AtthaPali Vol.36

6. Suvannahamsajatakam yam laddham tena tutthabbanti idam sattha jetavane thullanandam bhikkhunim arabbha kathesi. Savatthiyanhi annataro upasako bhikkhunisangham lasunena pavaretva khettapalam anapesi sace bhikkhuniyo agacchanti ekekaya bhikkhuniya dve tayo bhandike dehiti. Tato patthaya bhikkhuniyo tassa gehampi khettampi lasunatthaya gacchanti. Athekasmim ussavadivase tassa gehe lasunam parikkhayam agamasi. Thullananda bhikkhuni saparivara geham gantva lasunena avuso atthoti vatva natthayye yathabhatam lasunam parikkhinam khettam gacchathati vutta khettam gantva na mattam janitva lasunam harapesi. Khettapalo Ujjhayi katham hi nama bhikkhuniyo na mattam janitva lasunam harapessantiti. Tassa katham sutva ya ta bhikkhuniyo appiccha .pe. Tapi tasam sutva bhikkhupi ujjhayimsu ujjhayitva ca pana bhagavato etamattham arocesum. Bhagava thullanandam bhikkhunim garahitva bhikkhave mahiccho puggalo nama vijatamatuyapi appiyo ahosi amanapo appasannanam pasadetum pasannanam va bhiyyoso mattaya pasadam janetum anuppannam labham uppadetum uppannam va pana thiram katum na sakkoti appiccho pana appasannanam pasadetum pasannanam bhiyyoso mattaya pasadam janetum anuppannam labham uppadetum uppannam va pana thiram katum sakkotiti adina nayena bhikkhuninam tadanucchavikam dhammam kathetva na bhikkhave thullananda idaneva mahiccha pubbepi mahicchayevati vatva atitam ahari. Atite baranasiyam brahmadatte rajjam karente bodhisatto annatarasmim brahmanakule nibbatti. Tassa vayappattassa samajatika kula pajapatim aharimsu. Tassa nanda nandavati sunandati tisso dhitaro ahesum. Tasu parakulam gatasuyeva bodhisatto kalam katva suvannahamsayoniyam nibbatti. Jatissarananancassa uppajji. So vayappatto hutva suvannapattasanchannam sobhaggappattam mahantam attabhavam disva kuto nu kho cavitva aham idhupapannoti avajjento manussalokatoti natva puna katham nu kho me brahmani Ca dhitaro ca jivantiti upadharento paresam bhatim katva kicchena jivantiti ca natva cintesi mayham sarire sovannamayani pattani kottanaghattanakkhamani ito tasam ekekam pattam dassami tena me pajapati ca dhitaro ca sukham jivissantiti. So tattha gantva pitthivamsakotiyam niliyi. Brahmani ca dhitaro ca bodhisattam disva kuto agatosi samiti pucchimsu. Aham tumhakam pita kalam katva suvannahamsayoniyam nibbatto tumhe datthum agato ito patthaya tumhakam paresam bhatim katva dukkhajivikaya jivitakiccam natthi aham vo ekekam pattam dassami tam vikkinitva sukhena jivathati ekekam pattam datva agamasi. So etena niyamena antarantara agantva ekekam pattam deti. Brahmani ca dhitaro ca addha sukhita ahesum. Athekadivasam sa brahmani dhitaro amantesi amma tiracchananam nama cittam dujjanam kadaci vo pita idha nagaccheyya kim karissama idanissa agatakale sabbani pattani luncitva ganhamati. Ta evam no pita kilamissatiti na sampaticchimsu. Brahmani pana mahicchataya punekadivasam suvannarajahamsassa agatakale ehi tava samiti vatva tam attano santikam upagatam ubhohi hatthehi gahetva sabbapattani lunci. Tani pana bodhisattassa rucim vina balakkarena gahitatta sabbani bakapattasadisani ahesum. Bodhisatto pakkhe pasaretva gantum nasakkhi. Atha nam sa mahacatiya pakkhipitva posesi. Tassa puna utthahantani pattani Setani sampajjimsu. So sanjatapakkho uppatitva attano vasanatthanameva gantva na puna agamasi. Sattha imam atitam aharitva na bhikkhave thullananda idaneva mahiccha pubbepi mahicchayeva mahicchataya ca pana suvannamha parihina idani attano mahicchatayaeva lasunamhapi parihayissati tasma ito patthaya lasunam khaditum na labhissati yatha ca thullananda evam tam nissaya sesabhikkhuniyopi tasma bahum labhitvapi pamanameva janitabbam appam labhitva pana yathaladdheneva santoso katabbo uttarim na patthetabbanti vatva imam gathamaha yam laddham tena tutthabbam atilobho hi papako hamsarajam gahetvana suvanna parihayatiti. Tattha tutthabbanti tusitabbam. Idam pana vatva sattha anekapariyayena garahitva ya pana bhikkhuni lasunam khadeyya pacittiyanti sikkhapadam pannapetva jatakam samodhanesi tada brahmani ayam thullananda ahosi tisso dhitaro idani tissoyeva bhaginiyo suvannahamsaraja pana ahamevati. Suvannahamsajatakam chattham. --------

The Pali Atthakatha in Roman Book 36 page 360-363. http://84000.org/tipitaka/atthapali/read_rm.php?B=36&A=7167&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=7167&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=136 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=901 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=894 The Pali Tipitaka in Roman Character :- http://84000.org/tipitaka/read/roman_read.php?B=27&A=894 Contents of The Tipitaka Volume 27 http://84000.org/tipitaka/read/?index_27