakkhato dittharukkhadevata pana ahamevati. Pannikajatakam dutiyam. --------

The Pali Atthakatha in Roman Book 36 page 263-266. http://84000.org/tipitaka/atthapali/read_rm.php?B=36&A=5296&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=5296&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=102 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=677 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=674 The Pali Tipitaka in Roman Character :- http://84000.org/tipitaka/read/roman_read.php?B=27&A=674 Contents of The Tipitaka Volume 27 http://84000.org/tipitaka/read/?index_27