AtthaPali Vol.37

2 Sigalajatakam asamekkhitakammantanti idam sattha kutagarasalayam viharanto vesalivasikam ekam nhapitaputtam arabbha kathesi. Tassa kira pita rajunam rajorodhanam rajakumaranam rajakumarikananca massukaranakesasanthapanaatthapadatthapanadini sabbakiccani karoti saddho pasanno tisaranagato samadinnapancasilo, antarantarena satthu dhammam sunanto kalam vitinameti. So ekadivasam rajanivesane kammam katum gacchanto attano puttam gahetva gato. So tattha ekam devaccharapatibhagam alankatapatiyattam licchavikumarikam disva kilesavasena patibaddhacitto hutva pitara saddhim rajanivesana nikkhamitva etam kumarikam labhamano jivissami, alabhamanassa me ettheva marananti aharupacchedam katva mancakam parissajitva nipajji. Atha nam pita upasankamitva tata avatthumhi chandaragam ma kari, hinajacco tvam nhapitaputto, licchavikumarika khattiyadhita jatisampanna, sa tumhakam ananucchavika, annam te jatigottehi sadisam kumarikam anessamiti aha. So pitu katham na ganhati. Atha nam mata bhata bhagini cullamata cullapitati sabbepi nataka ceva mittasuhajja ca sannipatitva sannapentapi sannapetum nasakkhimsu. So tattheva sussitva jivitakkhayam papuni. Athassa pita sarirakiccapetakiccani katva tanugate soke sattharam vandissamiti bahuni gandhamaladivilepanani gahetva mahavanam gantva sattharam pujetva vanditva ekamantam nisinno kinnu kho upasaka imani divasani na dissasiti vutte tamattham arocesi. Sattha na kho upasaka idaneva tava putto avatthusmim chandaragam uppadetva vinasam papuni, pubbepi patto yevati vatva tena yacito atitam ahari. Atite baranasiyam brahmadatte rajjam karente bodhisatto himavantappadese sihayoniyam nibbatti, tassa cha kanitthabhataro eka ca bhagini ahosi. Sabbepi kancanaguhayam vasanti. Tassa pana guhaya avidure rajatapabbate eka phalikaguha atthi. Tattheko sigalo vasati. Aparabhage sihanam matapitaro kalamakamsu. Te bhaginim sihapotikam kancanaguhayam thapetva gocaraya pakkamitva mamsam aharitva tassa denti. So sigalo tam sihapotikam disva patibaddhacitto ahosi. Tassa pana matapitunam amatakale okasam nalattha. So sattannampi tesam gocaraya pakkantakale phalikaguhaya otaritva kancanaguhadvaram gantva sihapotikaya purato lokamisapatisamyuttam evarupam rahassakatham kathesi sihapotike aham catuppado, tvampi catuppada, tvam me pajapati hohi, ahante pati bhavissami, te mayam samagga sammodamana vasissama, tvam ito patthaya mam kilesavasena sanganhahiti. Sa tassa vacanam sutva cintesi ayam sigalo catuppadanam antare hino patikuttho candalasadiso, mayam uttamarajakulasammata, esa kho maya saddhim asabbham ananucchavikam katham kathesi, aham evarupam katham sutva jivitena kim karissami, nasavatam sannirumhitva marissamiti. Athassa etadahosi mayham evameva maranam ayuttam, bhatika tava me agacchanti, tesam kathetva marissamiti. Sigalopi tassa santika pativacanam alabhitva idani esa mayi na sambajjhatiti domanassappatto phalikaguhayam pavisitva nipajji. Atheko sihapotako mahisavaranadisu annataram vadhitva mamsam khaditva bhaginiya bhagam aharitva amma mamsam khadassuti aha. Bhatika naham khadami, marissamiti. Kimkaranati. Sa tam pavuttim acikkhi. Idani Kaham so sigaloti vutte phalikaguhayam nipannasigalam akase nipannoti mannamana bhatika kim na passasi, eso rajatapabbate akase nipannoti. Sihapotako tassa phalikaguhayam nipannabhavam ajananto akase nipannoti sanni hutva maressami nanti sihavegena pakkhanditva phalikaguham hadayeneva pahari. So hadayena phalitena tattheva jivitakkhayam patva pabbatapade pati. Atha aparo agacchi. Sa tassapi tatheva kathesi. Sopi tatheva katva jivitakkhayam patva pabbatapade pati. Evam chasupi bhatikesu matesu sabbapaccha bodhisatto agacchati. Sa tassapi tam karanam arocetva idani so kahanti vutte eso rajatapabbatamatthake akase nipannoti aha. Bodhisatto cintesi sigalanam akase patittha nama natthi, phalikaguhaya nipanno bhavissatiti. So pabbatapadam otaritva cha bhatike mate disva ime attano balataya parigganhanapannaya abhavena phalikaguhayam nipannabhavam ajanitva hadayena paharitva mata bhavissanti, asamekkhitva atituritam karontanam kammam nama evarupam hotiti vatva pathamam gathamaha asamekkhitakammantam turitabhinipatinam tani kammani tappenti unham vajjhohitam mukheti. Tattha asamekkhitakammantam turitabhinipatinanti yo puggalo yam kammam katukamo hoti tattha dosam asamekkhitva anupadharetva Turito hutva vegeneva tam kammam katum abhinipatati pakkhandati patipajjati tam asamekkhitakammantam turitabhinipatinam tadisani kammani tappenti socenti kilamenti. Yatha kim. Unham vajjhohitam mukheti yatha bhunjantena idam sitalam idam unhanti anupadharetva unham ajjhoharaniyam mukhe ajjhohitam thapitam mukhampi kanthampi kucchimpi dahati soceti kilameti, evam tatharupam puggalam tani kammani tappenti. Iti so siho imam gatham vatva mama bhatika anupayakusala sigalam maressamati ativegena pakkhanditva sayam mata, aham pana evam akatva sigalassa phalikaguhayam nipannasseva bhitabhitassa hadayam phalessamiti. So sigalassa arohanaorohanamaggam sallakkhetva tadabhimukho hutva tikkhattum sihanadam nadi. Pathaviya saddhim akasam ekaninnadam ahosi. Sigalassa phalikaguhayam nipannasseva bhitabhitassa hadayam phali. So tattheva jivitakkhayam papuni. Sattha evam so sigalo sihanadam sutva jivitakkhayappattoti vatva abhisambuddho hutva dutiyam gathamaha siho ca sihanadena daddaram abhinadayi, sutva sihassa nigghosam sigalo daddare vasam bhito santasamapadi, hadayancassa apphaliti. Tattha sihoti cattaro siha tinasiho pandusiho kalasiho surattahatthapado kesarasihoti, tesu kesarasiho idha adhippeto. Daddaram abhinadayiti tena asanisatasaddabheravena sihanadena rajatapabbatam Abhinadayi ekaninnadam akasi. Daddare vasanti phalikamissake rajatapabbate vasanto. Bhito santasamapaditi maranabhayena bhito cittutrasam apadi. Hadayancassa apphaliti tena cassa bhayena hadayam phalitam. Evam siho sigalassa jivitakkhayam papetva bhataro ekasmim thane paticchadetva tesam matabhavam bhaginiya acikkhitva tam samassasetva jivapariyantam kancanaguhayam thatva yathakammam gato. Sattha imam dhammadesanam aharitva saccani pakasetva jatakam samodhanesi. Saccapariyosane upasako sotapattiphale patitthahi. Tada sigalo nhapitaputto ahosi, sihapotika licchavikumarika, cha kanitthabhataro annatarathera ahesum, jetthabhatikasiho pana ahamevati. Sigalajatakam dutiyam. ------------

The Pali Atthakatha in Roman Book 37 page 6-11. http://84000.org/tipitaka/atthapali/read_rm.php?B=37&A=114&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=114&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=153 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1025 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1012 The Pali Tipitaka in Roman Character :- http://84000.org/tipitaka/read/roman_read.php?B=27&A=1012 Contents of The Tipitaka Volume 27 http://84000.org/tipitaka/read/?index_27