AtthaPali Vol.36

9 Kundakapuvajatakam yathanno puriso hotiti idam sattha savatthiyam viharanto mahaduggatam arabbha kathesi. Savatthiyam hi kadaci ekameva kulam buddhappamukhassa bhikkhusanghassa danam deti kadaci tini cattari ekato hutva kadaci ganabandhena kadaci vithisabhagena kadaci sakalanagaram chandakam samharitva. Tada pana vithibhattam nama ahosi. Atha manussa buddhappamukhassa bhikkhusanghassa yagum datva khajjakam aharathati ahamsu. Tada paneko paresam bhatikarako duggatamanusso tattha vithiyam vasamano cintesi aham yagum datum na sakkhissami khajjakampi dassamiti sanham kundakam maddapetva udakena temetva akkapannena vethetva kukkule pacitva idam buddhassa dassamiti tam adaya Gantva satthu santike thito khajjakam aharathati ekasmim vacane vuttamatte sabbappathamam gantva tam puvam satthu patte patitthapetva atthasi. Sattha annehi diyamanam khajjakam agahetva tameva puvakhajjakam paribhunji. Tasmimyeva khane sammasambuddhena kira mahaduggatassa kundakakhajjakam ajigucchitva amatam viya paribhuttanti sakalanagaram ekakolahalamahosi. Rajarajamahamattadayo antamaso dovarike upadaya sabbeva sannipatitva sattharam vanditva mahaduggatam upasankamitva handa bho satam gahetva dve satani gahetva panca satani gahetva amhakam pattim dehiti vadimsu. So sattharam patipucchitva janissamiti satthu santikam gantva tamattham arocesi. Sattha dhanam gahetva sabbasattanam pattim dehiti aha. So dhanam gahetum arabhi. Manussa digunacatuggunaatthagunadivasena dadanta nava hirannakotiyo adamsu. Sattha anumodanam katva viharam gantva bhikkhuhi vatte dassite sugatovadam datva gandhakutim pavisi. Raja sayanhasamaye mahaduggatam pakkosapetva setthitthanena pujesi. Bhikkhu dhammasabhayam katham samutthapesum avuso sattha mahaduggatena dinnam kundakapuvam ajigucchanto amatam viya paribhunji mahaduggatopi bahudhananca setthitthananca labhitva mahasampattim pattoti. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idaneva maya Ajigucchantena tassa kundakapuvo paribhutto pubbe rukkhadevatayapi hutva paribhuttoyeva tadapi cesa mam nissaya setthitthanam alatthevati vatva atitam ahari. Atite baranasiyam brahmadatte rajjam karente bodhisatto ekasmim erandarukkhe devata hutva nibbatti. Tada tasmim gamake manussa rukkhadevatamangalika honti. Athekasmim chane sampatte manussa attano rukkhadevatanam balikammam akamsu. Atheko duggatamanusso te manusse rukkhadevata patijaggante disva ekam erandarukkham patijaggati. Manussa attano devatanam nanappakarani malagandhavilepanani ceva khajjabhojjadini ca adaya gacchimsu. So pana kundakapuvanceva ulunkena ca udakam adaya gantva erandarukkhassa avidure thatva cintesi devata nama dibbakhajjakani khadanti mayham devata imam kundakapuvam na khadissati kim imina karanena nasemi ahameva nam khadissamiti tatova nivatti. Bodhisatto khandhavitape thatva bho purisa sace tvam issaro bhaveyyasi mayham madhurakhajjakam dadeyyasi tvam pana duggato aham tava puvam na khaditva annam kim khadissami ma me kotthasam nasehiti vatva imam gathamaha yathanno puriso hoti tathanna tassa devata aharetam kundapuvam ma me bhagam vinasayati. Tattha yathannoti yathanurupabhojano. Tathannati tassa purisassa devatapi tatharupabhojanava hoti. Aharetam kundapuvanti etam kundakena katapuvam anehi mayham bhagam ma vinasehiti. So nivattitva bodhisattam oloketva balikammamakasi. Bodhisatto tato ojam paribhunjitva purisa tvam kimattham mam patijaggasiti aha. Duggatomhi sami tam nissaya duggatabhavato muccitukamataya patijaggamiti. Ambho purisa ma cintayi taya katannussa katavedino puja kata imam erandarukkham parikkhipitva nidhikumbhiyo givaya givam ahacca thita tvam ranno acikkhitva sakatehi dhanam aharitva rajangane rasim karohi raja te tussitva setthitthanam dassatiti vatva bodhisatto antaradhayi. So tatha akasi. Rajapissa setthitthanam adasi. Iti so bodhisattam nissaya mahasampattim patva yathakammam gato. Sattha imam dhammadesanam aharitva jatakam samodhanesi tada duggato etarahi duggato ahosi erandarukkhadevata pana ahamevati. Kundakapuvajatakam navamam. -----------

The Pali Atthakatha in Roman Book 36 page 279-282. http://84000.org/tipitaka/atthapali/read_rm.php?B=36&A=5613&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=5613&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=109 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=716 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=712 The Pali Tipitaka in Roman Character :- http://84000.org/tipitaka/read/roman_read.php?B=27&A=712 Contents of The Tipitaka Volume 27 http://84000.org/tipitaka/read/?index_27