AtthaPali Vol.36

5 Anusasikajatakam yayannamanusasatiti idam sattha jetavane viharanto ekam anusasikabhikkhunim arabbha kathesi. Sa kira savatthivasini eka kuladhita pabbajitva upasampannakalato patthaya samanadhamme ananuyutta amisagiddha hutva yattha anna bhikkhuniyo na gacchanti tadise nagarassa ekadese pindaya carati. Athassa manussa panitapindapatam denti. Sa rasatanhaya bajjhitva sace imasmim padese anna bhikkhuniyo pindaya carissanti mayham labho parihayissati yatha etam padesam anna nagacchanti evam maya katum vattatiti cintetva bhikkhuniupassayam gantva ayye asukatthane cando hatthi cando asso cando kukkuro carati saparissayatthanam ma tattha pindaya caritthati bhikkhuniyo anusasati. Tassa sutva eka bhikkhunipi tam padesam givam parivattetva na olokesi. Tassa ekasmim divase pindaya carantiya vegenekam geham pavisantiya cando mendako paharitva urutthikam bhindi. Manussa vegena upadhavitva dvidha bhinnam urutthikam ekato bandhitva tam bhikkhunim mancenadaya bhikkhuniupassayam nayimsu. Bhikkhuniyo ayam anna bhikkhuniyo anusasitva sayam tasmim padese caranti urum bhindapetva agatati parihasam akamsu. Tampi taya katakaranam nacirasseva bhikkhusanghe pakatam Ahosi. Athekadivasam dhammasabhayam bhikkhu avuso anusasikabhikkhuni anna anusasitva sayam tasmim padese caramana candena mendakena urum bhindapesiti tassa agunakatham kathesum. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepesa anne anusasatiyeva sayampana na vattati niccakalam dukkhameva anubhavatiti vatva atitam ahari. Atite baranasiyam brahmadatte rajjam karente bodhisatto arannasakunayoniyam nibbattitva vayappatto sakunajetthako hutva anekasakunasataparivaro himavantam pavisi. Tassa tattha vasanakale eka candalasakunika mahavattanimaggam gantva gocaram ganhati. Sa tattha sakatehi patitani vihimuggavijadini labhitva yatha idani imam padesam anne sakuna nagacchanti tatha karissamiti cintetva sakunasanghassa ovadam deti vattanimahamaggo nama sappatibhayo hatthiassadayo ceva candagonayuttayanani ca sancaranti sahasa uppatitum na sakka hoti na tattha gantabbanti. Sakunasangho tassa anusasikatveva namam akasi. Sa ekadivasam vattanimahamagge caranti atimahavegena agacchantassa yanassa saddam sutva nivattitva oloketva dure tavati caratiyeva. Atha nam yanam vatavegena sighameva sampapuni. Sa utthatum nasakkhi. Cakkam bhinditva gatam. Sakunajetthako sakune samanento tam Adisva anusasika na dissati upadharetha nanti aha. Sakuna upadharenta tam mahamagge dvedha bhinnam disva sakunajetthakassa arocesum. Sakunajetthako sa anna sakunika nivaretva sayam tattha caramana dvidha bhinnati vatva imam gathamaha yayannamanusasati sayam loluppacarini sayam vipakkhika seti hata cakkena salikati. Tattha yayannamanusasatiti yakaro padasandhikaro ya annamanusasatiti attho. Sayam lolupcariniti attano loluppacarini samana. Sayam vipakkhika setiti sa esa vigatapakkha hutva mahamagge sayati. Hata cakkena salikati yanacakkena hata salika sakunikati. Sattha imam dhammadesanam aharitva jatakam samodhanesi tada anusasika sakunika anusasika bhikkhuni ahosi sakunajetthako pana ahamevati. Anusasikajatakam pancamam. --------

The Pali Atthakatha in Roman Book 36 page 291-293. http://84000.org/tipitaka/atthapali/read_rm.php?B=36&A=5806&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=5806&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=115 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=761 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=758 The Pali Tipitaka in Roman Character :- http://84000.org/tipitaka/read/roman_read.php?B=27&A=758 Contents of The Tipitaka Volume 27 http://84000.org/tipitaka/read/?index_27