AtthaPali Vol.36

3 Verijatakam yattha veri nivisatiti idam sattha jetavane viharanto anathapindikam arabbha kathesi. Anathapindiko kira bhogagamakam gantva agacchanto antaramagge core disva antaramagge vasitum na yuttam savatthimeva gamissamiti vegena gone pajetva savatthimeva agantva punadivase viharam gato satthu etamattham arocesi. Sattha pubbepi gahapati pandita antaramagge core disva antaramagge avilambamana attano vasanatthanameva gamimsuti vatva tena yacito atitam ahari. Atite baranasiyam brahmadatte rajjam karente bodhisatto mahavibhavo setthi hutva ekam gamakanimantanam bhunjanatthaya gantva paccagacchanto antaramagge core disva antaramagge avasitvava vegena gone pajento attano gehameva agantva nanaggarasehi paribhunjitva mahasayane nisinno coranam hatthato muccitva nibbhayatthanam attano geham agatomhiti udanavasena imam gathamaha Yattha veri nivisati na vase tattha pandito ekarattim dvirattim va dukkham vasati verisuti. Tattha veriti veracetanasamangipuggalo. Nivisatiti patitthati. Na vase tattha panditoti so veripuggalo yasmim thane patitthito hutva vasati tattha pandito pandiccena samannagato na vaseyya. Kimkarana. Ekarattim dvirattim va dukkham vasati verisuti verinanhi antare vasanto ekahampi dvihampi dukkhameva vasatiti attho. Evam bodhisatto udanam udanetva danadini punnani katva yathakammam gato. Sattha imam dhammadesanam aharitva jatakam samodhanesi tada ahameva baranasisetthi ahosinti. Verijatakam tatiyam. ---------

The Pali Atthakatha in Roman Book 36 page 266-267. http://84000.org/tipitaka/atthapali/read_rm.php?B=36&A=5345&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=5345&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=103 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=683 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=681 The Pali Tipitaka in Roman Character :- http://84000.org/tipitaka/read/roman_read.php?B=27&A=681 Contents of The Tipitaka Volume 27 http://84000.org/tipitaka/read/?index_27