บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4 Dubbhiyamakkatajatakam adammi te vari bahuttarupanti idam sattha veluvane viharanto devadattam arabbha kathesi. Ekasmim hi divase dhammasabhayam bhikkhu devadattassa akatannutam mittadubbhibhavam kathenta nisidimsu. Sattha na bhikkhave devadatto idaneva akatannu mittadubbhi pubbepi evarupo ahositi vatva atitam ahari. Atite baranasiyam brahmadatte rajjam karente bodhisatto ekasmim kasikagamake brahmanakule nibbattitva vayappatto gharavasam santhapesi. Tasmim pana samaye kasikaratthe vattanimahamagge eko gambhiro udakapano ahosi anotaraniyo tiracchananam. Maggapatipanna punnatthika manussa digharajjukena varakena udakam ussincitva ekissa doniya puretva tiracchananam paniyam denti. Tassa samantato mahantam arannam. Tattha bahu makkata vasanti. Atha Tasmim magge dve tini divasani manussanam sancaro pacchijji. Tiracchana paniyam na labhimsu. Eko makkato pipasaturo paniyam pariyesanto udakapanassa santike vicarati. Bodhisatto kenacideva karaniyena tam maggam patipajjitva gacchanto tattha paniyam ussincitva pivitva hatthapade dhovitva thito tam makkatam addasa. Athassa pipasitabhavam natva paniyam ussincitva doniyam akiritva adasi. Datva ca pana vissamissamiti ekasmim rukkhamule nipajji. Makkato paniyam pivitva avidure nisiditva mukhamakkatikam karonto bodhisattam bhimsapeti. Bodhisatto tassa kiriyam disva are dutthamakkata aham tava pipasitassa kilantassa bahum paniyam adasim, idani tvam mayham mukhamakkatikam karosi, aho papajanassa nama kato upakaro niratthakoti vatva pathamam gathamaha adammi te vari bahuttarupam ghammabhitattassa pipasitassa, sodani pitvana kikim karosi, na sangamo papajanena seyyoti. Tattha sodani pitvana kikim karositi so idani tvam maya dinnam pivitva mukhamakkatikam karonto kikinti saddam karosi. Na sangamo papajanena seyyoti papajanena nama saddhim sangamo na seyyo asangamo va seyyoti. Tam sutva so mittadubbhimakkato tvam ettakeneva maya katam Nitthitanti sannam karosi, idani te sise vaccam patetva gamissamiti vatva dutiyam gathamaha ko te suto va dittho va silava nama makkato, idani kho tam ohaccam esa asmakadhammatati. Tatrayam sankhepattho bho brahmana makkato katagunajananako acarasampanno silava atthiti kaham taya suto va dittho va, idani kho ahantam ohaccam vaccam te sise katva pakkamissami. Amhakam hi makkatanam nama esa dhammata ayam jatisabhavo yadidam upakarakassa sise vaccam katabbanti. Tam sutva bodhisatto utthaya gantum arabhi. Makkato tam khananneva uppatitva sakhaya nisiditva olambakam otarento viya tassa sise vaccam patetva viravanto vanasandam pavisi. Bodhisatto nhatva agamasi. Sattha na bhikkhave idaneva devadatto, pubbepi maya katagunam na janati yevati imam dhammadesanam aharitva jatakam samodhanesi. Tada makkato devadatto ahosi, brahmano pana ahamevati. Dubbhiyamakkatajatakam catuttham. ----------------The Pali Atthakatha in Roman Book 37 page 92-94. http://84000.org/tipitaka/atthapali/read_rm.php?B=37&A=1831&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=1831&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=197 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1244 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1228 The Pali Tipitaka in Roman Character :- http://84000.org/tipitaka/read/roman_read.php?B=27&A=1228 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]