AtthaPali Vol.36

9 Akalaravijatakam amatapitusamvaddhoti idam sattha jetavane viharanto ekam akalaravim bhikkhum arabbha kathesi. So kira savatthivasikulaputto sasane pabbajitva vattam va sikkham va na ugganhi. So imasmim kale maya vattam katabbam imasmim kale upatthatabbam imasmim kale uggahetabbam imasmim kale sajjhayitabbanti na janati pathamayamepi majjhimayamepi pacchimayamepi pabuddhakkhaneyeva mahasaddam karoti. Bhikkhu niddam na labhanti. Dhammasabhayam bhikkhu avuso asukabhikkhu evarupe ratanasasane pabbajitva vattam va sikkham va kalam va akalam na janatiti tassa agunam kathesum. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idanevesa akalaravi pubbepi akalaraviyeva kalakalam ajananabhavena ca givaya valitaya jivitakkhayam pattoti vatva atitam ahari. Atite baranasiyam brahmadatte rajjam karente bodhisatto Udiccabrahmanakule nibbattitva vayappatto sabbasippe param gantva baranasiyam disapamokkho acariyo hutva pancasate manave sippam vacesi. Tesam manavanam eko kalaravi kukkuto atthi. Te tassa vassitasaddena utthaya sippam sikkhanti. So kalamakasi. Te annam kukkutam pariyesanta caranti. Atheko manavako susanavane daruni uddharanto ekam kukkutam disva anetva panjare thapetva patijaggati. So susane vaddhitatta asukavelaya vassitabbanti ajananto kadaci atirattim vassati kadaci arunuggamane. Manava tassa atirattim vassitakale sippam sikkhanta yava arunuggamana sikkhitum asakkonta niddayamana gahitatthanampi na passanti atippabhate vassitakale sajjhayassa okasameva na labhanti. Manava atirattim va vassati atippabhate va imam nissaya amhakam sippam na nitthayissatiti tam gahetva givam vattetva jivitakkhayam papetva akalaravi kukkuto amhehi ghatitoti acariyassa kathesum. Acariyo ovadam agahetva samvaddhitabhavena maranam pattoti vatva imam gathamaha amatapitusamvaddho anacariyakule vasam nayam kalamakalam va abhijanati kukkutoti. Tattha amatapitusamvaddhoti matapitaro nissaya tesam ovadam agahetva samvaddho. Anacariyakule vasanti acariyakulepi avasamano acariyasikkhapakam kanci nissaya vasitattati attho. Kalamakalam Vati imasmim kale vassitabbam imasmim kale na vassitabbanti evam vassitabbayuttakam kalam akalam va esa kukkuto na janati ajananabhaveneva jivitakkhayam pattoti . Idam karanam dassetva bodhisatto yavatayukam thatva yathakammam gato. Sattha imam dhammadesanam aharitva jatakam samodhanesi tada akalaravi kukkuto ayam bhikkhu ahosi antevasika buddhaparisa acariyo pana ahamevati. Akalaravijatakam navamam. ---------

The Pali Atthakatha in Roman Book 36 page 302-304. http://84000.org/tipitaka/atthapali/read_rm.php?B=36&A=6031&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=6031&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=119 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=782 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=779 The Pali Tipitaka in Roman Character :- http://84000.org/tipitaka/read/roman_read.php?B=27&A=779 Contents of The Tipitaka Volume 27 http://84000.org/tipitaka/read/?index_27