AtthaPali Vol.36

2. Pancabhirukajatakam kusalupadese dhitiya dalhaya cati idam sattha jetavane viharanto ajapalanigrodhe maradhituppalobhanasuttantam arabbha kathesi. Bhagavata hi adito patthaya daddallamana aganchum tanha ca arati raga ta tattha panudi sattha tulam bhatthamva malutoti evam yava pariyosana tassa suttantassa kathitakale dhammasabhayam sannipatita bhikkhu katham samutthapesum avuso sammasambuddho maradhitaro anekasatani dibbarupani mapetva palobhanatthaya upasankamantiyo akkhini ummiletva na olokesi aho buddhabalannama acchariyanti. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idaneva mayham sabbasave khepetva sabbannutam pattassa maradhitanam anolokanam nama acchariyam ahanhi pubbe bodhinanam pariyesamano sakkilesakale hi abhisankhatam dibbarupampi indriyani bhinditva kilesavasena anoloketvava gantva maharajjam papuninti vatva atitam ahari. Atite baranasiyam brahamdatte rajjam karente bodhisatto bhatikasatassa kanittho ahosi. Sabbam hettha takkasilajatake vuttanayeneva vittharetabbam. Tada pana takkasilanagaravasihi bahinagare Salaya bodhisattam upasankamitva yacitva rajjam paticchapetva abhiseke kate takkasilanagaravasino nagaram devanagaram viya rajabhavananca indabhavanam viya alankarimsu. Tada bodhisatto nagaram pavisitva rajabhavane pasade mahatale samussapitasetacchattam ratanavarapallankam aruyha devarajalilhaya nisidi. Amacca ca brahmanagahapatikadayo ca khattiyakumara ca sabbalankarappatimandita parivaretva atthamsu. Devaccharappatibhaga solasasahassanatakitthiyo naccagitavaditakusala uttamavilasasampanna naccagitavaditani payojesum. Gitavaditasaddena rajabhavanam meghatthanitapurito mahasamuddakucchi viya ekaninnadam ahosi. Bodhisatto tam attano sirisobhaggappattam olokayamano cintesi sacaham tasam yakkhininam abhisankhatam dibbarupam olokissam jivitakkhayam patto abhavissam imam sirisobhaggam na olokissam paccekabuddhanam pana ovade thitabhavena idam maya pattanti evanca pana cintetva udanam udanento imam gathamaha kusalupadese dhitiya dalhaya ca avatthitatta bhayabhirutaya ca na rakkhasinam vasamagamimha sa sotthibhavo mahata bhayena meti. Tattha kusalupadeseti kusalanam upadese paccekabuddhanam ovadeti attho. Dhitiya dalhaya cati dalhaya dhitiya ca thirena Abbhocchinnanirantaraviriyena cati attho. Avatthitatta bhayabhirutaya cati bhayabhirutaya avatthitataya ca. Tattha bhayanti cittutrasamattam parittabhayam. Bhirutati sarirakampanappattam mahabhayam. Idam ubhayampi mahasattassa yakkhiniyo nameta manussakhadikati bheravarammanampi nahosi. Tenaha avatthitatta bhayabhirutaya cati. Bhayabhirutaya abhaveneva bheravarammanam disvapi anivattanabhavenati attho. Na rakkhasinam vasamagamimhati yakkhakantare tasam rakkhasinam vasam na agamimha. Yasma amhakam kusalupadese dhiti ca dalha ahosi bhayabhirutabhavena ca anivattanasabhava ahumha tasma rakkhasinam vasam na agamimhati vuttam hoti. Sa sotthibhavo mahata bhayena meti so me ayam ajja mahata bhayena rakkhasinam santike pattabbena dukkhadomanassena sotthibhavo khemabhavo pitisomanassabhavoyeva jatoti. Evam mahasatto imaya gathaya dhammam desetva dhammena rajjam karetva danadini punnani katva yathakammam gato. Sattha imam dhammadesanam aharitva jatakam samodhanesi aham tena samayena takkasilam gantva rajjam pattakumaro ahosinti. Pancabhirukajatakam dutiyam. --------

The Pali Atthakatha in Roman Book 36 page 352-354. http://84000.org/tipitaka/atthapali/read_rm.php?B=36&A=7000&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=7000&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=132 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=875 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=867 The Pali Tipitaka in Roman Character :- http://84000.org/tipitaka/read/roman_read.php?B=27&A=867 Contents of The Tipitaka Volume 27 http://84000.org/tipitaka/read/?index_27