AtthaPali Vol.37

7 Samiddhijatakam abhutva bhikkhasi bhikkhuti idam sattha rajagaham upanissaya tapodarame viharanto samiddhittheram arabbha kathesi. Ekadivasam hi ayasma samiddhitthero sabbarattim padhanam padahitva arunuggamanavelaya nhatva suvannavannam attabhavam sukkhapayamano antaravasakam nivasetva uttarasangam hatthena gahetva atthasi. Suparikammakata viya suvannapatima attabhavasamiddhiya yeva hissa samiddhiti namam ahosi. Athassa sarirasobhaggam disva eka devadhita patibaddhacitta theram evamaha tvam khosi bhikkhu daharo yuva susu kalakeso bhaddena yobbanena samannagato abhirupo dassaniyo pasadiko, evarupassa tava kame aparibhunjitva ko attho Pabbajjaya, kame tava paribhunjassu, paccha pabbajitva samanadhammam karissasiti. Atha nam thero aha devadhite asukasmim nama vaye thito marissamiti mama maranakalam na janami, esa me kalo aparicchinno, tasma tarunakale yeva samanadhammam katva dukkhassa antam karissamiti. Sa therassa santika patisantharam alabhitva tattheva antaradhayi. Thero sattharam upasankamitva etamattham arocesi. Sattha na kho samiddhi tvanceva etarahi devadhitaya palobhito, pubbepi devadhitaro panditapabbajite palobhimsu yevati tena yacito atitam ahari. Atite baranasiyam brahmadatte rajjam karente bodhisatto ekasmim kasikagame brahmanakule nibbattitva vayappatto sabbasippesu nipphattim patva isipabbajjam pabbajitva abhinna ca samapattiyo ca nibbattetva himavantappadese ekam jatassaram nissaya vasam kappesi. Sopi sabbarattim padhanam padahitva arunuggamanavelaya nhatva ekam vakkalam nivasetva ekam hatthena gahetva sariram nirodakam karonto atthasi. Athassa rupasobhaggappattam attabhavam oloketva patibaddhacitta eka devadhita bodhisattam palobhayamana pathamam gathamaha abhutva bhikkhasi bhikkhu, na hi bhutvana bhikkhasi, bhutvana bhikkhu bhikkhassu, ma tam kalo upaccagati. Tattha abhutva bhikkhasi bhikkhuti bhikkhu tvam daharakale kilesakamavasena vatthukame abhunjitva bhikkhaya carasi. Na hi bhutvana bhikkhasiti nanu nama pancakamagune bhunjitva bhikkhaya caritabbam, tvam kame abhunjitvava bhikkhacariyam upagatosi. Bhutvana bhikkhu bhikkhassuti bhikkhu daharakale tava kame bhunjitvana paccha mahallakakale bhikkhassu. Ma tam kalo upaccagati ayam kame bhunjanakalo daharakale ma tam atikkamatuti. Bodhisatto devadhitaya vacanam sutva attano ajjhasayam pakasento dutiyam gathamaha kalam voham na janami, channo kalo na dissati, tasma abhutva bhikkhami, ma mam kalo upaccagati. Tattha kalam voham na janamiti voti nipatamattam. Aham pathamavaye va maya maritabbam majjhimavaye va pacchimavaye vati evam attano maranakalam na janami. Atipanditenapi hi puggalena jivitam byadhi kalo ca dehanikkhepanam gati pancete jivalokasmim animitta na nayareti. Channo kalo na dissatiti yasma asukasmim nama vayakale va hemantadi- utukale va maya maritabbanti mayhampesa channo kalo na dissati supaticchanno hutva thito na pannayati. Tasma abhutva bhikkhamiti tena karanena kamagune abhutva va bhikkhami. Ma mam kalo upaccagati mam samanadhammassa karanakalo ma atikkamatu, imina Karanena daharova samano pabbajitva samanadhammam karomiti. Devadhita bodhisattassa vacanam sutva tattheva antaradhayi. Sattha imam dhammadesanam aharitva, jatakam samodhanesi. Tada devadhita ayanca devadhita, ahameva tena samayena tapaso ahosinti. Samiddhijatakam sattamam. ------------

The Pali Atthakatha in Roman Book 37 page 73-76. http://84000.org/tipitaka/atthapali/read_rm.php?B=37&A=1459&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=1459&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=183 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1178 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1165 The Pali Tipitaka in Roman Character :- http://84000.org/tipitaka/read/roman_read.php?B=27&A=1165 Contents of The Tipitaka Volume 27 http://84000.org/tipitaka/read/?index_27