บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10. Kosiyajatakam yatha vacava bhunjassuti idam sattha jetavane viharanto ekam savatthiyam matugamam arabbha kathesi. Sa kirekassa saddhassa pasannassa upasakassa brahmanassa brahmani dussila papadhamma rattim aticaritva diva kinci kammam akatva gilanalayam dassetva nitthunamana nipajji. Atha nam brahmano bhadde kinte aphasukanti pucchi. Vata me vijjhantiti. Atha kim laddhum vattatiti. Siniddhamadhurani panitappanitani yagubhattateladiniti. Brahmano yam yam icchati tam tam aharitva deti daso viya sabbakiccani karoti. Sa pana brahmanassa geham pavitthakale nipajji bahi nikkhantakale jarehi saddhim vitinameti. Atha brahmano imissaya sarire vijjhanavatanam pariyantova na pannayatiti ekadivasam gandhamaladini adaya jetavanam gantva sattharam pujetva vanditva ekamantam nisiditva kim brahmana na pannayasiti vutte bhante brahmaniya kira me sarire vata vijjhanti svaham tassa sappiteladini ceva Panitappanitabhojanani ca pariyesami sariramassa ghanavippasannachavivannam jatam vatarogassa pana pariyantova na pannayati ahantam patijaggantova idhagamanassa okasam na labhamiti. Sattha brahmaniya papabhavam natva brahmana evam nipannassa matugamassa roge avupasante idancidanca bhesajjam katum vattati pubbepi te panditehi kathitam bhavasankhepagatattapi na sallakkhesiti vatva tena yacito atitam ahari. Atite baranasiyam brahmadatte rajjam karente bodhisatto brahmanamahasalakule nibbattitva takkasilayam sabbasippani ugganhitva baranasiyam disapamokkho acariyo ahosi. Ekasatarajadhanisu khattiyakumara ca brahmanakumara ca yebhuyyena tasseva santike sippam ugganhimsu. Atheko janapadavasi brahmano bodhisattassa santike tayo vede attharasa vijjatthanani ugganhitva baranasiyanneva kutumbam santhapetva divase divase dvittikkhattum bodhisattassa santikam agacchati. Tassa brahmani dussila ahosi papadhammati sabbam paccuppannavatthusadisameva. Bodhisattopi imina karanena ovadagamanaya okasam na labhamiti vutte sa manavika imam vancetva nipajjatiti natva tassa roganucchavikam bhesajjam acikkhissamiti cintetva aha tata tvam ito patthaya tassa sappikhirarasadini ma adasi gomutte pana pancapannam tiphaladini ca pakkhipitva kottetva navatambalohabhajane pakkhipitva Lohagandham gahapetva rajjum va yottam va rukkhalatam va gahetva idante rogassa anucchavikam bhesajjam idam va piva utthaya va taya bhuttassa bhattassa anucchavikam kammam karohiti vatva imam gatham vadeyyasi sace bhesajjam na pivati atha nam rajjuya va yottena va lataya va katippaharehi paharitva kesesu gahetva akaddhitva kappurena potheyyasi tam khananneva utthaya kammam karissatiti. So sadhuti sampaticchitva vuttaniyameneva bhesajjam katva bhadde imam bhesajjam pivahiti aha. Kena te idam acikkhitanti. Acariyena bhaddeti. Apanehi nam na pivissamiti. Manavo na tvam attano ruciya pivissasiti rajjum gahetva attano rogassa anucchavikam bhesajjam va piva bhuttabhattanucchavikam kammam va karohiti vatva imam gathamaha yatha vaca ca bhunjassu yatha bhuttanca byahara ubhayante na sameti vaca bhuttanca kosiyeti. Tattha yatha vaca ca bhunjassuti yatha te vaca tatha ca bhunjassu vata me vijjhantiti vacaya anucchavikameva katva bhunjassuti attho. Yathavacam vatipi patho yuttam. Yathavacayatipi pathanti. Sabbattha ayamettha attho. Yathabhuttanca byaharati yante bhuttam tassa anucchavikameva byahara arogamhiti vatva gehe kattabbakammam karohiti attho. Yathabhutancatipi patho. Athava. Arogamhiti yathabhutameva vatva kammam karohiti Attho. Ubhayante na sameti vaca bhuttanca kosiyeti ya ca te ayam vaca vata mam vijjhantiti yanca te idam panitabhojanam bhuttam idam ubhayampi tuyham na sameti tasma utthaya kammam karohi. Kosiyeti tam gottena alapati. Evam vutte kosiyabrahmanadhita acariyena ussukkam apannakalato patthaya na sakka maya evam vancetum utthaya kammam karissamiti utthaya kammam akasi acariyena me dussilabhavo nato na idani sakka ito patthaya puna evarupam katunti acariye garavena papakammatopi viramitva silavati ahosi. Sapi brahmani sammasambuddhena kiramhi natati satthari garavena na puna anacaram akasi. Sattha imam dhammadesanam aharitva jatakam samodhanesi tada jayapatika idani jayapatikava acariyo pana ahamevati. Kosiyajatakam dasamam. Kusanalivaggo terasamo. --------- @Footnote: @*** hanranir m+mikhramula ***The Pali Atthakatha in Roman Book 36 page 342-346. http://84000.org/tipitaka/atthapali/read_rm.php?B=36&A=6820&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=6820&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=130 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=853 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=847 The Pali Tipitaka in Roman Character :- http://84000.org/tipitaka/read/roman_read.php?B=27&A=847 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]