AtthaPali Vol.36

15. Kakantakavaggavannana ------- 1. Godhajatakam na papajanasamseviti idam sattha veluvane viharanto ekam vipakkhasevim bhikkhum arabbha kathesi. Paccuppannavatthum mahilamukhajatake kathitasadisameva. Atite baranasiyam brahmadatte rajjam karente bodhisatto godhayoniyam patisandhim ganhi. So vayappatto naditire mahabile anekagodhasataparivaro vasam kappesi. Tassa putto godhapilliko nama ekena kakantakena saddhim mittasanthavam katva tena saddhim sammodamano viharanto kakantakam parissajissamiti avattharati. Tassa tena saddhim vissasam godharajassa arocesum. Godharaja puttam pakkosapetva tata tvam atthane vissasam karosi kakantaka nama nicajatika tena saddhim vissaso na kattabbo sace tvam tena saddhim vissasam karissasi tam kakantakam nissaya sabbampetam godhakulam vinasam papunissati ito patthaya etena saddhim vissasam ma akasiti aha. So karotiyeva. Bodhisatto punappunam kathentopi tassa tena saddhim vissasam varetum asakkonto avassam amhakam etam kakantakam nissaya bhayam uppajjissati tasmim Uppanne palayanamaggam sampadetum vattatiti ekena passena vatabilam karapesi. Puttopissa anukkamena mahasariro ahosi. Kakantako pana purimappamanoyeva. Itaro kakantakam parissajissamiti antarantara avattharatiyeva. Kakantakassa pabbatakutena avattharanakalo viya ahosi. So kilamanto cintesi sace ayam annani katipayani divasani mam evam parissajissati jivitam me natthi ekena luddakena saddhim ekato hutva imam godhakulam vinasessamiti. Athekadivasam nidaghasamaye meghe vutthe vammikato makkhika utthahimsu. Tato tato godha nikkhamitva makkhikayo khadanti. Eko godhaluddako godhabilam bhindanatthaya kuddalam gahetva sunakhehi saddhim arannam pavisi. Kakantako tam disva ajja attano manoratham puressamiti tam upasankamitva avidure nipajjitva bho purisa kasma aranne vicarasiti pucchi. Godhanam atthayati. Aham anekasatanam godhanam asayam janami agginca palasanca adaya ehiti tam tattha netva imasmim thane palasam pakkhipitva aggim datva dhumam katva samanta sunakhe thapetva sayam mahamuggaram gahetva nikkhanta godha paharitva maretva rasim karositi. Evanca pana vatva ajja paccamittassa pitthim passissamiti ekasmim thane sisam ukkhipitva nipajji. Luddakopi palasadhumamakasi. Dhumo bilam pavisi. Godha dhumandha maranabhayatajjita nikkhamitva palayitum araddha. Luddako nikkhantanikkhantam paharitva mareti. Tassa hatthato mutta sunakha ganhimsu. Godhanam mahavinaso uppajji. Bodhisatto kakantakam nissaya bhayam uppannanti natva papapurisasamsaggo nama na katabbo pape nissaya hitasukham nama natthi ekassa papakakantakassa vasena ettakanam godhanam vinaso jatoti vatabilena palayanto imam gathamaha na papajanasamsevi accantasukhamedhati godhakulam kakantava kalim papeti attananti. Tatrayam sankhepattho papajanasamsevi puggalo accantam sukham nirantarasukham nama na edhati na vindati na patilabhati. Yatha kim. Godhakulam kakantava yatha kakantaka godhakulam sukham na labhati evam papajanasamsevi sukham na labhati ekanteneva kalim papeti attanam kali vuccati vinaso ekanteneva papasevi attananca anne ca attana saddhim vasante vinasam papetiti. Paliyampana kalim papeyyati likhanti. Tam byanjanam atthakathayam natthi. Atthopissa na yujjati. Tasma yathavuttameva gahetabbam. Sattha imam dhammadesanam aharitva jatakam samodhanesi tada kakantako devadatto ahosi bodhisattassa putto anovadakagodhapilliko vipakkhasevi bhikkhu godharaja pana ahamevati. Godhajatakam pathamam. ----------

The Pali Atthakatha in Roman Book 36 page 379-381. http://84000.org/tipitaka/atthapali/read_rm.php?B=36&A=7533&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=7533&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=141 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=938 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=926 The Pali Tipitaka in Roman Character :- http://84000.org/tipitaka/read/roman_read.php?B=27&A=926 Contents of The Tipitaka Volume 27 http://84000.org/tipitaka/read/?index_27