AtthaPali Vol.36

5 Katahakajatakam bahumpi so vikattheyyati idam sattha jetavane viharanto ekam vikatthikam bhikkhum arabbha kathesi. Tassa vatthum hettha kathitasadisameva. Atite pana baranasiyam brahmadatte rajjam karente bodhisatto mahavibhavo ahosi. Tassa bhariya puttam vijayi. Dasipissa tam divasameva puttam vijayi. Te ekatova vaddhimsu. Setthiputte pubbe lekham sikkhante dasopissa phalakam vahamano gantva teneva saddhim lekham sikkhi dve tayo vohare akasi. So anukkamena vacanakusalo voharakusalo yuva abhirupo ahosi namena katahako nama. So setthissa ghare bhandagarikakammam karonto cintesi na mam ime sabbakalam bhandagarikakammeva karessanti kincideva dosam disva taletva bandhitva lakkhanena anketva dasaparibhogenapi paribhunjissanti paccante kho pana setthissa sahayakopi setthi atthi yannunaham setthissa vacanena lekham adaya tattha gantva aham setthiputtoti vatva tam setthim vancetva tassa dhitaram gahetva sukham vaseyyanti. So sayameva pannam gahetva aham asukannama mama puttam tava santikam pahinim avahavivahasambandho nama mayham taya tuyhanca maya saddhim patirupo tasma tvam imassa darakassa attano dhitaram datva etam tattheva vasapehi ahampi okasam labhitva agamissamiti likhitva setthisseva muddikaya Lancitva yatharucitam paribbayanceva gandhavatthadini ca gahetva paccantam gantva setthim disva vanditva atthasi. Atha nam setthi kuto agatosi tatati pucchi. Baranasitoti. Kassa puttositi. Baranasisetthissati. Kenatthenagatositi. Tasmim khane katahako idam disva janissathati pannam adasi. Setthi pannam vacetva idanaham jivami namati tutthacitto dhitaram datva patitthapesi. Tassa parivaro mahanto ahosi. So yagukhajjakadisu va suddhagandhavatthadisu va upanitesu evampi nama yagum pacanti evam khajjakam evam bhattam aho paccantavasika namati yaguadini garahati ime paccantavasibhaveneva ahatasatake valanjitum na jananti gandhepi pimsitum pupphani ganthitum na janantiti vatthakammakaradayo garahati. Bodhisatto dasam apassanto katahako na dissati kuhim gato pariyesatha nanti samanta manusse payojesi. Tesu eko tattha gantva tam disvava sanjanitva attanam ajanapetva gantva bodhisattassa arocesi. Bodhisatto, tam pavuttim sutva ayuttam tena katam gantva nam gahetva agamissamiti rajanam apucchitva mahantena parivarena nikkhami. Setthi kira paccantam gacchatiti sabbattha pakato jato. Katahako setthi kira agacchatiti sutva cintesi na so annena karanena agacchati mam nissayevassa agamanena bhavitabbam sace panaham palayissami puna Agantum na sakka bhavissati atthi panesa upayo mama samikassa patipatham gantva dasakammam katva tameva aradhessamiti. So tato patthaya parisamajjhe evam bhasati anne balamanussa attano balabhavena matapitunam gunam ajananta tesam bhojanavelaya apacitikammam akatva tehi saddhimyeva bhunjanti mayampana matapitunam paribhunjanakale patiggaham upanema khelasarakam upanema bhojanani upanema paniyampi vijanimpi gahetva upatitthamati yava sariravalanjanakale udakakalasam adaya paticchannatthanagamana sabbam dasehi samikanam kattabbakiccam pakasesi. So evam purisam ugganhapetva bodhisattassa paccantasamipam agatakale sassuram avoca tata mama kira pita tumhakam dassanatthaya agacchati tumhe khadaniyabhojaniyam patiyadapetha aham pannakaram gahetva patipatham gamissamiti. So sadhu tatati sampaticchi. Katahako bahupannakaramadaya mahantena parivarena gantva bodhisattam vanditva pannakaram adasi. Bodhisattopi pannakaram gahetva tena saddhim patisantharam katva patarasakale khandhavaram nivasetva sariravalanjanatthaya paticchannatthanam pavisi. Katahako attano parivaram nivattapetva kalasam adaya bodhisattassa santikam gantva udakakiccapariyosane padesu patitva sami aham tumhakam yattakam icchatha tattakam dhanam dassami ma me yasam antaradhayitthati aha. Bodhisatto tassa vattasampadaya pasiditva ma bhayi Natthi te mama santika antarayoti samassasetva paccantanagaram pavisi. Mahanto sakkaro ahosi. Katahakopissa nirantaram dasena kattabbakiccam karoti. Atha nam ekaya velaya sukhanisinnam paccantasetthi aha mahasetthi maya tumhakam pannam disvava tumhakam puttassa darika dinnati. Bodhisatto katahakam puttameva katva tadanucchavikam piyavacanam vatva setthim tosesi tato patthaya katahakassa mukham oloketum samattho nama nahosi. Athekadivasam mahasatto setthidhitaram pakkositva ehi amma sise me uka vicinahiti tam agantva uka gahetva thitam piyavacanam vatva amma kacci te mama putto sukhadukkhesu appamatto ubho jana sammodamana samaggasamvasam vasathati pucchi. Tata mahasetthiputtassa anno doso natthi kevalam aharam garahatiti. Amma niccakalepesa dukkhasilova apica te ahantassa mukhabandhanamantam dassami tam tvam sadhukam ugganhitva mama puttassa bhojanakale garahantassa uggahitaniyameneva purato thatva vadeyyasiti gatham ugganhapetva katipaham vasitva baranasimeva agamasi. Katahakopi bahukhadaniyabhojaniyamadaya anumaggam gantva bahum dhanam datva vanditva nivatti. So bodhisattassa gatakalato patthaya atirekamani ahosi. So ekadivasam setthidhitaya nanaggarasabhojanam upanetva katacchum adaya parivisantiya bhattam garahitum arabhi. Setthidhita Bodhisattassa santike uggahitaniyameneva imam gathamaha bahumpi so vikattheyya annam janapadam gato anvagantavana duseyya bhunja bhoge katahakati. Tattha bahumpi so vikattheyya annam janapadam gatoti yo attano jatibhumito annam janapadam gato hoti yatthassa jatim na jananti so bahumpi vikattheyya vambhanavacanam vadeyya. Anvagantavana duseyyati imam tava varam samikassa patipatham gantva dasakiccassa katatta kasahi paharitva pitthicammuppatanato ca lakkhanahananato ca muttosi sace anacaram karosi puna annasmim agamanavare tava samiko anvagantvana duseyya imam geham anuagantva kasabhighatehi ceva lakkhanahananena ca jatippakaseneva tam duseyya upahaneyya tasma imam anacaram pahaya bhunja bhoge katahaka ma paccha attano dasabhavam pakatam karetva vippatisari ahositi ayameva setthino adhippayo. Setthidhita pana etamattham ajananti uggahitaniyamena byanjanameva payirudahasi. Katahako setthina mama kutam acikkhitva etissa sabbam kathitam bhavissatiti tato patthaya puna bhattam vigarahitum na visahi nihinamano yathaladdham bhunjitva yathakammam gato. Sattha imam dhammadesanam aharitva jatakam samodhanesi tada katahako vikatthikabhikkhu ahosi baranasisetthi pana ahamevati. Katahakajatakam pancamam. --------

The Pali Atthakatha in Roman Book 36 page 326-331. http://84000.org/tipitaka/atthapali/read_rm.php?B=36&A=6495&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=6495&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=125 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=826 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=821 The Pali Tipitaka in Roman Character :- http://84000.org/tipitaka/read/roman_read.php?B=27&A=821 Contents of The Tipitaka Volume 27 http://84000.org/tipitaka/read/?index_27