บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4 Mitacintijatakam bahucinti appacinti cati idam sattha jetavane viharanto dve mahallakatthere arabbha kathesi. Te kira janapade ekasmim arannavase vassam vasitva satthu dassanatthaya gacchissamati patheyyam sajjetva ajja gacchama sve gacchamati masam atikkamitva puna patheyyam sajjetva tatheva masam puna masanti evam attano kusitabhavena ceva nivasanatthane ca sapekkhaya tayo mase atikkamitva tato nikkhamma jetavanam gantva sabhagatthane pattacivaram patisametva sattharam passimsu. Atha nam bhikkhu pucchimsu suciram vo avuso buddhupatthanam akarontanam kasma evam cirayitthati. Te etamattham arocesum. Atha nesam so alasiyakusitabhavo sanghe pakato jato. Dhammasabhayampi nesam bhikkhu tameva alasiyabhavam nissaya katham samutthapesum. Sattha agantva kaya nuttha bhikkhave etarahi kathaya sannisinnati Pucchitva imaya namati vutte te pakkosapetva saccam kira tumhe bhikkhave alasa kusitati pucchitva saccam bhanteti vutte na bhikkhave idaneva te alasa pubbepi alasa ceva nivasanatthane ca salaya sapekkhati vatva atitam ahari. Atite baranasiyam brahmadatte rajjam karente baranasiyam tayo maccha ahesum. Bahucinti appacinti mitacintiti tesam namani. Te arannato manussapatham agamimsu. Tattha mitacanti itare dve evamaha ayam manussapatho nama sasanko sappatibhayo kevatta nanappakarani jalakuminadini khipitva macche ganhanti mayam arannameva gacchamati. Itare dve jana alasataya ceva amisagiddhataya ca ajja gacchama sve gacchamati tayo mase atikkamesum. Atha kevatta nadiyam jale khipimsu. Bahucinti appacinti ca gocaram ganhanta purato gacchanti te attano balataya jalagandham asallakkhetva jalakucchimeva pavisimsu. Mitacinti pacchato agacchanto jalagandham sallakkhetva tesanca jalakucchismim pavitthabhavam natva imesam kusitanam andhabalanam jivitadanam dassamiti cintetva bahipassena jalakucchitthanam gantva jalakucchim phaletva nikkhantasadiso hutva udakam alolento jalassa purato patitva puna jalakucchim pavisitva pacchimabhagena phaletva nikkhantasadiso udakam alolento pacchimabhage pati. Kevatta maccha jalam phaletva gatati Mannamana jalakotiyam gahetva ukkhipimsu. Te dvepi maccha jalato muccitva udake patimsu. Iti tehi mitacintim nissaya jivitam laddham. Sattha imam atitam aharitva abhisambuddho hutva imam gathamaha bahucinti appacinti ca ubho jale abajjhare mitacinti amocesi ubho tattha samagatati. Tattha bahucintiti bahucintanaya vitakkabahulataya evamladdhanamo. Itaresupi dvisu ayameva nayo. Ubho tattha samagatati mitacintim nissaya laddhajivita tattha udakesu puna ubhopi jana mitacintina saddhim samagatati attho. Evam sattha imam dhammadesanam aharitva saccani pakasetva jatakam samodhanesi. Saccapariyosane mahallakabhikkhu sotapattiphale patitthahimsu. Tada bahucinti appacinti ca ime dve bhikkhu ahesum mitacinti pana ahamevati. Mitacintijatakam catuttham. -------The Pali Atthakatha in Roman Book 36 page 288-290. http://84000.org/tipitaka/atthapali/read_rm.php?B=36&A=5756&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=5756&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=114 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=755 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=753 The Pali Tipitaka in Roman Character :- http://84000.org/tipitaka/read/roman_read.php?B=27&A=753 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]