AtthaPali Vol.36

7 Salittakajatakam sadhu kho sippakannamati idam sattha jetavane viharanto ekam hamsappaharanakam bhikkhum arabbha kathesi. So kireko savatthivasikulaputto salittakasippe nipphattim patto. Salittakasippanti sakkharakhipanasippam vuccati. So ekadivasam dhammam sutva sasane uram datva pabbajitva upasampadam labhi Na pana sikkhakamo na patipattisadhako ahosi. So ekadivasam ekam daharabhikkhum adaya aciravatim gantva nhayitva naditire atthasi. Tasmim samaye dve setahamsa akasena gacchanti. So tam daharam aha imam pacchimahamsam sakkharaya akkhimhi paharitva padamule te patemiti. Itaro katham patessasi na sakkhissasi paharitunti aha. Itaro titthatu tavassa orato akkhim parato akkhimhi tam paharamiti. Idani pana asantam kathesiti. Tenahi upadharehiti ekam tikhinasakkharam gahetva anguliya parivattetva tassa hamsassa pacchato khipi. Sa ruhunti saddamakasi. Hamso parissayena bhavitabbanti nivattetva saddam sotum arabhi. Itaro tasmim khane ekam vattasakkharam gahetva tassa nivattetva olokentassa aparabhage akkhim pahari. Sakkhara itarampi akkhim vinivijjhitva gata. Hamso maharavam ravanto padamuleyeva pati. Tato tato bhikkhu agantva garahitva ananucchavikam te katanti satthu santikam netva bhante imina idannama katanti tamattham arocesum. Sattha tam bhikkhum garahitva na bhikkhave idaneva esa tasmim sippe kusalo pubbepi kusaloyeva ahositi vatva atitam ahari. Atite baranasiyam brahmadatte rajjam karente bodhisatto tassa amacco ahosi. Tasmim kale ranno purohito atimukharo hoti bahubhani. Tasmim kathetum araddhe anne okasameva na labhanti. Rajapi cintesi kada nu kho etassa vacanapacchedakam Kanci labhissamiti. So tato patthaya tatharupam ekam upadharento vicarati. Tasmim kale baranasiyam eko pithasappi sakkharakhipanasippe nipphattim patto. Gamadaraka nam rathakam aropetva akaddhamana baranasinagaradvaramule eko vitapasampanno mahanigrodho atthi tattha anetva samparivaretva kakanikadini datva hatthirupakam kara assarupakam karati vadanti. So sakkhara khipitva nigrodhapannesu nanarupani dasseti. Sabbani pannani chiddavacchiddaneva ahesum. Atha baranasiraja uyyanam gacchanto tam thanam papuni . Ussaranabhayena sabbe daraka palayimsu. Pithasappi tattheva nipajji. Raja nigrodhamulam patva ratheva nisinno pattanam chiddataya chayam kabarakabaram disva olokento sabbesam pattanam chiddabhavam disva kenetani evam kataniti pucchi. Pithasappina devati. Raja imam nissaya brahmanassa vacanapacchedam katum sakka bhavissatiti cintetva kaham bhane pithasappiti pucchi. Vicinanta nam mulantare nipannam disva ayam devati aharimsu. Raja tam pakkosapetva parisam ussaretva pucchi amhakam santike eko mukharabrahmano atthi sakkhissasi tam nissaddam katunti. Nalimatta ajalandika labhanto sakkhissami devati. Raja pithasappim gharam netva antosaniyam nisidapetva saniya chiddam karetva brahmanassa chiddabhimukham asanam pannapetva nalimatta sukkha ajalandika pithasappissa santike thapapetva brahmanam Upatthanakale agatam tasmim asane nisidapetva katham samutthapesi. Brahmano annesam okasam adatva ranna saddhim kathetum arabhi. Athassa so pithasappi sanicchiddena ekekam ajalandikam pacchiyam pavesento viya talutalamhiyeva pateti. Brahmano agatagatam naliyam telam pavesento viya gilati. Sabba parikkhayam gamimsu. Tassa ta nalimatta ajalandika kucchim pavittha addhalhakamatta ahesum. Raja tasam parikkhinabhavam natva aha acariya tumhehi atimukharataya nalimatta ajalandika gilita kinci na janittha itodani uttarim jirapetum na sakkhissatha gacchatha piyangudakam pivitva chaddetva attanam arogam karothati. Brahmano tato patthaya pihitamukho viya hutva kathentenapi saddhim akathanasilo ahosi. Raja imina me kannasukham katanti pithasappissa satasahassutthanake catusu disasu cattaro game adasi. Bodhisatto rajanam upasankamitva deva sippam nama loke panditehi ugganhitabbam pithasappina salittakamattenapi ayam sampatti laddhati vatva imam gathamaha sadhu kho sippakannama api yadisakidisam passa khanjappaharena laddha gama catuddisati. Tattha passa khanjappaharenati passa maharaja imina khanjapithasappina ajalandikapaharena catuddisa cattaro gama laddha annesam sippanam ko anisamsaparicchedoti sippassa gunam kathesi. Sattha imam dhammadesanam aharitva jatakam samodhanesi tada pithasappi ayam bhikkhu ahosi raja anando panditamacco pana ahamevati. Salittakajatakam sattamam. ----------

The Pali Atthakatha in Roman Book 36 page 273-277. http://84000.org/tipitaka/atthapali/read_rm.php?B=36&A=5495&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=5495&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=107 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=704 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=702 The Pali Tipitaka in Roman Character :- http://84000.org/tipitaka/read/roman_read.php?B=27&A=702 Contents of The Tipitaka Volume 27 http://84000.org/tipitaka/read/?index_27