AtthaPali Vol.37

5 Adiccupatthanajatakam sabbesu kira bhutesuti idam sattha jetavane viharanto ekam kuhakam bhikkhum arabbha kathesi. Vatthu hetthakathitasadisameva. Atite baranasiyam brahmadatte rajjam karente bodhisatto kasikaratthe brahmanakule nibbattitva vayappatto takkasilayam sippani uggahetva isipabbajjam pabbajitva abhinna ca samapattiyo ca nibbattetva mahaparivaro ganasattha hutva himavante vasam kappesi. So tattha ciram vasitva lonambilasevanatthaya pabbata oruyha paccante ekam gamam nissaya pannasalaya vasam upaganchi. Atheko lolamakkato isigane bhikkhacaram gate assamapadam agantva pannasalaya uttinnani karoti paniyaghatesu udakam chaddeti kundikani bhindati aggisalayam vaccam karoti. Tapasa vassam vuttha idani himavanto pupphaphalasamiddho ramaniyo, tattheva gamissamati paccantagamavasike apucchimsu. Manussa sve bhante mayam bhikkham gahetva assamapadam agamissama, tam paribhunjitva gamissathati vatva dutiyadivase pahutam khadaniyam bhojaniyam gahetva tattha agamamsu. Tam disva lolamakkato cintesi kohannam katva manusse aradhetva mayhampi khadaniyabhojaniyam aharapessamiti. So tapacaranam caranto viya silava Viya ca hutva tapasanam avidure suriyam namassamano atthasi. Manussa tam disva silavantanam santike vasanta silavanto hontiti vatva pathamam gathamahamsu sabbesu kira bhutesu santi silasamahita, passa sakhamigam jammam adiccamupatitthatiti. Tattha santi silasamahitati silena samahita samannagata samvijjanti, silavanto ca samahita ca ekaggacitta samvijjantiti attho. Jammanti lamakam. Adiccamupatitthatiti suriyam namassamano titthati. Evam te manusse tassa gune kathente disva bodhisatto tumhe imassa lolamakkatassa silacaram ajanitva avatthusmim yeva pasannati vatva dutiyam gathamaha nassa silam vijanatha anannaya pasamsatha, aggihuttanca uhanam dve ca bhinna kamandaluti. Tattha anannayati ajanitva. Uhananti imina papamakkatena uhanam. Kamandaluti kundika. Dve ca kundika tena bhinnati evamassa agunam kathesi. Manussa makkatassa kuhakabhavam natva leddu ca yatthiyo ca gahetva pothetva palapetva isiganassa bhikkham adamsu. Isiyopi himavantameva gantva aparihinajjhana brahmalokaparayana ahesum. Sattha imam dhammadesanam aharitva jatakam samodhanesi. Tada Makkato ayam kuhako ahosi, isigana buddhaparisa, ganasattha pana ahamevati. Adiccupatthanajatakam pancamam. ---------------

The Pali Atthakatha in Roman Book 37 page 95-97. http://84000.org/tipitaka/atthapali/read_rm.php?B=37&A=1884&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=1884&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=199 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1253 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1237 The Pali Tipitaka in Roman Character :- http://84000.org/tipitaka/read/roman_read.php?B=27&A=1237 Contents of The Tipitaka Volume 27 http://84000.org/tipitaka/read/?index_27