Atthakatha Book 36 : PALI ROMAN
Ja.A.2 ekanipat (2)

                      10. Kakajatakam
     niccam ubbiggahadayati idam sattha jetavane viharanto natatthacariyam
arabbha kathesi. Paccuppannavatthum dvadasanipate bhaddasalajatake
avibhavissati.
     Atite baranasiyam brahmadatte rajjam karente bodhisatto
kakayoniyam nibbatti. Athekadivasam ranno purohito bahinagare
nadiyam nhayitva gandhehi vilimpetva malam pilandhitva varavatthanivattho
nagaram pavisati. Nagaradvaratoranagge dve kaka nisinna honti.
Tesu eko ekam aha samma aham imassa brahmanassa  matthake
sariravalanjam patessamiti. Itaro ma te evam ruci ayam
brahmano issaro issarajanena saddhim veram nama papakam ayanhi
kuddho sabbepi kake vinaseyyati. Na sakka tam maya na
patetunti. Tenahi pannayissasiti vatva itaro kako palayi.
So toranassa hetthabhagam sampatte brahmane olambakam dharento
viya tassa matthake vaccam patesi. Brahmano kujjhitva kakesu
veram bandhi.
     Tasmim kale eka bhatiya vihikottikadasi vihi gehadvare
atape pattharitva rakkhanti nisinnava niddam okkami . Tassa
pamadam natva eko dighalomako elako agantva vihi khadi.
Sa pabujjhitva tam disva palapesi. Elako dutiyampi tatiyampi
tassa tatheva niddayanakale agantva vihi khadi. Sapi nam
tikkhattum palapetva cintesi punappunam khadanto upaddhavihim
khadissati bahu me chedo bhavissati idanissa puna anagamanakaranam
karissamiti. Sa alatam gahetva niddayamana viya nisiditva
vihi khadanatthaya elake sampatte utthaya alatena elakam pahari.
Lomani aggim ganhimsu. So sarire jhayante aggim nibbapessamiti
vegena gantva hatthisalaya samipe ekissa tinakutiya sariram
ghamsi. Sa pajjali. Tato utthitajala hatthisalam ganhi.
Hatthisalasu jhayantisu hatthipitthani jhayimsu. Bahu hatthi vanitasarira
Ahesum. Vejja hatthi aroge katum asakkonta ranno arocesum.
Raja purohitam aha acariya hatthivejja hatthi tikicchitum na
sakkonti api kinci bhesajjam janasiti. Janami maharajati.
Kim laddhum vattatiti. Kakavasa maharajati. Tenahi kake
maretva vasam aharathati aha. Tato patthaya kake maretva
vasam alabhitva tattha tattheva rasim karonta. Kakanam mahabhayam
uppannam.
     Tada bodhisatto asitisahassakakaparivaro mahasusane vasati.
Eko kako agantva kakanam uppannam bhayam bodhisattassa arocesi.
So cintesi thapetva mam anno mayham natakanam uppannam bhayam
haritum samattho natthi harissami nanti dasa paramiyo avajjetva
mettaparamim purecarikam katva ekavegeneva pakkhanditva
vivatamahavatapane pavisitva ranno asanassa hettha pavisi. Atha nam
eko manusso gahetukamo ahosi. Raja saranam pavittho
ma ganhiti varesi. Mahasatto thokam vissamitva mettaparamim
avajjetva hetthasana nikkhamitva rajanam aha maharaja
ranna nama chandadivasena agantva rajjam karetum vattati yam yam
kammam kattabbam hoti sabbam nisamma upadharetva katum vattati
yanca kariyamanam nippajjati tadeva katum vattati na itaram sace
hi rajano kariyamanam na nippajjati tam karonti mahajanassa
maranabhayapariyosanam mahabhayam uppajjati purohito veravasiko hutva
Musavadam abhasi kakanam vasa nama natthiti. Tam sutva raja
pasannacitto bodhisattam kancanabhaddapithe nisidapetva tattha nisinnassa
pakkhantarani satapakasahassapakatelehi makkhapetva kancanatattake
rajaraham sucibhojanam bhojapetva paniyam payetva suhitam vigatadarakam
mahasattam etadavoca pandita tvam kakanam vasa nama natthiti
vadesi kena karanena nesam vasa natthiti. Bodhisatto imina
ca imina ca karanenati sakalanivesanam ekasaddam katva dhammam
desento imam gathamaha
         niccam ubbiggahadaya     sabbalokavihesaka
         tasma nesam vasa natthi  kakanamhaka natinanti.
     Tatrayam sankhepattho maharaja kaka nama niccam
ubbiggamanasa bhayappattava viharanti. Sabbalokavihesakati khattiyadayo
manussepi itthipurisepi kumarakumarikadayopi vihethenta kilamanta
vicaranti tasma imehi dvihi karanehi nesam amhakam natinam
kakanam vasa nama natthi atitepi abhutapubba anagatepi na
bhavissantiti.
     Evam mahasatto imam karanam uttanam katva maharaja
ranna nama anisamma anupadharetva kammam na kattabbanti rajanam
pabodhesi. Raja tussitva bodhisattam rajjena pujesi. Bodhisatto
tassa rajjam rannoyeva patidatva rajanam pancasu silesu patitthapetva
Sabbasattanam abhayam yaci. Raja dhammadesanam sutva sabbasattanam
abhayam datva kakanam nibaddhadanam patthapetva divase divase
tandulambanassa bhattam pacitva nanaggarasehi omadditva kakanam
danam diyati. Mahasattassa pana rajarodhanameva diyittha.
     Sattha imam dhammadesanam aharitva jatakam samodhanesi tada
baranasiraja anando ahosi kakaraja pana ahamevati.
                     Kakajatakam dasamam.
                 Asampadanavaggo cuddasamo.
                      ----------


             The Pali Atthakatha in Roman Book 36 page 374-378.
http://84000.org/tipitaka/atthapali/read_rm.php?B=36&A=7454&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=36&A=7454&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=27&i=140
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=924
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=914
             The Pali Tipitaka in Roman Character :-
http://84000.org/tipitaka/read/roman_read.php?B=27&A=914
             Contents of The Tipitaka Volume 27
http://84000.org/tipitaka/read/?index_27