ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext book chage to ROMAN letter  
Atthakatha Book 36 : PALI ROMAN Ja.A.2 ekanipat (2)

                      10 Sanjivajatakam
     asantam yo pagganhatiti idam sattha veluvane viharanto
ajatasattussa ranno asantam sampaggaham arabbha kathesi.
     So hi buddhanam patikantakabhute dussile papadhamme devadatte
pasiditva tam asantam asappurisam paggayha tassa sakkaram karissamiti
bahum dhanam pariccajitva gayasise viharam karetva tassa vacanam
gahetva pitaram dhammarajanam sotapannam ariyasavakam ghatetva attano
sotapattimaggassa upanissayam chinditva mahavinasam patto. So
Hi devadatto pathavim pavitthoti sutva kacci nu kho mampi pathavi
gileyyati bhitatasito rajjasukham na labhati sayane assadam na vindati
tibbakaranabhitunno peto viya kampamano vicarati. So pathavim
gilamanam viya avicijalam nikkhamantam viya attanam adittaya lohapathaviya
uttanam nipajjapetva ayasulehi kottiyamanam viya ca samanupassi.
Tenassa pahatakukkutasseva muhuttampi kampamanassa avatthanam nama
nahosi. Sammasambuddham passitukamo khamapetukamo panham
pucchitukamo ahosi attano pana aparadhamahantataya upasankamitam
na sakkoti.
     Athassa rajagahanagare kattikarattivare sampatte devanagare viya
alankate mahatale amaccaganaparivutassa kancanasane nisinnassa
jivakam komarabhaccam avidure nisinnam disva etadahosi jivakam gahetva
sammasambuddhassa santikam gamissami na kho pana sakka maya
ujukameva gantum aham samma jivaka sayam gantum na sakkomi ehi
mam satthu santikam nehiti anekapariyayenassa rattisampadam vannetva
kim nu kho ajja mayam samanam va brahmanam va payirupaseyyama
yanno payirupasatam cittam pasideyyati vakkhami tam sutva amacca
attano sattharanam vannam kathessanti jivakopi sammasambuddhassa
vannam kathessati atha nam gahetva satthu santikam gacchissamiti.
So pancahi padehi rattim vannesi
              Lakkhanna vata bho dosina ratti
              abhirupa vata bho dosina ratti
              dassaniya vata bho dosina ratti
              pasadika vata bho dosina ratti
              ramaniya vata bho dosina ratti
kam nu kho ajja mayam samanam va brahmanam va payirupaseyyama
yanno payirupasatam cittam pasideyyati. Atheko amacco
puranakassapassa vannam kathesi eko makkhaligosalassa eko
ajitakesakambalassa eko pakudhakaccayanassa eko sanjayavelatthaputtassa
eko nataputtanigganthassati. Raja tesam katham sutva tunhi
ahosi. So hi jivakasseva mahamaccassa katham paccasimsati. Jivakopi
ranna mam arabbha kathiteyeva janissamiti avidure tunhi nisidi.
Atha nam raja aha tvam pana samma jivaka kim tunhiti. Tasmim
khane jivako utthayasana yena bhagava tenanjalimpanametva
eso deva bhagava araham sammasambuddho amhakam ambavane
viharati saddhim addhaterasehi bhikkhusatehi tanca pana bhagavantam evam
kalyano kittisaddo abbhuggatoti navasatani patihariyani jatito
patthaya pubbanimittadibhedam bhagavato anubhavam pakasetva tam
bhagavantam devo payirupasatu dhammam sunatu panham pucchatuti aha.
Raja sampunnamanoratho hutva tenahi samma jivaka hatthiyanani
kappapehiti yanani kappapetva mahantena rajanubhavena
Jivakambavanam gantva tattha mandalamale bhikkhusanghaparivutam tathagatam
disva santavicimajjhe mahanavam viya niccalam bhikkhusangham ito cito
ca anuviloketva evarupa nama me parisa na ditthapubbati
iriyapatheyeva pasiditva sanghassa anjalim pagganhitva thutim vatva
bhagavantam vanditva ekamantam nisinno samannaphalapanham pucchi.
Athassa bhagava dvihi bhanavarehi patimanditam samannaphalasuttantam
kathesi. So suttapariyosane attamano bhagavantam khamapetva
utthayasana padakkhinam katva pakkami.
     Sattha acirapakkantassa ranno bhikkhu amantetva khatayam
bhikkhave raja upahatayam bhikkhave raja sacayam bhikkhave raja
issariyassa karana pitaram dhammikam dhammarajanam jivita na
voropessati imasmimyeva asane virajam vitamalam dhammacakkhum uppajjissati
devadattampana nissaya asantam sampaggaham katva sotapattiphala
parihinoti aha. Punadivase bhikkhu dhammasabhayam katham samutthapesum
avuso ajatasattu kira asantam sampaggaham katva dussilam
papadhammam devadattam nissaya pitughatakammassa katatta sotapattiphala
parihino devadattena nasito rajati. Sattha agantva
kaya nuttha bhikkhave etarahi kathaya sannisinnati pucchitva imaya
namati vutte na bhikkhave ajatasattu idaneva asantam sampaggaham
katva mahavinasam patto pubbepesa asantam sampaggaheneva attanam
nasesiti vatva atitam ahari.
     Atite baranasiyam brahmadatte rajjam karente bodhisatto
mahavibhave brahmanakule nibbattitva vayappatto takkasilam gantva
sabbasippani ugganhitva baranasiyam disapamokkho acariyo
hutva pancamanavakasatanam sippam vacesi. Tesu manavesu eko
sanjivo nama manavo atthi. Bodhisatto tassa matakutthapanamantam
adasi. So utthapanamantameva gahetva patibahanamantam agahetva
ekadivasam manavehi saddhim daruatthaya arannam gantva ekam
matabyaggham disva manave aha bho imam matabyaggham
utthapessamiti. Manava na sakkhissasiti ahamsu. Passantananyeva
vo utthapessamiti. Sace sakkosi utthapehiti evanca pana
vatva te manava rukkham abhiruhimsu. Sanjivo mantam parivattetva
matabyaggham sakkharaya paharati. Byaggho utthaya vegena gantva
sanjivam galanaliyam damsitva jivitakkhayam papetva tattheva pati.
Ubho ekatthaneyeva mata nipajjimsu. Manava daruni adaya
gantva tam pavuttim acariyassa arocesum. Acariyo manave
amantetva tata asantam sampaggahaka nama ayuttatthane
sakkarasammanam karonta evarupam dukkham patilabhantiyevati vatva
imam gathamaha
         asantam yo pagganhati     asantam cupasevati
         tameva ghasam kurute       byaggho sanjiviko yathati.
     Tattha asantanti tihi duccaritehi samannagatam dussilam
Papadhammam. Yo pagganhatiti yam khattiyadisu yokoci evarupam dussilam
pabbajitam va civaradisampadanena gahattham va uparajjasenapatitthanadi-
sampadanena pagganhati sakkarasammanam karotiti attho. Asantam
cupasevatiti yo ca evarupam asantam dussilam upasevati bhajati payirupasati.
Tameva ghasam kuruteti tameva asantam sampagganhakam so dussilo
papapuggalo ghasati khadati vinasam papeti. Katham. Byaggho sanjiviko
yathati yatha sanjivena manavena mantam parivattetva matabyaggho
sanjiviko jivitasampadanena sampaggahito attano jivitadayakam
sanjivameva jivita voropetva tattheva patesi evam annopi
yo asantam sampaggaham karoti so dussilo tam attano sampaggahakameva
vinaseti evam asantam sampaggahaka vinasam papunantiti.
     Bodhisatto imaya gathaya manavanam dhammam desetva danadini
punnani katva yathakammam gato.
     Sattha imam dhammadesanam aharitva jatakam samodhanesi tada
matabyagghutthapako manavo ajatasattu ahosi disapamokkho
acariyo pana ahamevati.
                    Sanjivajatakam dasamam.
                  Kakantakavaggo pannarasamo.
                 Ekanipatavannana nitthita.


             The Pali Atthakatha in Roman Book 36 page 410-415. http://84000.org/tipitaka/atthapali/read_rm.php?B=36&A=8176&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=8176&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=150              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=986              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=976              The Pali Tipitaka in Roman Character :- http://84000.org/tipitaka/read/roman_read.php?B=27&A=976              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext book chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]