AtthaPali Vol.37

8 Sakunagghijatakam seno balasa patamanoti idam sattha jetavane viharanto attano ajjhasayam sakunovadasuttam arabbha kathesi. Ekadivasam hi sattha bhikkhu amantetva gocare bhikkhave caratha sake pettike visayeti imam samyuttam mahavagge suttantam kathento tumhe tava titthatha, pubbepi tiracchanagatapi sakam visayam pahaya agocare caranta paccamittanam hatthapatham gantva attano pannasampattiya upayakosallena paccamittanam hattha muccimsuti vatva atitam ahari. Atite baranasiyam brahmadatte rajjam karente bodhisatto lapasakunayoniyam nibbattitva nangalakatthakarane leddutthane vasam kappesi. So ekadivasam sakavisaye gocaragahanam pahaya paravisaye gocaram gahessamiti atavipariyantam agamasi. Atha nam tattha gocaram parigganhantam disva sakunagghi sahasa ajjhappatta aggahesi.

--------------------------------------------------------------------------------------------- page77.

So sakunagghiya hariyamano evam paridevesi mayameva mahaalakkhika mayam appapunna yeva, mayam agocare carimha paravasaye, sacajja mayam gocare careyyama sake pettikavisaye, na myayam sakunagghi alam abhavissa yadidam yuddhayati. Ko pana te lapa gocaro sako pettiko visayoti. Yadidam nangalakatthakaranam leddutthananti. Atha nam sakunagghi sake bale atthaddha amunci gaccha bho tvam lapa, tatthapi gantva na mokkhasiti. So tattha gantva mahantam leddum abhiruhitva ehi khodani sakunagghiti senam avhayanto atthasi. Sakunagghi sake bale apatthaddha ubho pakkhe sandhaya lapasakuna sahasa ajjhappatta. Yada pana tam lapo bahuagato kho myayam sakunagghiti annasi, atha parivattitva tasseva leddussa antaram paccapadi. Sakunagghi vegam sandharetum asakkonto tattheva uram paccaphalesi. Evam so bhinnena hadayena nikkhantehi akkhihi jivitakkhayam papuni. Sattha imam atitam dassetva evam bhikkhave tiracchanagatapi agocare caranta amittahattham gacchanti gocare pana sake pettike visaye caranta amitte nigganhanti, tasma tumhepi ma agocare caratha paravisaye, agocare bhikkhave caratam paravisaye lacchati maro otaram lacchati maro arammanam, ko ca bhikkhave bhikkhuno agocaro paravisayo yadidam pancakamaguna, katame panca, cakkhuvinneyya rupa sotavinneyya sadda ghanavinneyya gandha jivhavinneyya rasa kayavinneyya photthabba, ayam kho bhikakhave bhikkhuno agocaro

--------------------------------------------------------------------------------------------- page78.

Paravisayoti vatva abhisambuddho hutva pathamam gathamaha seno balasa patamano lapam gocaratthayinam sahasa ajjhappatto va maranam tenupagamiti. Tattha basasa patamanoti lapam ganhissamiti balena thamena patamano. Gocaratthayinanti sakavisaya nikkhamitva gocaratthaya atavipariyante thitam. Ajjhappattoti sampatto. Tenupagamiti tena karanena maranam patto. Tasmim pana maranam upagate lapo nikkhamitva dittha vata me paccamittassa pitthiti tassa hadayeva thatva udanam udanento dutiyam gathamaha soham nayena sampanno pettike gocare rato apetasattu modami sampassam atthamattanoti. Tattha nayenati upayena. Atthamattanoti attano arogabhavasankhatam vuddhim. Sattha imam dhammadesanam aharitva saccani pakasetva jatakam samodhanesi. Saccapariyosane bahu bhikkhu sotapattiphaladini sampapunimsu. Tada seno devadatto ahosi, lapo pana ahamevati. Sakunagghijatakam atthamam. -------------

The Pali Atthakatha in Roman Book 37 page 76-78. http://84000.org/tipitaka/atthapali/read_rm.php?B=37&A=1517&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=1517&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=185 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1188 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1172 The Pali Tipitaka in Roman Character :- http://84000.org/tipitaka/read/roman_read.php?B=27&A=1172 Contents of The Tipitaka Volume 27 http://84000.org/tipitaka/read/?index_27