AtthaPali Vol.36

7 Kalandukajatakam te desa tani vatthuniti idam sattha jetavane viharanto ekam vikatthikam bhikkhum arabbha kathesi. Tattha dvepi vatthuni katahakajatakasadisaneva. Idha panesa baranasisetthino daso kalanduko nama ahosi. Tassa palayitva paccantasetthidhitaram gahetva mahantena parivarena vasanakale Baranasisetthi pariyesapetvapi tassa gatatthanam ajananto gaccha kalandukam pariyesati attana vuttham sukapotakam pesesi. Sukapotako ito cito ca caranto tam nagaram sampapuni. Tasminca kale kalanduko nadim kilitukamo bahum malagandhavilepananceva khadaniyabhojaniyanca gahapetva nadim gantva setthidhitaya saddhim navam aruyha udake kilati. Tasminca dese nadikilam kilanta issarajatika tikhinabhesajjaparivaram khiram pivanti. Tena tesam divasabhagampi udake kilantanam sitam na badhati. Ayampana kalanduko khiragandusam gahetva mukham vikkhaletva tam khiram nutthubhati nutthubhantopi udake anutthubhitva setthidhitaya sise nutthubhati. Sukapotakopi naditiram gantva ekissa udumbarasakhaya nisiditva olokento kalandukam sanjanitva setthidhitaya sise nutthubhantam disva are kalanduka dasa attano jatinca vasanatthananca anussara khiragandusam gahetva mukham vikkhaletva jatisampannaya sukhasamvaddhaya setthidhitaya sise ma nutthubhi attano pamanam na janasiti vatva imam gathamaha te desa tani vatthuni ahanca vanagocaro anuvicca kho tam ganheyyum piva khiram kalandukati. Tattha te desa tani vatthuniti matukucchim sandhaya vadati. Ayamettha adhippayo yattha te vasitam na te khattiyadhitadinam kucchidesa yattha vasi patitthito tani na khattiyadhitanam kucchivatthuni atha kho dasikucchiyam tvam vasi ceva patitthito cati. Ahanca vanagocaroti Tiracchanagatopi etamattham janamiti dipeti. Anuvicca kho tam ganheyyunti evam anacaram caramanam maya gantva arocite anuvicca janitva tava samika taletva ceva lakkhanahatanca katva tam ganheyyum gahetva gamissanti tasma attano pamanam katva setthidhitaya sise anutthubhitva piva khiram. Kalandukati tam namena alapati. Kalandukopi sukapotakam sanjanitva mam pakatam kareyyati bhayena ehi sami kada agatositi aha. Sukapotakopi na esa mam hitakamataya pakkosati givam pana me vattetva maretukamoti natva na me taya atthoti tato uppatitva baranasim gantva yathadittham setthino vittharena kathesi. Setthi ayuttakam tena katanti gantva tassa anam karetva baranasimeva nam netva dasaparibhogena paribhunji. Sattha imam dhammadesanam aharitva jatakam samodhanesi tada kalanduko ayam bhikkhu ahosi baranasisetthi pana ahamevati. Kalandukajatakam sattamam. ----------

The Pali Atthakatha in Roman Book 36 page 335-337. http://84000.org/tipitaka/atthapali/read_rm.php?B=36&A=6693&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=6693&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=127 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=838 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=831 The Pali Tipitaka in Roman Character :- http://84000.org/tipitaka/read/roman_read.php?B=27&A=831 Contents of The Tipitaka Volume 27 http://84000.org/tipitaka/read/?index_27